Work 3 · Passage 29
Plato
Greek
· σὺ δέ μοι τὴν ἑτέραν. λέγω δὲ τὸ μὲν καθεύδειν, τὸ δὲ ἐγρηγορέναι, καὶ ἐκ τοῦ καθεύδειν τὸ ἐγρηγορέναι γίγνεσθαι καὶ ἐκ τοῦ ἐγρηγορέναι τὸ καθεύδειν, καὶ τὰς γενέσεις αὐτοῖν τὴν μὲν καταδαρθάνειν εἶναι, τὴν δ’ ἀνεγείρεσθαι. ἱκανῶς σοι, ἔφη, ἢ οὔ; πάνυ μὲν οὖν. λέγε δή μοι καὶ σύ, ἔφη, οὕτω περὶ ζωῆς καὶ θανάτου. οὐκ ἐναντίον μὲν φῂς τῷ ζῆν τὸ τεθνάναι εἶναι; ἔγωγε. γίγνεσθαι δὲ ἐξ ἀλλήλων; ναί. ἐξ οὖν τοῦ ζῶντος τί τὸ γιγνόμενον; τὸ τεθνηκός, ἔφη. τί δέ, ἦ δ’ ὅς, ἐκ τοῦ τεθνεῶτος; ἀναγκαῖον, ἔφη, ὁμολογεῖν ὅτι τὸ ζῶν. ἐκ τῶν τεθνεώτων ἄρα, ὦ Κέβης , τὰ ζῶντά τε καὶ οἱ ζῶντες γίγνονται; φαίνεται, ἔφη. εἰσὶν ἄρα, ἔφη, αἱ ψυχαὶ ἡμῶν ἐν Ἅιδου . ἔοικεν. οὐκοῦν καὶ τοῖν γενεσέοιν τοῖν περὶ ταῦτα ἥ γ’ ἑτέρα σαφὴς οὖσα τυγχάνει; τὸ γὰρ ἀποθνῄσκειν σαφὲς δήπου, ἢ οὔ; πάνυ μὲν οὖν, ἔφη. πῶς οὖν, ἦ δ’ ὅς, ποιήσομεν; οὐκ ἀνταποδώσομεν τὴν ἐναντίαν γένεσιν, ἀλλὰ ταύτῃ χωλὴ ἔσται ἡ φύσις; ἢ ἀνάγκη ἀποδοῦναι τῷ ἀποθνῄσκειν ἐναντίαν τινὰ γένεσιν; πάντως που, ἔφη. τίνα ταύτην; τὸ ἀναβιώσκεσθαι.
Transliteration
sy de moi tēn heteran. legō de to men katheudein, to de egrēgorenai, kai ek tou katheudein to egrēgorenai gignesthai kai ek tou egrēgorenai to katheudein, kai tas geneseis autoin tēn men katadarthanein einai, tēn d’ anegeiresthai. hikanōs soi, ephē, ē ou; pany men oun. lege dē moi kai sy, ephē, houtō peri zōēs kai thanatou. ouk enantion men phēs tō zēn to tethnanai einai; egōge. gignesthai de ex allēlōn; nai. ex oun tou zōntos ti to gignomenon; to tethnēkos, ephē. ti de, ē d’ hos, ek tou tethneōtos; anankaion, ephē, homologein hoti to zōn. ek tōn tethneōtōn ara, ō Kebēs , ta zōnta te kai hoi zōntes gignontai; phainetai, ephē. eisin ara, ephē, hai psychai hēmōn en hAidou . eoiken. oukoyn kai toin geneseoin toin peri tauta hē g’ hetera saphēs ousa tynchanei; to gar apothnēskein saphes dēpou, ē ou; pany men oun, ephē. pōs oun, ē d’ hos, poiēsomen; ouk antapodōsomen tēn enantian genesin, alla tautē chōlē estai hē physis; ē anankē apodounai tō apothnēskein enantian tina genesin; pantōs pou, ephē. tina tautēn; to anabiōskesthai.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 71 part 2; transliteration: greek-transliteration (build)