Languages

Work 3 · Passage 51

Work 3 · Passage 51

Plato

Greek

· οὐδὲ αὖ ἀτιμίαν τε καὶ ἀδοξίαν μοχθηρίας δεδιότες, ὥσπερ οἱ φίλαρχοί τε καὶ φιλότιμοι, ἔπειτα ἀπέχονται αὐτῶν. οὐ γὰρ ἂν πρέποι, ἔφη, ὦ Σώκρατες , ὁ Κέβης . οὐ μέντοι μὰ Δία , ἦ δ’ ὅς. τοιγάρτοι τούτοις μὲν ἅπασιν, ὦ Κέβης , ἐκεῖνοι οἷς τι μέλει τῆς ἑαυτῶν ψυχῆς ἀλλὰ μὴ σώματι πλάττοντες ζῶσι, χαίρειν εἰπόντες, οὐ κατὰ ταὐτὰ πορεύονται αὐτοῖς ὡς οὐκ εἰδόσιν ὅπῃ ἔρχονται, αὐτοὶ δὲ ἡγούμενοι οὐ δεῖν ἐναντία τῇ φιλοσοφίᾳ πράττειν καὶ τῇ ἐκείνης λύσει τε καὶ καθαρμῷ ταύτῃ δὴ τρέπονται ἐκείνῃ ἑπόμενοι, ᾗ ἐκείνη ὑφηγεῖται. πῶς, ὦ Σώκρατες ; ἐγὼ ἐρῶ, ἔφη. γιγνώσκουσι γάρ, ἦ δ᾽ ὅς, οἱ φιλομαθεῖς ὅτι παραλαβοῦσα αὐτῶν τὴν ψυχὴν ἡ φιλοσοφία ἀτεχνῶς διαδεδεμένην ἐν τῷ σώματι καὶ προσκεκολλημένην, ἀναγκαζομένην δὲ ὥσπερ διὰ εἱργμοῦ διὰ τούτου σκοπεῖσθαι τὰ ὄντα ἀλλὰ μὴ αὐτὴν δι’ αὑτῆς, καὶ ἐν πάσῃ ἀμαθίᾳ κυλινδουμένην, καὶ τοῦ εἱργμοῦ τὴν δεινότητα κατιδοῦσα ὅτι δι’ ἐπιθυμίας ἐστίν, ὡς ἂν μάλιστα αὐτὸς ὁ δεδεμένος συλλήπτωρ εἴη τοῦ δεδέσθαι,

Transliteration

oude au atimian te kai adoxian mochthērias dediotes, hōsper hoi philarchoi te kai philotimoi, epeita apechontai autōn. ou gar an prepoi, ephē, ō Sōkrates , ho Kebēs . ou mentoi ma Dia , ē d’ hos. toigartoi toutois men hapasin, ō Kebēs , ekeinoi hois ti melei tēs heautōn psychēs alla mē sōmati plattontes zōsi, chairein eipontes, ou kata tauta poreuontai autois hōs ouk eidosin hopē erchontai, autoi de hēgoumenoi ou dein enantia tē philosophia prattein kai tē ekeinēs lysei te kai katharmō tautē dē trepontai ekeinē hepomenoi, hē ekeinē hyphēgeitai. pōs, ō Sōkrates ; egō erō, ephē. gignōskousi gar, ē d hos, hoi philomatheis hoti paralabousa autōn tēn psychēn hē philosophia atechnōs diadedemenēn en tō sōmati kai proskekollēmenēn, anankazomenēn de hōsper dia heirgmou dia toutoy skopeisthai ta onta alla mē autēn di’ hautēs, kai en pasē amathia kylindoumenēn, kai tou heirgmou tēn deinotēta katidousa hoti di’ epithymias estin, hōs an malista autos ho dedemenos syllēptōr eiē tou dedesthai,

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 82 part 2; transliteration: greek-transliteration (build)

Share X Facebook