Languages

Work 3 · Passage 44

Work 3 · Passage 44

Plato

Greek

ΦΑΙΔ. οὐκοῦν τούτων μὲν κἂν ἅψαιο κἂν ἴδοις κἂν ταῖς ἄλλαις αἰσθήσεσιν αἴσθοιο, τῶν δὲ κατὰ ταὐτὰ ἐχόντων οὐκ ἔστιν ὅτῳ ποτ’ ἂν ἄλλῳ ἐπιλάβοιο ἢ τῷ τῆς διανοίας λογισμῷ, ἀλλ’ ἔστιν ἀιδῆ τὰ τοιαῦτα καὶ οὐχ ὁρατά; παντάπασιν, ἔφη, ἀληθῆ λέγεις. θῶμεν οὖν βούλει, ἔφη, δύο εἴδη τῶν ὄντων, τὸ μὲν ὁρατόν, τὸ δὲ ἀιδές; θῶμεν, ἔφη. καὶ τὸ μὲν ἀιδὲς ἀεὶ κατὰ ταὐτὰ ἔχον, τὸ δὲ ὁρατὸν μηδέποτε κατὰ ταὐτά; καὶ τοῦτο, ἔφη, θῶμεν. φέρε δή, ἦ δ’ ὅς, ἄλλο τι ἡμῶν αὐτῶν τὸ μὲν σῶμά ἐστι, τὸ δὲ ψυχή; οὐδὲν ἄλλο, ἔφη. ποτέρῳ οὖν ὁμοιότερον τῷ εἴδει φαμὲν ἂν εἶναι καὶ συγγενέστερον τὸ σῶμα; παντί, ἔφη, τοῦτό γε δῆλον, ὅτι τῷ ὁρατῷ. τί δὲ ἡ ψυχή; ὁρατὸν ἢ ἀιδές; οὐχ ὑπ’ ἀνθρώπων γε, ὦ Σώκρατες , ἔφη. ἀλλὰ μὴν ἡμεῖς γε τὰ ὁρατὰ καὶ τὰ μὴ τῇ τῶν ἀνθρώπων φύσει ἐλέγομεν· ἢ ἄλλῃ τινὶ οἴει; τῇ τῶν ἀνθρώπων. τί οὖν περὶ ψυχῆς λέγομεν; ὁρατὸν ἢ ἀόρατον εἶναι; οὐχ ὁρατόν. ἀιδὲς ἄρα; ναί. ὁμοιότερον ἄρα ψυχὴ σώματός ἐστιν τῷ ἀιδεῖ, τὸ δὲ τῷ ὁρατῷ. πᾶσα ἀνάγκη, ὦ Σώκρατες . οὐκοῦν καὶ τόδε πάλαι ἐλέγομεν, ὅτι ἡ ψυχή, ὅταν μὲν τῷ σώματι προσχρῆται εἰς τὸ σκοπεῖν τι ἢ διὰ τοῦ ὁρᾶν ἢ διὰ τοῦ ἀκούειν ἢ δι’ ἄλλης τινὸς αἰσθήσεως — τοῦτο γάρ ἐστιν τὸ διὰ τοῦ σώματος, τὸ δι’ αἰσθήσεως σκοπεῖν τι — τότε μὲν ἕλκεται ὑπὸ τοῦ σώματος εἰς τὰ οὐδέποτε κατὰ ταὐτὰ ἔχοντα, καὶ αὐτὴ πλανᾶται καὶ ταράττεται καὶ εἰλιγγιᾷ ὥσπερ μεθύουσα, ἅτε τοιούτων ἐφαπτομένη; πάνυ γε. ὅταν δέ γε αὐτὴ καθ’ αὑτὴν σκοπῇ, ἐκεῖσε οἴχεται εἰς τὸ καθαρόν τε καὶ ἀεὶ ὂν καὶ ἀθάνατον καὶ ὡσαύτως ἔχον, καὶ ὡς συγγενὴς οὖσα αὐτοῦ ἀεὶ μετ’ ἐκείνου τε γίγνεται, ὅτανπερ αὐτὴ καθ᾽ αὑτὴν γένηται καὶ ἐξῇ αὐτῇ, καὶ πέπαυταί τε τοῦ πλάνου καὶ περὶ ἐκεῖνα ἀεὶ κατὰ ταὐτὰ ὡσαύτως ἔχει, ἅτε τοιούτων ἐφαπτομένη

Transliteration

PHAID. oukoyn toutōn men kan hapsaio kan idois kan tais allais aisthēsesin aisthoio, tōn de kata tauta echontōn ouk estin hotō pot’ an allō epilaboio ē tō tēs dianoias logismō, all’ estin aidē ta toiauta kai ouch horata; pantapasin, ephē, alēthē legeis. thōmen oun boulei, ephē, dyo eidē tōn ontōn, to men horaton, to de aides; thōmen, ephē. kai to men aides aei kata tauta echon, to de horaton mēdepote kata tauta; kai touto, ephē, thōmen. phere dē, ē d’ hos, allo ti hēmōn autōn to men sōma esti, to de psychē; ouden allo, ephē. poterō oun homoioteron tō eidei phamen an einai kai syngenesteron to sōma; panti, ephē, touto ge dēlon, hoti tō horatō. ti de hē psychē; horaton ē aides; ouch hyp’ anthrōpōn ge, ō Sōkrates , ephē. alla mēn hēmeis ge ta horata kai ta mē tē tōn anthrōpōn physei elegomen ē allē tini oiei; tē tōn anthrōpōn. ti oun peri psychēs legomen; horaton ē aoraton einai; ouch horaton. aides ara; nai. homoioteron ara psychē sōmatos estin tō aidei, to de tō horatō. pasa anankē, ō Sōkrates . oukoyn kai tode palai elegomen, hoti hē psychē, hotan men tō sōmati proschrētai eis to skopein ti ē dia tou horan ē dia tou akouein ē di’ allēs tinos aisthēseōs — touto gar estin to dia tou sōmatos, to di’ aisthēseōs skopein ti — tote men helketai hypo tou sōmatos eis ta oudepote kata tauta echonta, kai autē planatai kai tarattetai kai eilingia hōsper methyousa, hate toioutōn ephaptomenē; pany ge. hotan de ge autē kath’ hautēn skopē, ekeise oichetai eis to katharon te kai aei on kai athanaton kai hōsautōs echon, kai hōs syngenēs ousa autou aei met’ ekeinou te gignetai, hotanper autē kath hautēn genētai kai exē autē, kai pepautai te tou planou kai peri ekeina aei kata tauta hōsautōs echei, hate toioutōn ephaptomenē

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 79 part 1; transliteration: greek-transliteration (build)

Share X Facebook