Work 3 · Passage 36
Plato
Greek
ΦΑΙΔ. ἀναγκαῖον ἄρα ἡμᾶς προειδέναι τὸ ἴσον πρὸ ἐκείνου τοῦ χρόνου ὅτε τὸ πρῶτον ἰδόντες τὰ ἴσα ἐνενοήσαμεν ὅτι ὀρέγεται μὲν πάντα ταῦτα εἶναι οἷον τὸ ἴσον, ἔχει δὲ ἐνδεεστέρως. ἔστι ταῦτα. ἀλλὰ μὴν καὶ τόδε ὁμολογοῦμεν, μὴ ἄλλοθεν αὐτὸ ἐννενοηκέναι μηδὲ δυνατὸν εἶναι ἐννοῆσαι ἀλλ’ ἢ ἐκ τοῦ ἰδεῖν ἢ ἅψασθαι ἢ ἔκ τινος ἄλλης τῶν αἰσθήσεων· ταὐτὸν δὲ πάντα ταῦτα λέγω. ταὐτὸν γὰρ ἔστιν, ὦ Σώκρατες , πρός γε ὃ βούλεται δηλῶσαι ὁ λόγος. ἀλλὰ μὲν δὴ ἔκ γε τῶν αἰσθήσεων δεῖ ἐννοῆσαι ὅτι πάντα τὰ ἐν ταῖς αἰσθήσεσιν ἐκείνου τε ὀρέγεται τοῦ ὃ ἔστιν ἴσον, καὶ αὐτοῦ ἐνδεέστερά ἐστιν· ἢ πῶς λέγομεν; οὕτως. πρὸ τοῦ ἄρα ἄρξασθαι ἡμᾶς ὁρᾶν καὶ ἀκούειν καὶ τἆλλα αἰσθάνεσθαι τυχεῖν ἔδει που εἰληφότας ἐπιστήμην αὐτοῦ τοῦ ἴσου ὅτι ἔστιν, εἰ ἐμέλλομεν τὰ ἐκ τῶν αἰσθήσεων ἴσα ἐκεῖσε ἀνοίσειν, ὅτι προθυμεῖται μὲν πάντα τοιαῦτ’ εἶναι οἷον ἐκεῖνο, ἔστιν δὲ αὐτοῦ φαυλότερα. ἀνάγκη ἐκ τῶν προειρημένων, ὦ Σώκρατες . οὐκοῦν γενόμενοι εὐθὺς ἑωρῶμέν τε καὶ ἠκούομεν καὶ τὰς ἄλλας αἰσθήσεις εἴχομεν; πάνυ γε. ἔδει δέ γε, φαμέν, πρὸ τούτων τὴν τοῦ ἴσου ἐπιστήμην εἰληφέναι; ναί. πρὶν γενέσθαι ἄρα, ὡς ἔοικεν, ἀνάγκη ἡμῖν αὐτὴν εἰληφέναι. ἔοικεν. οὐκοῦν εἰ μὲν λαβόντες αὐτὴν πρὸ τοῦ γενέσθαι ἔχοντες ἐγενόμεθα, ἠπιστάμεθα καὶ πρὶν γενέσθαι καὶ εὐθὺς γενόμενοι οὐ μόνον τὸ ἴσον καὶ τὸ μεῖζον καὶ τὸ ἔλαττον ἀλλὰ καὶ σύμπαντα τὰ τοιαῦτα; οὐ γὰρ περὶ τοῦ ἴσου νῦν ὁ λόγος ἡμῖν μᾶλλόν τι ἢ καὶ περὶ αὐτοῦ τοῦ καλοῦ καὶ αὐτοῦ τοῦ ἀγαθοῦ καὶ δικαίου καὶ ὁσίου καί, ὅπερ λέγω, περὶ ἁπάντων οἷς ἐπισφραγιζόμεθα τὸ αὐτὸ ὃ ἔστι καὶ ἐν ταῖς ἐρωτήσεσιν ἐρωτῶντες καὶ ἐν ταῖς ἀποκρίσεσιν ἀποκρινόμενοι. ὥστε ἀναγκαῖον ἡμῖν τούτων πάντων τὰς ἐπιστήμας πρὸ τοῦ γενέσθαι εἰληφέναι. ἔστι ταῦτα. καὶ εἰ μέν γε λαβόντες ἑκάστοτε μὴ ἐπιλελήσμεθα, εἰδότας ἀεὶ γίγνεσθαι καὶ ἀεὶ διὰ βίου εἰδέναι
Transliteration
PHAID. anankaion ara hēmas proeidenai to ison pro ekeinou tou chronou hote to prōton idontes ta isa enenoēsamen hoti oregetai men panta tauta einai hoion to ison, echei de endeesterōs. esti tauta. alla mēn kai tode homologoumen, mē allothen auto ennenoēkenai mēde dynaton einai ennoēsai all’ ē ek tou idein ē hapsasthai ē ek tinos allēs tōn aisthēseōn tauton de panta tauta legō. tauton gar estin, ō Sōkrates , pros ge ho bouletai dēlōsai ho logos. alla men dē ek ge tōn aisthēseōn dei ennoēsai hoti panta ta en tais aisthēsesin ekeinou te oregetai tou ho estin ison, kai autou endeestera estin ē pōs legomen; houtōs. pro tou ara arxasthai hēmas horan kai akouein kai talla aisthanesthai tychein edei pou eilēphotas epistēmēn autou tou isou hoti estin, ei emellomen ta ek tōn aisthēseōn isa ekeise anoisein, hoti prothymeitai men panta toiaut’ einai hoion ekeino, estin de autou phaulotera. anankē ek tōn proeirēmenōn, ō Sōkrates . oukoyn genomenoi euthys heōrōmen te kai ēkouomen kai tas allas aisthēseis eichomen; pany ge. edei de ge, phamen, pro toutōn tēn tou isou epistēmēn eilēphenai; nai. prin genesthai ara, hōs eoiken, anankē hēmin autēn eilēphenai. eoiken. oukoyn ei men labontes autēn pro tou genesthai echontes egenometha, ēpistametha kai prin genesthai kai euthys genomenoi ou monon to ison kai to meizon kai to elatton alla kai sympanta ta toiauta; ou gar peri tou isou nyn ho logos hēmin mallon ti ē kai peri autou tou kalou kai autou tou agathou kai dikaiou kai hosiou kai, hoper legō, peri hapantōn hois episphragizometha to auto ho esti kai en tais erōtēsesin erōtōntes kai en tais apokrisesin apokrinomenoi. hōste anankaion hēmin toutōn pantōn tas epistēmas pro tou genesthai eilēphenai. esti tauta. kai ei men ge labontes hekastote mē epilelēsmetha, eidotas aei gignesthai kai aei dia biou eidenai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 75 part 1; transliteration: greek-transliteration (build)