Work 3 · Passage 7
Plato
Greek
· ἐπειδὴ ὑπὸ τοῦ δεσμοῦ ἦν ἐν τῷ σκέλει τὸ ἀλγεινόν, ἥκειν δὴ φαίνεται ἐπακολουθοῦν τὸ ἡδύ. ὁ οὖν Κέβης ὑπολαβών, νὴ τὸν Δία , ὦ Σώκρατες , ἔφη, εὖ γ’ ἐποίησας ἀναμνήσας με. περὶ γάρ τοι τῶν ποιημάτων ὧν πεποίηκας ἐντείνας τοὺς τοῦ Αἰσώπου λόγους καὶ τὸ εἰς τὸν Ἀπόλλω προοίμιον καὶ ἄλλοι τινές με ἤδη ἤροντο, ἀτὰρ καὶ Εὔηνος πρῴην, ὅτι ποτὲ διανοηθείς, ἐπειδὴ δεῦρο ἦλθες, ἐποίησας αὐτά, πρότερον οὐδὲν πώποτε ποιήσας. εἰ οὖν τί σοι μέλει τοῦ ἔχειν ἐμὲ Εὐήνῳ ἀποκρίνασθαι ὅταν με αὖθις ἐρωτᾷ — εὖ οἶδα γὰρ ὅτι ἐρήσεται — εἰπὲ τί χρὴ λέγειν. λέγε τοίνυν, ἔφη, αὐτῷ, ὦ Κέβης , τἀληθῆ, ὅτι οὐκ ἐκείνῳ βουλόμενος οὐδὲ τοῖς ποιήμασιν αὐτοῦ ἀντίτεχνος εἶναι ἐποίησα ταῦτα — ᾔδη γὰρ ὡς οὐ ῥᾴδιον εἴη — ἀλλ’ ἐνυπνίων τινῶν ἀποπειρώμενος τί λέγοι, καὶ ἀφοσιούμενος εἰ ἄρα πολλάκις ταύτην τὴν μουσικήν μοι ἐπιτάττοι ποιεῖν. ἦν γὰρ δὴ ἄττα τοιάδε· πολλάκις μοι φοιτῶν τὸ αὐτὸ ἐνύπνιον ἐν τῷ παρελθόντι βίῳ, ἄλλοτ’ ἐν ἄλλῃ ὄψει φαινόμενον, τὰ αὐτὰ δὲ λέγον, ὦ Σώκρατες , ἔφη, μουσικὴν ποίει καὶ ἐργάζου.
Transliteration
epeidē hypo tou desmou ēn en tō skelei to algeinon, hēkein dē phainetai epakolouthoyn to hēdy. ho oun Kebēs hypolabōn, nē ton Dia , ō Sōkrates , ephē, eu g’ epoiēsas anamnēsas me. peri gar toi tōn poiēmatōn hōn pepoiēkas enteinas tous tou Aisōpou logous kai to eis ton Apollō prooimion kai alloi tines me ēdē ēronto, atar kai Eyēnos prōēn, hoti pote dianoētheis, epeidē deuro ēlthes, epoiēsas auta, proteron ouden pōpote poiēsas. ei oun ti soi melei tou echein eme Eyēnō apokrinasthai hotan me authis erōta — eu oida gar hoti erēsetai — eipe ti chrē legein. lege toinyn, ephē, autō, ō Kebēs , talēthē, hoti ouk ekeinō boulomenos oude tois poiēmasin autou antitechnos einai epoiēsa tauta — ēdē gar hōs ou rhadion eiē — all’ enypniōn tinōn apopeirōmenos ti legoi, kai aphosioumenos ei ara pollakis tautēn tēn mousikēn moi epitattoi poiein. ēn gar dē atta toiade pollakis moi phoitōn to auto enypnion en tō parelthonti biō, allot’ en allē opsei phainomenon, ta auta de legon, ō Sōkrates , ephē, mousikēn poiei kai ergazou.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 60 part 2; transliteration: greek-transliteration (build)