Languages

Work 3 · Passage 14

Work 3 · Passage 14

Plato

Greek

ΦΑΙΔ. ἀλλ’ ὑμῖν δὴ τοῖς δικασταῖς βούλομαι ἤδη τὸν λόγον ἀποδοῦναι, ὥς μοι φαίνεται εἰκότως ἀνὴρ τῷ ὄντι ἐν φιλοσοφίᾳ διατρίψας τὸν βίον θαρρεῖν μέλλων ἀποθανεῖσθαι καὶ εὔελπις εἶναι ἐκεῖ μέγιστα οἴσεσθαι ἀγαθὰ ἐπειδὰν τελευτήσῃ. πῶς ἂν οὖν δὴ τοῦθ’ οὕτως ἔχοι, ὦ Σιμμία τε καὶ Κέβης , ἐγὼ πειράσομαι φράσαι. κινδυνεύουσι γὰρ ὅσοι τυγχάνουσιν ὀρθῶς ἁπτόμενοι φιλοσοφίας λεληθέναι τοὺς ἄλλους ὅτι οὐδὲν ἄλλο αὐτοὶ ἐπιτηδεύουσιν ἢ ἀποθνῄσκειν τε καὶ τεθνάναι. εἰ οὖν τοῦτο ἀληθές, ἄτοπον δήπου ἂν εἴη προθυμεῖσθαι μὲν ἐν παντὶ τῷ βίῳ μηδὲν ἄλλο ἢ τοῦτο, ἥκοντος δὲ δὴ αὐτοῦ ἀγανακτεῖν ὃ πάλαι προυθυμοῦντό τε καὶ ἐπετήδευον. καὶ ὁ Σιμμίας γελάσας, νὴ τὸν Δία , ἔφη, ὦ Σώκρατες , οὐ πάνυ γέ με νυνδὴ γελασείοντα ἐποίησας γελάσαι. οἶμαι γὰρ ἂν τοὺς πολλοὺς αὐτὸ τοῦτο ἀκούσαντας δοκεῖν εὖ πάνυ εἰρῆσθαι εἰς τοὺς φιλοσοφοῦντας — καὶ συμφάναι ἂν τοὺς μὲν παρ’ ἡμῖν ἀνθρώπους καὶ πάνυ — ὅτι τῷ ὄντι οἱ φιλοσοφοῦντες θανατῶσι, καὶ σφᾶς γε οὐ λελήθασιν ὅτι ἄξιοί εἰσιν τοῦτο πάσχειν. καὶ ἀληθῆ γ’ ἂν λέγοιεν, ὦ Σιμμία , πλήν γε τοῦ σφᾶς μὴ λεληθέναι. λέληθεν γὰρ αὐτοὺς ᾗ τε θανατῶσι καὶ ᾗ ἄξιοί εἰσιν θανάτου καὶ οἵου θανάτου οἱ ὡς ἀληθῶς φιλόσοφοι. εἴπωμεν γάρ, ἔφη, πρὸς ἡμᾶς αὐτούς, χαίρειν εἰπόντες ἐκείνοις· ἡγούμεθά τι τὸν θάνατον εἶναι; πάνυ γε, ἔφη ὑπολαβὼν ὁ Σιμμίας . ἆρα μὴ ἄλλο τι ἢ τὴν τῆς ψυχῆς ἀπὸ τοῦ σώματος ἀπαλλαγήν; καὶ εἶναι τοῦτο τὸ τεθνάναι, χωρὶς μὲν ἀπὸ τῆς ψυχῆς ἀπαλλαγὲν αὐτὸ καθ’ αὑτὸ τὸ σῶμα γεγονέναι, χωρὶς δὲ τὴν ψυχὴν τοῦ σώματος ἀπαλλαγεῖσαν αὐτὴν καθ’ αὑτὴν εἶναι; ἆρα μὴ ἄλλο τι ᾖ ὁ θάνατος ἢ τοῦτο; οὔκ, ἀλλὰ τοῦτο, ἔφη. σκέψαι δή, ὠγαθέ, ἐὰν ἄρα καὶ σοὶ συνδοκῇ ἅπερ ἐμοί

Transliteration

PHAID. all’ hymin dē tois dikastais boulomai ēdē ton logon apodounai, hōs moi phainetai eikotōs anēr tō onti en philosophia diatripsas ton bion tharrhein mellōn apothaneisthai kai euelpis einai ekei megista oisesthai agatha epeidan teleutēsē. pōs an oun dē touth’ houtōs echoi, ō Simmia te kai Kebēs , egō peirasomai phrasai. kindyneuousi gar hosoi tynchanousin orthōs haptomenoi philosophias lelēthenai tous allous hoti ouden allo autoi epitēdeuousin ē apothnēskein te kai tethnanai. ei oun touto alēthes, atopon dēpou an eiē prothymeisthai men en panti tō biō mēden allo ē touto, hēkontos de dē autou aganaktein ho palai prouthymoynto te kai epetēdeuon. kai ho Simmias gelasas, nē ton Dia , ephē, ō Sōkrates , ou pany ge me nyndē gelaseionta epoiēsas gelasai. oimai gar an tous pollous auto touto akousantas dokein eu pany eirēsthai eis tous philosophountas — kai symphanai an tous men par’ hēmin anthrōpous kai pany — hoti tō onti hoi philosophountes thanatōsi, kai sphas ge ou lelēthasin hoti axioi eisin touto paschein. kai alēthē g’ an legoien, ō Simmia , plēn ge tou sphas mē lelēthenai. lelēthen gar autous hē te thanatōsi kai hē axioi eisin thanatou kai hoiou thanatou hoi hōs alēthōs philosophoi. eipōmen gar, ephē, pros hēmas autous, chairein eipontes ekeinois hēgoumetha ti ton thanaton einai; pany ge, ephē hypolabōn ho Simmias . ara mē allo ti ē tēn tēs psychēs apo tou sōmatos apallagēn; kai einai touto to tethnanai, chōris men apo tēs psychēs apallagen auto kath’ hauto to sōma gegonenai, chōris de tēn psychēn tou sōmatos apallageisan autēn kath’ hautēn einai; ara mē allo ti ē ho thanatos ē touto; ouk, alla touto, ephē. skepsai dē, ōgathe, ean ara kai soi syndokē haper emoi

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 64 part 1; transliteration: greek-transliteration (build)

Share X Facebook