Work 3 · Passage 30
Plato
Greek
ΦΑΙΔ. οὐκοῦν, ἦ δ’ ὅς, εἴπερ ἔστι τὸ ἀναβιώσκεσθαι, ἐκ τῶν τεθνεώτων ἂν εἴη γένεσις εἰς τοὺς ζῶντας αὕτη, τὸ ἀναβιώσκεσθαι; πάνυ γε. ὁμολογεῖται ἄρα ἡμῖν καὶ ταύτῃ τοὺς ζῶντας ἐκ τῶν τεθνεώτων γεγονέναι οὐδὲν ἧττον ἢ τοὺς τεθνεῶτας ἐκ τῶν ζώντων, τούτου δὲ ὄντος ἱκανόν που ἐδόκει τεκμήριον εἶναι ὅτι ἀναγκαῖον τὰς τῶν τεθνεώτων ψυχὰς εἶναί που, ὅθεν δὴ πάλιν γίγνεσθαι. δοκεῖ μοι, ἔφη, ὦ Σώκρατες , ἐκ τῶν ὡμολογημένων ἀναγκαῖον οὕτως ἔχειν. ἰδὲ τοίνυν οὕτως, ἔφη, ὦ Κέβης , ὅτι οὐδ’ ἀδίκως ὡμολογήκαμεν, ὡς ἐμοὶ δοκεῖ. εἰ γὰρ μὴ ἀεὶ ἀνταποδιδοίη τὰ ἕτερα τοῖς ἑτέροις γιγνόμενα, ὡσπερεὶ κύκλῳ περιιόντα, ἀλλ’ εὐθεῖά τις εἴη ἡ γένεσις ἐκ τοῦ ἑτέρου μόνον εἰς τὸ καταντικρὺ καὶ μὴ ἀνακάμπτοι πάλιν ἐπὶ τὸ ἕτερον μηδὲ καμπὴν ποιοῖτο, οἶσθ’ ὅτι πάντα τελευτῶντα τὸ αὐτὸ σχῆμα ἂν σχοίη καὶ τὸ αὐτὸ πάθος ἂν πάθοι καὶ παύσαιτο γιγνόμενα; πῶς λέγεις; ἔφη. οὐδὲν χαλεπόν, ἦ δ’ ὅς, ἐννοῆσαι ὃ λέγω· ἀλλ’ οἷον εἰ τὸ καταδαρθάνειν μὲν εἴη, τὸ δ’ ἀνεγείρεσθαι μὴ ἀνταποδιδοίη γιγνόμενον ἐκ τοῦ καθεύδοντος, οἶσθ’ ὅτι τελευτῶντα πάντ’ ἂν λῆρον τὸν Ἐνδυμίωνα ἀποδείξειεν καὶ οὐδαμοῦ ἂν φαίνοιτο διὰ τὸ καὶ τἆλλα πάντα ταὐτὸν ἐκείνῳ πεπονθέναι, καθεύδειν. κἂν εἰ συγκρίνοιτο μὲν πάντα, διακρίνοιτο δὲ μή, ταχὺ ἂν τὸ τοῦ Ἀναξαγόρου γεγονὸς εἴη, ὁμοῦ πάντα χρήματα. ὡσαύτως δέ, ὦ φίλε Κέβης , καὶ εἰ ἀποθνῄσκοι μὲν πάντα ὅσα τοῦ ζῆν μεταλάβοι, ἐπειδὴ δὲ ἀποθάνοι, μένοι ἐν τούτῳ τῷ σχήματι τὰ τεθνεῶτα καὶ μὴ πάλιν ἀναβιώσκοιτο, ἆρ’ οὐ πολλὴ ἀνάγκη τελευτῶντα πάντα τεθνάναι καὶ μηδὲν ζῆν; εἰ γὰρ ἐκ μὲν τῶν ἄλλων τὰ ζῶντα γίγνοιτο, τὰ δὲ ζῶντα θνῄσκοι, τίς μηχανὴ μὴ οὐχὶ πάντα καταναλωθῆναι εἰς τὸ τεθνάναι
Transliteration
PHAID. oukoyn, ē d’ hos, eiper esti to anabiōskesthai, ek tōn tethneōtōn an eiē genesis eis tous zōntas hautē, to anabiōskesthai; pany ge. homologeitai ara hēmin kai tautē tous zōntas ek tōn tethneōtōn gegonenai ouden hētton ē tous tethneōtas ek tōn zōntōn, toutoy de ontos hikanon pou edokei tekmērion einai hoti anankaion tas tōn tethneōtōn psychas einai pou, hothen dē palin gignesthai. dokei moi, ephē, ō Sōkrates , ek tōn hōmologēmenōn anankaion houtōs echein. ide toinyn houtōs, ephē, ō Kebēs , hoti oud’ adikōs hōmologēkamen, hōs emoi dokei. ei gar mē aei antapodidoiē ta hetera tois heterois gignomena, hōsperei kyklō periionta, all’ eutheia tis eiē hē genesis ek tou heterou monon eis to katantikry kai mē anakamptoi palin epi to heteron mēde kampēn poioito, oisth’ hoti panta teleutōnta to auto schēma an schoiē kai to auto pathos an pathoi kai pausaito gignomena; pōs legeis; ephē. ouden chalepon, ē d’ hos, ennoēsai ho legō all’ hoion ei to katadarthanein men eiē, to d’ anegeiresthai mē antapodidoiē gignomenon ek tou katheudontos, oisth’ hoti teleutōnta pant’ an lēron ton Endymiōna apodeixeien kai oudamoy an phainoito dia to kai talla panta tauton ekeinō peponthenai, katheudein. kan ei synkrinoito men panta, diakrinoito de mē, tachy an to tou Anaxagorou gegonos eiē, homou panta chrēmata. hōsautōs de, ō phile Kebēs , kai ei apothnēskoi men panta hosa tou zēn metalaboi, epeidē de apothanoi, menoi en toutō tō schēmati ta tethneōta kai mē palin anabiōskoito, ar’ ou pollē anankē teleutōnta panta tethnanai kai mēden zēn; ei gar ek men tōn allōn ta zōnta gignoito, ta de zōnta thnēskoi, tis mēchanē mē ouchi panta katanalōthēnai eis to tethnanai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 72 part 1; transliteration: greek-transliteration (build)