Languages

Work 3 · Passage 34

Work 3 · Passage 34

Plato

Greek

ΦΑΙΔ. οὐκοῦν καὶ Σιμμίαν ἰδόντα γεγραμμένον αὐτοῦ Σιμμίου ἀναμνησθῆναι; ἔστι μέντοι, ἔφη. ἆρ’ οὖν οὐ κατὰ πάντα ταῦτα συμβαίνει τὴν ἀνάμνησιν εἶναι μὲν ἀφ’ ὁμοίων, εἶναι δὲ καὶ ἀπὸ ἀνομοίων; συμβαίνει. ἀλλ’ ὅταν γε ἀπὸ τῶν ὁμοίων ἀναμιμνῄσκηταί τίς τι, ἆρ’ οὐκ ἀναγκαῖον τόδε προσπάσχειν, ἐννοεῖν εἴτε τι ἐλλείπει τοῦτο κατὰ τὴν ὁμοιότητα εἴτε μὴ ἐκείνου οὗ ἀνεμνήσθη; ἀνάγκη, ἔφη. σκόπει δή, ἦ δ’ ὅς, εἰ ταῦτα οὕτως ἔχει. φαμέν πού τι εἶναι ἴσον, οὐ ξύλον λέγω ξύλῳ οὐδὲ λίθον λίθῳ οὐδ᾽ ἄλλο τῶν τοιούτων οὐδέν, ἀλλὰ παρὰ ταῦτα πάντα ἕτερόν τι, αὐτὸ τὸ ἴσον· φῶμέν τι εἶναι ἢ μηδέν; φῶμεν μέντοι νὴ Δί᾽ , ἔφη ὁ Σιμμίας , θαυμαστῶς γε. ἦ καὶ ἐπιστάμεθα αὐτὸ ὃ ἔστιν; πάνυ γε, ἦ δ’ ὅς. πόθεν λαβόντες αὐτοῦ τὴν ἐπιστήμην; ἆρ’ οὐκ ἐξ ὧν νυνδὴ ἐλέγομεν, ἢ ξύλα ἢ λίθους ἢ ἄλλα ἄττα ἰδόντες ἴσα, ἐκ τούτων ἐκεῖνο ἐνενοήσαμεν, ἕτερον ὂν τούτων; ἢ οὐχ ἕτερόν σοι φαίνεται; σκόπει δὲ καὶ τῇδε. ἆρ’ οὐ λίθοι μὲν ἴσοι καὶ ξύλα ἐνίοτε ταὐτὰ ὄντα τῷ μὲν ἴσα φαίνεται, τῷ δ’ οὔ; πάνυ μὲν οὖν. τί δέ; αὐτὰ τὰ ἴσα ἔστιν ὅτε ἄνισά σοι ἐφάνη, ἢ ἡ ἰσότης ἀνισότης; οὐδεπώποτέ γε, ὦ Σώκρατες . οὐ ταὐτὸν ἄρα ἐστίν, ἦ δ’ ὅς, ταῦτά τε τὰ ἴσα καὶ αὐτὸ τὸ ἴσον. οὐδαμῶς μοι φαίνεται, ὦ Σώκρατες . ἀλλὰ μὴν ἐκ τούτων γ᾽, ἔφη, τῶν ἴσων, ἑτέρων ὄντων ἐκείνου τοῦ ἴσου, ὅμως αὐτοῦ τὴν ἐπιστήμην ἐννενόηκάς τε καὶ εἴληφας; ἀληθέστατα, ἔφη, λέγεις. οὐκοῦν ἢ ὁμοίου ὄντος τούτοις ἢ ἀνομοίου; πάνυ γε. διαφέρει δέ γε, ἦ δ’ ὅς, οὐδέν· ἕως ἂν ἄλλο ἰδὼν ἀπὸ ταύτης τῆς ὄψεως ἄλλο ἐννοήσῃς, εἴτε ὅμοιον εἴτε ἀνόμοιον, ἀναγκαῖον, ἔφη, αὐτὸ ἀνάμνησιν γεγονέναι. πάνυ μὲν οὖν. τί δέ; ἦ δ’ ὅς

Transliteration

PHAID. oukoyn kai Simmian idonta gegrammenon autou Simmiou anamnēsthēnai; esti mentoi, ephē. ar’ oun ou kata panta tauta symbainei tēn anamnēsin einai men aph’ homoiōn, einai de kai apo anomoiōn; symbainei. all’ hotan ge apo tōn homoiōn anamimnēskētai tis ti, ar’ ouk anankaion tode prospaschein, ennoein eite ti elleipei touto kata tēn homoiotēta eite mē ekeinou hou anemnēsthē; anankē, ephē. skopei dē, ē d’ hos, ei tauta houtōs echei. phamen pou ti einai ison, ou xylon legō xylō oude lithon lithō oud allo tōn toioutōn ouden, alla para tauta panta heteron ti, auto to ison phōmen ti einai ē mēden; phōmen mentoi nē Di , ephē ho Simmias , thaumastōs ge. ē kai epistametha auto ho estin; pany ge, ē d’ hos. pothen labontes autou tēn epistēmēn; ar’ ouk ex hōn nyndē elegomen, ē xyla ē lithous ē alla atta idontes isa, ek toutōn ekeino enenoēsamen, heteron on toutōn; ē ouch heteron soi phainetai; skopei de kai tēde. ar’ ou lithoi men isoi kai xyla eniote tauta onta tō men isa phainetai, tō d’ ou; pany men oun. ti de; auta ta isa estin hote anisa soi ephanē, ē hē isotēs anisotēs; oudepōpote ge, ō Sōkrates . ou tauton ara estin, ē d’ hos, tauta te ta isa kai auto to ison. oudamōs moi phainetai, ō Sōkrates . alla mēn ek toutōn g , ephē, tōn isōn, heterōn ontōn ekeinou tou isou, homōs autou tēn epistēmēn ennenoēkas te kai eilēphas; alēthestata, ephē, legeis. oukoyn ē homoiou ontos toutois ē anomoiou; pany ge. diapherei de ge, ē d’ hos, ouden heōs an allo idōn apo tautēs tēs opseōs allo ennoēsēs, eite homoion eite anomoion, anankaion, ephē, auto anamnēsin gegonenai. pany men oun. ti de; ē d’ hos

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 74 part 1; transliteration: greek-transliteration (build)

Share X Facebook