Languages

Work 3 · Passage 43

Work 3 · Passage 43

Plato

Greek

· εἰ δέ τι τυγχάνει ὂν ἀσύνθετον, τούτῳ μόνῳ προσήκει μὴ πάσχειν ταῦτα, εἴπερ τῳ ἄλλῳ; δοκεῖ μοι, ἔφη, οὕτως ἔχειν, ὁ Κέβης . οὐκοῦν ἅπερ ἀεὶ κατὰ ταὐτὰ καὶ ὡσαύτως ἔχει, ταῦτα μάλιστα εἰκὸς εἶναι τὰ ἀσύνθετα, τὰ δὲ ἄλλοτ’ ἄλλως καὶ μηδέποτε κατὰ ταὐτά, ταῦτα δὲ σύνθετα; ἔμοιγε δοκεῖ οὕτως. ἴωμεν δή, ἔφη, ἐπὶ ταὐτὰ ἐφ’ ἅπερ ἐν τῷ ἔμπροσθεν λόγῳ. αὐτὴ ἡ οὐσία ἧς λόγον δίδομεν τοῦ εἶναι καὶ ἐρωτῶντες καὶ ἀποκρινόμενοι, πότερον ὡσαύτως ἀεὶ ἔχει κατὰ ταὐτὰ ἢ ἄλλοτ’ ἄλλως; αὐτὸ τὸ ἴσον, αὐτὸ τὸ καλόν, αὐτὸ ἕκαστον ὃ ἔστιν, τὸ ὄν, μή ποτε μεταβολὴν καὶ ἡντινοῦν ἐνδέχεται; ἢ ἀεὶ αὐτῶν ἕκαστον ὃ ἔστι, μονοειδὲς ὂν αὐτὸ καθ’ αὑτό, ὡσαύτως κατὰ ταὐτὰ ἔχει καὶ οὐδέποτε οὐδαμῇ οὐδαμῶς ἀλλοίωσιν οὐδεμίαν ἐνδέχεται; ὡσαύτως, ἔφη, ἀνάγκη, ὁ Κέβης , κατὰ ταὐτὰ ἔχειν, ὦ Σώκρατες . τί δὲ τῶν πολλῶν καλῶν, οἷον ἀνθρώπων ἢ ἵππων ἢ ἱματίων ἢ ἄλλων ὡντινωνοῦν τοιούτων, ἢ ἴσων ἢ πάντων τῶν ἐκείνοις ὁμωνύμων; ἆρα κατὰ ταὐτὰ ἔχει, ἢ πᾶν τοὐναντίον ἐκείνοις οὔτε αὐτὰ αὑτοῖς οὔτε ἀλλήλοις οὐδέποτε ὡς ἔπος εἰπεῖν οὐδαμῶς κατὰ ταὐτά; οὕτως αὖ, ἔφη ὁ Κέβης , ταῦτα· οὐδέποτε ὡσαύτως ἔχει.

Transliteration

ei de ti tynchanei on asyntheton, toutō monō prosēkei mē paschein tauta, eiper tō allō; dokei moi, ephē, houtōs echein, ho Kebēs . oukoyn haper aei kata tauta kai hōsautōs echei, tauta malista eikos einai ta asyntheta, ta de allot’ allōs kai mēdepote kata tauta, tauta de syntheta; emoige dokei houtōs. iōmen dē, ephē, epi tauta eph’ haper en tō emprosthen logō. autē hē ousia hēs logon didomen tou einai kai erōtōntes kai apokrinomenoi, poteron hōsautōs aei echei kata tauta ē allot’ allōs; auto to ison, auto to kalon, auto hekaston ho estin, to on, mē pote metabolēn kai hēntinoun endechetai; ē aei autōn hekaston ho esti, monoeides on auto kath’ hauto, hōsautōs kata tauta echei kai oudepote oudamē oudamōs alloiōsin oudemian endechetai; hōsautōs, ephē, anankē, ho Kebēs , kata tauta echein, ō Sōkrates . ti de tōn pollōn kalōn, hoion anthrōpōn ē hippōn ē himatiōn ē allōn hōntinōnoun toioutōn, ē isōn ē pantōn tōn ekeinois homōnymōn; ara kata tauta echei, ē pan tounantion ekeinois oute auta hautois oute allēlois oudepote hōs epos eipein oudamōs kata tauta; houtōs au, ephē ho Kebēs , tauta oudepote hōsautōs echei.

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 78 part 2; transliteration: greek-transliteration (build)

Share X Facebook