Languages

Work 3 · Passage 38

Work 3 · Passage 38

Plato

Greek

ΦΑΙΔ. δυνατὸν γὰρ δὴ τοῦτό γε ἐφάνη, αἰσθόμενόν τι ἢ ἰδόντα ἢ ἀκούσαντα ἤ τινα ἄλλην αἴσθησιν λαβόντα ἕτερόν τι ἀπὸ τούτου ἐννοῆσαι ὃ ἐπελέληστο, ᾧ τοῦτο ἐπλησίαζεν ἀνόμοιον ὂν ἢ ᾧ ὅμοιον· ὥστε, ὅπερ λέγω, δυοῖν θάτερα, ἤτοι ἐπιστάμενοί γε αὐτὰ γεγόναμεν καὶ ἐπιστάμεθα διὰ βίου πάντες, ἢ ὕστερον, οὕς φαμεν μανθάνειν, οὐδὲν ἀλλ’ ἢ ἀναμιμνῄσκονται οὗτοι, καὶ ἡ μάθησις ἀνάμνησις ἂν εἴη. καὶ μάλα δὴ οὕτως ἔχει, ὦ Σώκρατες . πότερον οὖν αἱρῇ, ὦ Σιμμία ; ἐπισταμένους ἡμᾶς γεγονέναι, ἢ ἀναμιμνῄσκεσθαι ὕστερον ὧν πρότερον ἐπιστήμην εἰληφότες ἦμεν; οὐκ ἔχω, ὦ Σώκρατες , ἐν τῷ παρόντι ἑλέσθαι. τί δέ; τόδε ἔχεις ἑλέσθαι, καὶ πῇ σοι δοκεῖ περὶ αὐτοῦ; ἀνὴρ ἐπιστάμενος περὶ ὧν ἐπίσταται ἔχοι ἂν δοῦναι λόγον ἢ οὔ; πολλὴ ἀνάγκη, ἔφη, ὦ Σώκρατες . ἦ καὶ δοκοῦσί σοι πάντες ἔχειν διδόναι λόγον περὶ τούτων ὧν νυνδὴ ἐλέγομεν; βουλοίμην μεντἄν, ἔφη ὁ Σιμμίας · ἀλλὰ πολὺ μᾶλλον φοβοῦμαι μὴ αὔριον τηνικάδε οὐκέτι ᾖ ἀνθρώπων οὐδεὶς ἀξίως οἷός τε τοῦτο ποιῆσαι. οὐκ ἄρα δοκοῦσί σοι ἐπίστασθαί γε, ἔφη, ὦ Σιμμία , πάντες αὐτά; οὐδαμῶς. ἀναμιμνῄσκονται ἄρα ἅ ποτε ἔμαθον; ἀνάγκη. πότε λαβοῦσαι αἱ ψυχαὶ ἡμῶν τὴν ἐπιστήμην αὐτῶν; οὐ γὰρ δὴ ἀφ’ οὗ γε ἄνθρωποι γεγόναμεν. οὐ δῆτα. πρότερον ἄρα. ναί. ἦσαν ἄρα, ὦ Σιμμία , αἱ ψυχαὶ καὶ πρότερον, πρὶν εἶναι ἐν ἀνθρώπου εἴδει, χωρὶς σωμάτων, καὶ φρόνησιν εἶχον. εἰ μὴ ἄρα ἅμα γιγνόμενοι λαμβάνομεν, ὦ Σώκρατες , ταύτας τὰς ἐπιστήμας· οὗτος γὰρ λείπεται ἔτι ὁ χρόνος. εἶεν, ὦ ἑταῖρε

Transliteration

PHAID. dynaton gar dē touto ge ephanē, aisthomenon ti ē idonta ē akousanta ē tina allēn aisthēsin labonta heteron ti apo toutoy ennoēsai ho epelelēsto, hō touto eplēsiazen anomoion on ē hō homoion hōste, hoper legō, dyoin thatera, ētoi epistamenoi ge auta gegonamen kai epistametha dia biou pantes, ē hysteron, hous phamen manthanein, ouden all’ ē anamimnēskontai houtoi, kai hē mathēsis anamnēsis an eiē. kai mala dē houtōs echei, ō Sōkrates . poteron oun hairē, ō Simmia ; epistamenous hēmas gegonenai, ē anamimnēskesthai hysteron hōn proteron epistēmēn eilēphotes ēmen; ouk echō, ō Sōkrates , en tō paronti helesthai. ti de; tode echeis helesthai, kai pē soi dokei peri autou; anēr epistamenos peri hōn epistatai echoi an dounai logon ē ou; pollē anankē, ephē, ō Sōkrates . ē kai dokousi soi pantes echein didonai logon peri toutōn hōn nyndē elegomen; bouloimēn mentan, ephē ho Simmias alla poly mallon phoboumai mē aurion tēnikade ouketi ē anthrōpōn oudeis axiōs hoios te touto poiēsai. ouk ara dokousi soi epistasthai ge, ephē, ō Simmia , pantes auta; oudamōs. anamimnēskontai ara ha pote emathon; anankē. pote labousai hai psychai hēmōn tēn epistēmēn autōn; ou gar dē aph’ hou ge anthrōpoi gegonamen. ou dēta. proteron ara. nai. ēsan ara, ō Simmia , hai psychai kai proteron, prin einai en anthrōpou eidei, chōris sōmatōn, kai phronēsin eichon. ei mē ara hama gignomenoi lambanomen, ō Sōkrates , tautas tas epistēmas houtos gar leipetai eti ho chronos. eien, ō hetaire

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 76 part 1; transliteration: greek-transliteration (build)

Share X Facebook