Languages

Work 3 · Passage 6

Work 3 · Passage 6

Plato

Greek

ΦΑΙΔ. οὐ πολὺν δ’ οὖν χρόνον ἐπισχὼν ἧκεν καὶ ἐκέλευεν ἡμᾶς εἰσιέναι. εἰσιόντες οὖν κατελαμβάνομεν τὸν μὲν Σωκράτη ἄρτι λελυμένον, τὴν δὲ Ξανθίππην — γιγνώσκεις γάρ — ἔχουσάν τε τὸ παιδίον αὐτοῦ καὶ παρακαθημένην. ὡς οὖν εἶδεν ἡμᾶς ἡ Ξανθίππη , ἀνηυφήμησέ τε καὶ τοιαῦτ’ ἄττα εἶπεν, οἷα δὴ εἰώθασιν αἱ γυναῖκες, ὅτι ὦ Σώκρατες , ὕστατον δή σε προσεροῦσι νῦν οἱ ἐπιτήδειοι καὶ σὺ τούτους. καὶ ὁ Σωκράτης βλέψας εἰς τὸν Κρίτωνα , ὦ Κρίτων , ἔφη, ἀπαγέτω τις αὐτὴν οἴκαδε. καὶ ἐκείνην μὲν ἀπῆγόν τινες τῶν τοῦ Κρίτωνος βοῶσάν τε καὶ κοπτομένην· ὁ δὲ Σωκράτης ἀνακαθιζόμενος εἰς τὴν κλίνην συνέκαμψέ τε τὸ σκέλος καὶ ἐξέτριψε τῇ χειρί, καὶ τρίβων ἅμα, ὡς ἄτοπον, ἔφη, ὦ ἄνδρες, ἔοικέ τι εἶναι τοῦτο ὃ καλοῦσιν οἱ ἄνθρωποι ἡδύ· ὡς θαυμασίως πέφυκε πρὸς τὸ δοκοῦν ἐναντίον εἶναι, τὸ λυπηρόν, τὸ ἅμα μὲν αὐτὼ μὴ ᾽θέλειν παραγίγνεσθαι τῷ ἀνθρώπῳ, ἐὰν δέ τις διώκῃ τὸ ἕτερον καὶ λαμβάνῃ, σχεδόν τι ἀναγκάζεσθαι ἀεὶ λαμβάνειν καὶ τὸ ἕτερον, ὥσπερ ἐκ μιᾶς κορυφῆς ἡμμένω δύ’ ὄντε. καί μοι δοκεῖ, ἔφη, εἰ ἐνενόησεν αὐτὰ Αἴσωπος , μῦθον ἂν συνθεῖναι ὡς ὁ θεὸς βουλόμενος αὐτὰ διαλλάξαι πολεμοῦντα, ἐπειδὴ οὐκ ἐδύνατο, συνῆψεν εἰς ταὐτὸν αὐτοῖς τὰς κορυφάς, καὶ διὰ ταῦτα ᾧ ἂν τὸ ἕτερον παραγένηται ἐπακολουθεῖ ὕστερον καὶ τὸ ἕτερον. ὥσπερ οὖν καὶ αὐτῷ μοι ἔοικεν

Transliteration

PHAID. ou polyn d’ oun chronon epischōn hēken kai ekeleuen hēmas eisienai. eisiontes oun katelambanomen ton men Sōkratē arti lelymenon, tēn de Xanthippēn — gignōskeis gar — echousan te to paidion autou kai parakathēmenēn. hōs oun eiden hēmas hē Xanthippē , anēuphēmēse te kai toiaut’ atta eipen, hoia dē eiōthasin hai gynaikes, hoti ō Sōkrates , hystaton dē se proserousi nyn hoi epitēdeioi kai sy toutoys. kai ho Sōkratēs blepsas eis ton Kritōna , ō Kritōn , ephē, apagetō tis autēn oikade. kai ekeinēn men apēgon tines tōn tou Kritōnos boōsan te kai koptomenēn ho de Sōkratēs anakathizomenos eis tēn klinēn synekampse te to skelos kai exetripse tē cheiri, kai tribōn hama, hōs atopon, ephē, ō andres, eoike ti einai touto ho kalousin hoi anthrōpoi hēdy hōs thaumasiōs pephyke pros to dokoun enantion einai, to lypēron, to hama men autō mē thelein paragignesthai tō anthrōpō, ean de tis diōkē to heteron kai lambanē, schedon ti anankazesthai aei lambanein kai to heteron, hōsper ek mias koryphēs hēmmenō dy’ onte. kai moi dokei, ephē, ei enenoēsen auta Aisōpos , mython an syntheinai hōs ho theos boulomenos auta diallaxai polemounta, epeidē ouk edynato, synēpsen eis tauton autois tas koryphas, kai dia tauta hō an to heteron paragenētai epakolouthei hysteron kai to heteron. hōsper oun kai autō moi eoiken

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 60 part 1; transliteration: greek-transliteration (build)

Share X Facebook