Work 3 · Passage 16
Plato
Greek
ΦΑΙΔ. ἆρ᾽ οὖν πρῶτον μὲν ἐν τοῖς τοιούτοις δῆλός ἐστιν ὁ φιλόσοφος ἀπολύων ὅτι μάλιστα τὴν ψυχὴν ἀπὸ τῆς τοῦ σώματος κοινωνίας διαφερόντως τῶν ἄλλων ἀνθρώπων; φαίνεται. καὶ δοκεῖ γέ που, ὦ Σιμμία , τοῖς πολλοῖς ἀνθρώποις ᾧ μηδὲν ἡδὺ τῶν τοιούτων μηδὲ μετέχει αὐτῶν οὐκ ἄξιον εἶναι ζῆν, ἀλλ’ ἐγγύς τι τείνειν τοῦ τεθνάναι ὁ μηδὲν φροντίζων τῶν ἡδονῶν αἳ διὰ τοῦ σώματός εἰσιν. πάνυ μὲν οὖν ἀληθῆ λέγεις. τί δὲ δὴ περὶ αὐτὴν τὴν τῆς φρονήσεως κτῆσιν; πότερον ἐμπόδιον τὸ σῶμα ἢ οὔ, ἐάν τις αὐτὸ ἐν τῇ ζητήσει κοινωνὸν συμπαραλαμβάνῃ; οἷον τὸ τοιόνδε λέγω· ἆρα ἔχει ἀλήθειάν τινα ὄψις τε καὶ ἀκοὴ τοῖς ἀνθρώποις, ἢ τά γε τοιαῦτα καὶ οἱ ποιηταὶ ἡμῖν ἀεὶ θρυλοῦσιν, ὅτι οὔτ’ ἀκούομεν ἀκριβὲς οὐδὲν οὔτε ὁρῶμεν; καίτοι εἰ αὗται τῶν περὶ τὸ σῶμα αἰσθήσεων μὴ ἀκριβεῖς εἰσιν μηδὲ σαφεῖς, σχολῇ αἵ γε ἄλλαι· πᾶσαι γάρ που τούτων φαυλότεραί εἰσιν. ἢ σοὶ οὐ δοκοῦσιν; πάνυ μὲν οὖν, ἔφη. πότε οὖν, ἦ δ’ ὅς, ἡ ψυχὴ τῆς ἀληθείας ἅπτεται; ὅταν μὲν γὰρ μετὰ τοῦ σώματος ἐπιχειρῇ τι σκοπεῖν, δῆλον ὅτι τότε ἐξαπατᾶται ὑπ’ αὐτοῦ. ἀληθῆ λέγεις. ἆρ’ οὖν οὐκ ἐν τῷ λογίζεσθαι εἴπερ που ἄλλοθι κατάδηλον αὐτῇ γίγνεταί τι τῶν ὄντων; ναί. λογίζεται δέ γέ που τότε κάλλιστα, ὅταν αὐτὴν τούτων μηδὲν παραλυπῇ, μήτε ἀκοὴ μήτε ὄψις μήτε ἀλγηδὼν μηδέ τις ἡδονή, ἀλλ’ ὅτι μάλιστα αὐτὴ καθ’ αὑτὴν γίγνηται ἐῶσα χαίρειν τὸ σῶμα, καὶ καθ’ ὅσον δύναται μὴ κοινωνοῦσα αὐτῷ μηδ᾽ ἁπτομένη ὀρέγηται τοῦ ὄντος. ἔστι ταῦτα. οὐκοῦν καὶ ἐνταῦθα ἡ τοῦ φιλοσόφου ψυχὴ μάλιστα ἀτιμάζει τὸ σῶμα καὶ φεύγει ἀπ’ αὐτοῦ, ζητεῖ δὲ αὐτὴ καθ’ αὑτὴν γίγνεσθαι; φαίνεται. τί δὲ δὴ τὰ τοιάδε, ὦ Σιμμία ; φαμέν τι εἶναι δίκαιον αὐτὸ ἢ οὐδέν; φαμὲν μέντοι νὴ Δία . καὶ αὖ καλόν γέ τι καὶ ἀγαθόν; πῶς δ’ οὔ; ἤδη οὖν πώποτέ τι τῶν τοιούτων τοῖς ὀφθαλμοῖς εἶδες; οὐδαμῶς, ἦ δ’ ὅς. ἀλλ’ ἄλλῃ τινὶ αἰσθήσει τῶν διὰ τοῦ σώματος ἐφήψω αὐτῶν
Transliteration
PHAID. ar oun prōton men en tois toioutois dēlos estin ho philosophos apolyōn hoti malista tēn psychēn apo tēs tou sōmatos koinōnias diapherontōs tōn allōn anthrōpōn; phainetai. kai dokei ge pou, ō Simmia , tois pollois anthrōpois hō mēden hēdy tōn toioutōn mēde metechei autōn ouk axion einai zēn, all’ engys ti teinein tou tethnanai ho mēden phrontizōn tōn hēdonōn hai dia tou sōmatos eisin. pany men oun alēthē legeis. ti de dē peri autēn tēn tēs phronēseōs ktēsin; poteron empodion to sōma ē ou, ean tis auto en tē zētēsei koinōnon symparalambanē; hoion to toionde legō ara echei alētheian tina opsis te kai akoē tois anthrōpois, ē ta ge toiauta kai hoi poiētai hēmin aei thrylousin, hoti out’ akouomen akribes ouden oute horōmen; kaitoi ei hautai tōn peri to sōma aisthēseōn mē akribeis eisin mēde sapheis, scholē hai ge allai pasai gar pou toutōn phauloterai eisin. ē soi ou dokousin; pany men oun, ephē. pote oun, ē d’ hos, hē psychē tēs alētheias haptetai; hotan men gar meta tou sōmatos epicheirē ti skopein, dēlon hoti tote exapatatai hyp’ autou. alēthē legeis. ar’ oun ouk en tō logizesthai eiper pou allothi katadēlon autē gignetai ti tōn ontōn; nai. logizetai de ge pou tote kallista, hotan autēn toutōn mēden paralypē, mēte akoē mēte opsis mēte algēdōn mēde tis hēdonē, all’ hoti malista autē kath’ hautēn gignētai eōsa chairein to sōma, kai kath’ hoson dynatai mē koinōnousa autō mēd haptomenē oregētai tou ontos. esti tauta. oukoyn kai entautha hē tou philosophou psychē malista atimazei to sōma kai pheugei ap’ autou, zētei de autē kath’ hautēn gignesthai; phainetai. ti de dē ta toiade, ō Simmia ; phamen ti einai dikaion auto ē ouden; phamen mentoi nē Dia . kai au kalon ge ti kai agathon; pōs d’ ou; ēdē oun pōpote ti tōn toioutōn tois ophthalmois eides; oudamōs, ē d’ hos. all’ allē tini aisthēsei tōn dia tou sōmatos ephēpsō autōn
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 65 part 1; transliteration: greek-transliteration (build)