Languages

Work 3 · Passage 54

Work 3 · Passage 54

Plato

Greek

ΦΑΙΔ. οὐ δῆτα ἔγωγε. οὐ γάρ· ἀλλ’ οὕτω λογίσαιτ’ ἂν ψυχὴ ἀνδρὸς φιλοσόφου, καὶ οὐκ ἂν οἰηθείη τὴν μὲν φιλοσοφίαν χρῆναι αὐτὴν λύειν, λυούσης δὲ ἐκείνης, αὐτὴν παραδιδόναι ταῖς ἡδοναῖς καὶ λύπαις ἑαυτὴν πάλιν αὖ ἐγκαταδεῖν καὶ ἀνήνυτον ἔργον πράττειν Πηνελόπης τινὰ ἐναντίως ἱστὸν μεταχειριζομένης, ἀλλὰ γαλήνην τούτων παρασκευάζουσα, ἑπομένη τῷ λογισμῷ καὶ ἀεὶ ἐν τούτῳ οὖσα, τὸ ἀληθὲς καὶ τὸ θεῖον καὶ τὸ ἀδόξαστον θεωμένη καὶ ὑπ’ ἐκείνου τρεφομένη, ζῆν τε οἴεται οὕτω δεῖν ἕως ἂν ζῇ, καὶ ἐπειδὰν τελευτήσῃ, εἰς τὸ συγγενὲς καὶ εἰς τὸ τοιοῦτον ἀφικομένη ἀπηλλάχθαι τῶν ἀνθρωπίνων κακῶν. ἐκ δὴ τῆς τοιαύτης τροφῆς οὐδὲν δεινὸν μὴ φοβηθῇ, ὦ Σιμμία τε καὶ Κέβης , ὅπως μὴ διασπασθεῖσα ἐν τῇ ἀπαλλαγῇ τοῦ σώματος ὑπὸ τῶν ἀνέμων διαφυσηθεῖσα καὶ διαπτομένη οἴχηται καὶ οὐδὲν ἔτι οὐδαμοῦ ᾖ. σιγὴ οὖν ἐγένετο ταῦτα εἰπόντος τοῦ Σωκράτους ἐπὶ πολὺν χρόνον, καὶ αὐτός τε πρὸς τῷ εἰρημένῳ λόγῳ ἦν ὁ Σωκράτης , ὡς ἰδεῖν ἐφαίνετο, καὶ ἡμῶν οἱ πλεῖστοι· Κέβης δὲ καὶ Σιμμίας σμικρὸν πρὸς ἀλλήλω διελεγέσθην. καὶ ὁ Σωκράτης ἰδὼν αὐτὼ ἤρετο, τί; ἔφη, ὑμῖν τὰ λεχθέντα μῶν μὴ δοκεῖ ἐνδεῶς λέγεσθαι; πολλὰς γὰρ δὴ ἔτι ἔχει ὑποψίας καὶ ἀντιλαβάς, εἴ γε δή τις αὐτὰ μέλλει ἱκανῶς διεξιέναι. εἰ μὲν οὖν τι ἄλλο σκοπεῖσθον, οὐδὲν λέγω· εἰ δέ τι περὶ τούτων ἀπορεῖτον, μηδὲν ἀποκνήσητε καὶ αὐτοὶ εἰπεῖν καὶ διελθεῖν, εἴ πῃ ὑμῖν φαίνεται βέλτιον ἂν λεχθῆναι, καὶ αὖ καὶ ἐμὲ συμπαραλαβεῖν, εἴ τι μᾶλλον οἴεσθε μετ’ ἐμοῦ εὐπορήσειν. καὶ ὁ Σιμμίας ἔφη· καὶ μήν, ὦ Σώκρατες , τἀληθῆ σοι ἐρῶ. πάλαι γὰρ ἡμῶν ἑκάτερος ἀπορῶν τὸν ἕτερον προωθεῖ καὶ κελεύει ἐρέσθαι διὰ τὸ ἐπιθυμεῖν μὲν ἀκοῦσαι, ὀκνεῖν δὲ ὄχλον παρέχειν, μή σοι ἀηδὲς ᾖ διὰ τὴν παροῦσαν συμφοράν. καὶ ὃς ἀκούσας ἐγέλασέν τε ἠρέμα καί φησιν· Βαβαί , ὦ Σιμμία

Transliteration

PHAID. ou dēta egōge. ou gar all’ houtō logisait’ an psychē andros philosophou, kai ouk an oiētheiē tēn men philosophian chrēnai autēn lyein, lyousēs de ekeinēs, autēn paradidonai tais hēdonais kai lypais heautēn palin au enkatadein kai anēnyton ergon prattein Pēnelopēs tina enantiōs histon metacheirizomenēs, alla galēnēn toutōn paraskeuazousa, hepomenē tō logismō kai aei en toutō ousa, to alēthes kai to theion kai to adoxaston theōmenē kai hyp’ ekeinou trephomenē, zēn te oietai houtō dein heōs an zē, kai epeidan teleutēsē, eis to syngenes kai eis to toiouton aphikomenē apēllachthai tōn anthrōpinōn kakōn. ek dē tēs toiautēs trophēs ouden deinon mē phobēthē, ō Simmia te kai Kebēs , hopōs mē diaspastheisa en tē apallagē tou sōmatos hypo tōn anemōn diaphysētheisa kai diaptomenē oichētai kai ouden eti oudamoy ē. sigē oun egeneto tauta eipontos tou Sōkratous epi polyn chronon, kai autos te pros tō eirēmenō logō ēn ho Sōkratēs , hōs idein ephaineto, kai hēmōn hoi pleistoi Kebēs de kai Simmias smikron pros allēlō dielegesthēn. kai ho Sōkratēs idōn autō ēreto, ti; ephē, hymin ta lechthenta mōn mē dokei endeōs legesthai; pollas gar dē eti echei hypopsias kai antilabas, ei ge dē tis auta mellei hikanōs diexienai. ei men oun ti allo skopeisthon, ouden legō ei de ti peri toutōn aporeiton, mēden apoknēsēte kai autoi eipein kai dielthein, ei pē hymin phainetai beltion an lechthēnai, kai au kai eme symparalabein, ei ti mallon oiesthe met’ emou euporēsein. kai ho Simmias ephē kai mēn, ō Sōkrates , talēthē soi erō. palai gar hēmōn hekateros aporōn ton heteron proōthei kai keleuei eresthai dia to epithymein men akousai, oknein de ochlon parechein, mē soi aēdes ē dia tēn parousan symphoran. kai hos akousas egelasen te ērema kai phēsin Babai , ō Simmia

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 84 part 1; transliteration: greek-transliteration (build)

Share X Facebook