Languages

Work 3 · Passage 39

Work 3 · Passage 39

Plato

Greek

· ἀπόλλυμεν δὲ αὐτὰς ἐν ποίῳ ἄλλῳ χρόνῳ; — οὐ γὰρ δὴ ἔχοντές γε αὐτὰς γιγνόμεθα, ὡς ἄρτι ὡμολογήσαμεν — ἢ ἐν τούτῳ ἀπόλλυμεν ἐν ᾧπερ καὶ λαμβάνομεν; ἢ ἔχεις ἄλλον τινὰ εἰπεῖν χρόνον; οὐδαμῶς, ὦ Σώκρατες , ἀλλὰ ἔλαθον ἐμαυτὸν οὐδὲν εἰπών. ἆρ’ οὖν οὕτως ἔχει, ἔφη, ἡμῖν, ὦ Σιμμία ; εἰ μὲν ἔστιν ἃ θρυλοῦμεν ἀεί, καλόν τέ τι καὶ ἀγαθὸν καὶ πᾶσα ἡ τοιαύτη οὐσία, καὶ ἐπὶ ταύτην τὰ ἐκ τῶν αἰσθήσεων πάντα ἀναφέρομεν, ὑπάρχουσαν πρότερον ἀνευρίσκοντες ἡμετέραν οὖσαν, καὶ ταῦτα ἐκείνῃ ἀπεικάζομεν, ἀναγκαῖον, οὕτως ὥσπερ καὶ ταῦτα ἔστιν, οὕτως καὶ τὴν ἡμετέραν ψυχὴν εἶναι καὶ πρὶν γεγονέναι ἡμᾶς· εἰ δὲ μὴ ἔστι ταῦτα, ἄλλως ἂν ὁ λόγος οὗτος εἰρημένος εἴη; ἆρ’ οὕτως ἔχει, καὶ ἴση ἀνάγκη ταῦτά τε εἶναι καὶ τὰς ἡμετέρας ψυχὰς πρὶν καὶ ἡμᾶς γεγονέναι, καὶ εἰ μὴ ταῦτα, οὐδὲ τάδε;

Transliteration

apollymen de autas en poiō allō chronō; — ou gar dē echontes ge autas gignometha, hōs arti hōmologēsamen — ē en toutō apollymen en hōper kai lambanomen; ē echeis allon tina eipein chronon; oudamōs, ō Sōkrates , alla elathon emauton ouden eipōn. ar’ oun houtōs echei, ephē, hēmin, ō Simmia ; ei men estin ha thryloumen aei, kalon te ti kai agathon kai pasa hē toiautē ousia, kai epi tautēn ta ek tōn aisthēseōn panta anapheromen, hyparchousan proteron aneuriskontes hēmeteran ousan, kai tauta ekeinē apeikazomen, anankaion, houtōs hōsper kai tauta estin, houtōs kai tēn hēmeteran psychēn einai kai prin gegonenai hēmas ei de mē esti tauta, allōs an ho logos houtos eirēmenos eiē; ar’ houtōs echei, kai isē anankē tauta te einai kai tas hēmeteras psychas prin kai hēmas gegonenai, kai ei mē tauta, oude tade;

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 76 part 2; transliteration: greek-transliteration (build)

Share X Facebook