Languages

Work 3 · Passage 50

Work 3 · Passage 50

Plato

Greek

ΦΑΙΔ. ἢ οὐκ οἴει; πάνυ μὲν οὖν εἰκὸς λέγεις. τοὺς δέ γε ἀδικίας τε καὶ τυραννίδας καὶ ἁρπαγὰς προτετιμηκότας εἰς τὰ τῶν λύκων τε καὶ ἱεράκων καὶ ἰκτίνων γένη· ἢ ποῖ ἂν ἄλλοσέ φαμεν τὰς τοιαύτας ἰέναι; ἀμέλει, ἔφη ὁ Κέβης , εἰς τὰ τοιαῦτα. οὐκοῦν, ἦ δ’ ὅς, δῆλα δὴ καὶ τἆλλα ᾗ ἂν ἕκαστα ἴοι κατὰ τὰς αὐτῶν ὁμοιότητας τῆς μελέτης; δῆλον δή, ἔφη· πῶς δ’ οὔ; οὐκοῦν εὐδαιμονέστατοι, ἔφη, καὶ τούτων εἰσὶ καὶ εἰς βέλτιστον τόπον ἰόντες οἱ τὴν δημοτικὴν καὶ πολιτικὴν ἀρετὴν ἐπιτετηδευκότες, ἣν δὴ καλοῦσι σωφροσύνην τε καὶ δικαιοσύνην, ἐξ ἔθους τε καὶ μελέτης γεγονυῖαν ἄνευ φιλοσοφίας τε καὶ νοῦ; πῇ δὴ οὗτοι εὐδαιμονέστατοι; ὅτι τούτους εἰκός ἐστιν εἰς τοιοῦτον πάλιν ἀφικνεῖσθαι πολιτικὸν καὶ ἥμερον γένος, ἤ που μελιττῶν ἢ σφηκῶν ἢ μυρμήκων, καὶ εἰς ταὐτόν γε πάλιν τὸ ἀνθρώπινον γένος, καὶ γίγνεσθαι ἐξ αὐτῶν ἄνδρας μετρίους. εἰκός. εἰς δέ γε θεῶν γένος μὴ φιλοσοφήσαντι καὶ παντελῶς καθαρῷ ἀπιόντι οὐ θέμις ἀφικνεῖσθαι ἀλλ’ ἢ τῷ φιλομαθεῖ. ἀλλὰ τούτων ἕνεκα, ὦ ἑταῖρε Σιμμία τε καὶ Κέβης , οἱ ὀρθῶς φιλόσοφοι ἀπέχονται τῶν κατὰ τὸ σῶμα ἐπιθυμιῶν ἁπασῶν καὶ καρτεροῦσι καὶ οὐ παραδιδόασιν αὐταῖς ἑαυτούς, οὔ τι οἰκοφθορίαν τε καὶ πενίαν φοβούμενοι, ὥσπερ οἱ πολλοὶ καὶ φιλοχρήματοι

Transliteration

PHAID. ē ouk oiei; pany men oun eikos legeis. tous de ge adikias te kai tyrannidas kai harpagas protetimēkotas eis ta tōn lykōn te kai hierakōn kai iktinōn genē ē poi an allose phamen tas toiautas ienai; amelei, ephē ho Kebēs , eis ta toiauta. oukoyn, ē d’ hos, dēla dē kai talla hē an hekasta ioi kata tas autōn homoiotētas tēs meletēs; dēlon dē, ephē pōs d’ ou; oukoyn eudaimonestatoi, ephē, kai toutōn eisi kai eis beltiston topon iontes hoi tēn dēmotikēn kai politikēn aretēn epitetēdeukotes, hēn dē kalousi sōphrosynēn te kai dikaiosynēn, ex ethous te kai meletēs gegonuian aneu philosophias te kai nou; pē dē houtoi eudaimonestatoi; hoti toutoys eikos estin eis toiouton palin aphikneisthai politikon kai hēmeron genos, ē pou melittōn ē sphēkōn ē myrmēkōn, kai eis tauton ge palin to anthrōpinon genos, kai gignesthai ex autōn andras metrious. eikos. eis de ge theōn genos mē philosophēsanti kai pantelōs katharō apionti ou themis aphikneisthai all’ ē tō philomathei. alla toutōn heneka, ō hetaire Simmia te kai Kebēs , hoi orthōs philosophoi apechontai tōn kata to sōma epithymiōn hapasōn kai karterousi kai ou paradidoasin autais heautous, ou ti oikophthorian te kai penian phoboumenoi, hōsper hoi polloi kai philochrēmatoi

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 82 part 1; transliteration: greek-transliteration (build)

Share X Facebook