Languages

Work 3 · Passage 53

Work 3 · Passage 53

Plato

Greek

· ἢ οὔ; πάνυ γε. οὐκοῦν ἐν τούτῳ τῷ πάθει μάλιστα καταδεῖται ψυχὴ ὑπὸ σώματος; πῶς δή; ὅτι ἑκάστη ἡδονὴ καὶ λύπη ὥσπερ ἧλον ἔχουσα προσηλοῖ αὐτὴν πρὸς τὸ σῶμα καὶ προσπερονᾷ καὶ ποιεῖ σωματοειδῆ, δοξάζουσαν ταῦτα ἀληθῆ εἶναι ἅπερ ἂν καὶ τὸ σῶμα φῇ. ἐκ γὰρ τοῦ ὁμοδοξεῖν τῷ σώματι καὶ τοῖς αὐτοῖς χαίρειν ἀναγκάζεται οἶμαι ὁμότροπός τε καὶ ὁμότροφος γίγνεσθαι καὶ οἵα μηδέποτε εἰς Ἅιδου καθαρῶς ἀφικέσθαι, ἀλλὰ ἀεὶ τοῦ σώματος ἀναπλέα ἐξιέναι, ὥστε ταχὺ πάλιν πίπτειν εἰς ἄλλο σῶμα καὶ ὥσπερ σπειρομένη ἐμφύεσθαι, καὶ ἐκ τούτων ἄμοιρος εἶναι τῆς τοῦ θείου τε καὶ καθαροῦ καὶ μονοειδοῦς συνουσίας. ἀληθέστατα, ἔφη, λέγεις, ὁ Κέβης , ὦ Σώκρατες . τούτων τοίνυν ἕνεκα, ὦ Κέβης , οἱ δικαίως φιλομαθεῖς κόσμιοί εἰσι καὶ ἀνδρεῖοι, οὐχ ὧν οἱ πολλοὶ ἕνεκά φασιν· ἢ σὺ οἴει;

Transliteration

ē ou; pany ge. oukoyn en toutō tō pathei malista katadeitai psychē hypo sōmatos; pōs dē; hoti hekastē hēdonē kai lypē hōsper hēlon echousa prosēloi autēn pros to sōma kai prosperona kai poiei sōmatoeidē, doxazousan tauta alēthē einai haper an kai to sōma phē. ek gar tou homodoxein tō sōmati kai tois autois chairein anankazetai oimai homotropos te kai homotrophos gignesthai kai hoia mēdepote eis hAidou katharōs aphikesthai, alla aei tou sōmatos anaplea exienai, hōste tachy palin piptein eis allo sōma kai hōsper speiromenē emphyesthai, kai ek toutōn amoiros einai tēs tou theiou te kai katharou kai monoeidous synousias. alēthestata, ephē, legeis, ho Kebēs , ō Sōkrates . toutōn toinyn heneka, ō Kebēs , hoi dikaiōs philomatheis kosmioi eisi kai andreioi, ouch hōn hoi polloi heneka phasin ē sy oiei;

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 83 part 2; transliteration: greek-transliteration (build)

Share X Facebook