Work 3 · Passage 15
Plato
Greek
· ἐκ γὰρ τούτων μᾶλλον οἶμαι ἡμᾶς εἴσεσθαι περὶ ὧν σκοποῦμεν. φαίνεταί σοι φιλοσόφου ἀνδρὸς εἶναι ἐσπουδακέναι περὶ τὰς ἡδονὰς καλουμένας τὰς τοιάσδε, οἷον σιτίων καὶ ποτῶν; ἥκιστα, ὦ Σώκρατες , ἔφη ὁ Σιμμίας . τί δὲ τὰς τῶν ἀφροδισίων; οὐδαμῶς. τί δὲ τὰς ἄλλας τὰς περὶ τὸ σῶμα θεραπείας; δοκεῖ σοι ἐντίμους ἡγεῖσθαι ὁ τοιοῦτος; οἷον ἱματίων διαφερόντων κτήσεις καὶ ὑποδημάτων καὶ τοὺς ἄλλους καλλωπισμοὺς τοὺς περὶ τὸ σῶμα πότερον τιμᾶν δοκεῖ σοι ἢ ἀτιμάζειν, καθ’ ὅσον μὴ πολλὴ ἀνάγκη μετέχειν αὐτῶν; ἀτιμάζειν ἔμοιγε δοκεῖ, ἔφη, ὅ γε ὡς ἀληθῶς φιλόσοφος. οὐκοῦν ὅλως δοκεῖ σοι, ἔφη, ἡ τοῦ τοιούτου πραγματεία οὐ περὶ τὸ σῶμα εἶναι, ἀλλὰ καθ’ ὅσον δύναται ἀφεστάναι αὐτοῦ, πρὸς δὲ τὴν ψυχὴν τετράφθαι; ἔμοιγε.
Transliteration
ek gar toutōn mallon oimai hēmas eisesthai peri hōn skopoumen. phainetai soi philosophou andros einai espoudakenai peri tas hēdonas kaloumenas tas toiasde, hoion sitiōn kai potōn; hēkista, ō Sōkrates , ephē ho Simmias . ti de tas tōn aphrodisiōn; oudamōs. ti de tas allas tas peri to sōma therapeias; dokei soi entimous hēgeisthai ho toioutos; hoion himatiōn diapherontōn ktēseis kai hypodēmatōn kai tous allous kallōpismous tous peri to sōma poteron timan dokei soi ē atimazein, kath’ hoson mē pollē anankē metechein autōn; atimazein emoige dokei, ephē, ho ge hōs alēthōs philosophos. oukoyn holōs dokei soi, ephē, hē tou toioutoy pragmateia ou peri to sōma einai, alla kath’ hoson dynatai aphestanai autou, pros de tēn psychēn tetraphthai; emoige.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 64 part 2; transliteration: greek-transliteration (build)