Work 3 · Passage 28
Plato
Greek
ΦΑΙΔ. οὐκοῦν κἂν ἔλαττον γίγνηται, ἐκ μείζονος ὄντος πρότερον ὕστερον ἔλαττον γενήσεται; ἔστιν οὕτω, ἔφη. καὶ μὴν ἐξ ἰσχυροτέρου γε τὸ ἀσθενέστερον καὶ ἐκ βραδυτέρου τὸ θᾶττον; πάνυ γε. τί δέ; ἄν τι χεῖρον γίγνηται, οὐκ ἐξ ἀμείνονος, καὶ ἂν δικαιότερον, ἐξ ἀδικωτέρου; πῶς γὰρ οὔ; ἱκανῶς οὖν, ἔφη, ἔχομεν τοῦτο, ὅτι πάντα οὕτω γίγνεται, ἐξ ἐναντίων τὰ ἐναντία πράγματα; πάνυ γε. τί δ’ αὖ; ἔστι τι καὶ τοιόνδε ἐν αὐτοῖς, οἷον μεταξὺ ἀμφοτέρων πάντων τῶν ἐναντίων δυοῖν ὄντοιν δύο γενέσεις, ἀπὸ μὲν τοῦ ἑτέρου ἐπὶ τὸ ἕτερον, ἀπὸ δ’ αὖ τοῦ ἑτέρου πάλιν ἐπὶ τὸ ἕτερον· μείζονος μὲν πράγματος καὶ ἐλάττονος μεταξὺ αὔξησις καὶ φθίσις, καὶ καλοῦμεν οὕτω τὸ μὲν αὐξάνεσθαι, τὸ δὲ φθίνειν; ναί, ἔφη. οὐκοῦν καὶ διακρίνεσθαι καὶ συγκρίνεσθαι, καὶ ψύχεσθαι καὶ θερμαίνεσθαι, καὶ πάντα οὕτω, κἂν εἰ μὴ χρώμεθα τοῖς ὀνόμασιν ἐνιαχοῦ, ἀλλ’ ἔργῳ γοῦν πανταχοῦ οὕτως ἔχειν ἀναγκαῖον, γίγνεσθαί τε αὐτὰ ἐξ ἀλλήλων γένεσίν τε εἶναι ἑκατέρου εἰς ἄλληλα; πάνυ μὲν οὖν, ἦ δ᾽ ὅς. τί οὖν; ἔφη, τῷ ζῆν ἐστί τι ἐναντίον, ὥσπερ τῷ ἐγρηγορέναι τὸ καθεύδειν; πάνυ μὲν οὖν, ἔφη. τί; τὸ τεθνάναι, ἔφη. οὐκοῦν ἐξ ἀλλήλων τε γίγνεται ταῦτα, εἴπερ ἐναντία ἐστιν, καὶ αἱ γενέσεις εἰσὶν αὐτοῖν μεταξὺ δύο δυοῖν ὄντοιν; πῶς γὰρ οὔ; τὴν μὲν τοίνυν ἑτέραν συζυγίαν ὧν νυνδὴ ἔλεγον ἐγώ σοι, ἔφη, ἐρῶ, ὁ Σωκράτης , καὶ αὐτὴν καὶ τὰς γενέσεις
Transliteration
PHAID. oukoyn kan elatton gignētai, ek meizonos ontos proteron hysteron elatton genēsetai; estin houtō, ephē. kai mēn ex ischyroterou ge to asthenesteron kai ek bradyterou to thatton; pany ge. ti de; an ti cheiron gignētai, ouk ex ameinonos, kai an dikaioteron, ex adikōterou; pōs gar ou; hikanōs oun, ephē, echomen touto, hoti panta houtō gignetai, ex enantiōn ta enantia pragmata; pany ge. ti d’ au; esti ti kai toionde en autois, hoion metaxy amphoterōn pantōn tōn enantiōn dyoin ontoin dyo geneseis, apo men tou heterou epi to heteron, apo d’ au tou heterou palin epi to heteron meizonos men pragmatos kai elattonos metaxy auxēsis kai phthisis, kai kaloumen houtō to men auxanesthai, to de phthinein; nai, ephē. oukoyn kai diakrinesthai kai synkrinesthai, kai psychesthai kai thermainesthai, kai panta houtō, kan ei mē chrōmetha tois onomasin eniachou, all’ ergō goun pantachou houtōs echein anankaion, gignesthai te auta ex allēlōn genesin te einai hekaterou eis allēla; pany men oun, ē d hos. ti oun; ephē, tō zēn esti ti enantion, hōsper tō egrēgorenai to katheudein; pany men oun, ephē. ti; to tethnanai, ephē. oukoyn ex allēlōn te gignetai tauta, eiper enantia estin, kai hai geneseis eisin autoin metaxy dyo dyoin ontoin; pōs gar ou; tēn men toinyn heteran syzygian hōn nyndē elegon egō soi, ephē, erō, ho Sōkratēs , kai autēn kai tas geneseis
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 71 part 1; transliteration: greek-transliteration (build)