Languages

Work 3 · Passage 60

Work 3 · Passage 60

Plato

Greek

ΦΑΙΔ. ἐμοὶ γὰρ φαίνεται ἔτι ἐν τῷ αὐτῷ ὁ λόγος εἶναι, καί, ὅπερ ἐν τοῖς πρόσθεν ἐλέγομεν, ταὐτὸν ἔγκλημα ἔχειν. ὅτι μὲν γὰρ ἦν ἡμῶν ἡ ψυχὴ καὶ πρὶν εἰς τόδε τὸ εἶδος ἐλθεῖν, οὐκ ἀνατίθεμαι μὴ οὐχὶ πάνυ χαριέντως καί, εἰ μὴ ἐπαχθές ἐστιν εἰπεῖν, πάνυ ἱκανῶς ἀποδεδεῖχθαι· ὡς δὲ καὶ ἀποθανόντων ἡμῶν ἔτι που ἔστιν, οὔ μοι δοκεῖ τῇδε. ὡς μὲν οὐκ ἰσχυρότερον καὶ πολυχρονιώτερον ψυχὴ σώματος, οὐ συγχωρῶ τῇ Σιμμίου ἀντιλήψει· δοκεῖ γάρ μοι πᾶσι τούτοις πάνυ πολὺ διαφέρειν. τί οὖν, ἂν φαίη ὁ λόγος, ἔτι ἀπιστεῖς, ἐπειδὴ ὁρᾷς ἀποθανόντος τοῦ ἀνθρώπου τό γε ἀσθενέστερον ἔτι ὄν; τὸ δὲ πολυχρονιώτερον οὐ δοκεῖ σοι ἀναγκαῖον εἶναι ἔτι σῴζεσθαι ἐν τούτῳ τῷ χρόνῳ; πρὸς δὴ τοῦτο τόδε ἐπίσκεψαι, εἴ τι λέγω· εἰκόνος γάρ τινος, ὡς ἔοικεν, κἀγὼ ὥσπερ Σιμμίας δέομαι. ἐμοὶ γὰρ δοκεῖ ὁμοίως λέγεσθαι ταῦτα ὥσπερ ἄν τις περὶ ἀνθρώπου ὑφάντου πρεσβύτου ἀποθανόντος λέγοι τοῦτον τὸν λόγον, ὅτι οὐκ ἀπόλωλεν ὁ ἄνθρωπος ἀλλ’ ἔστι που σῶς, τεκμήριον δὲ παρέχοιτο θοἰμάτιον ὃ ἠμπείχετο αὐτὸς ὑφηνάμενος ὅτι ἐστὶ σῶν καὶ οὐκ ἀπόλωλεν, καὶ εἴ τις ἀπιστοίη αὐτῷ, ἀνερωτῴη πότερον πολυχρονιώτερόν ἐστι τὸ γένος ἀνθρώπου ἢ ἱματίου ἐν χρείᾳ τε ὄντος καὶ φορουμένου, ἀποκριναμένου δή ὅτι πολὺ τὸ τοῦ ἀνθρώπου, οἴοιτο ἀποδεδεῖχθαι ὅτι παντὸς ἄρα μᾶλλον ὅ γε ἄνθρωπος σῶς ἐστιν, ἐπειδὴ τό γε ὀλιγοχρονιώτερον οὐκ ἀπόλωλεν. τὸ δ’ οἶμαι, ὦ Σιμμία , οὐχ οὕτως ἔχει· σκόπει γὰρ καὶ σὺ ἃ λέγω. πᾶς ἂν ὑπολάβοι ὅτι εὔηθες λέγει ὁ τοῦτο λέγων

Transliteration

PHAID. emoi gar phainetai eti en tō autō ho logos einai, kai, hoper en tois prosthen elegomen, tauton enklēma echein. hoti men gar ēn hēmōn hē psychē kai prin eis tode to eidos elthein, ouk anatithemai mē ouchi pany charientōs kai, ei mē epachthes estin eipein, pany hikanōs apodedeichthai hōs de kai apothanontōn hēmōn eti pou estin, ou moi dokei tēde. hōs men ouk ischyroteron kai polychroniōteron psychē sōmatos, ou synchōrō tē Simmiou antilēpsei dokei gar moi pasi toutois pany poly diapherein. ti oun, an phaiē ho logos, eti apisteis, epeidē horas apothanontos tou anthrōpou to ge asthenesteron eti on; to de polychroniōteron ou dokei soi anankaion einai eti sōzesthai en toutō tō chronō; pros dē touto tode episkepsai, ei ti legō eikonos gar tinos, hōs eoiken, kagō hōsper Simmias deomai. emoi gar dokei homoiōs legesthai tauta hōsper an tis peri anthrōpou hyphantou presbytou apothanontos legoi touton ton logon, hoti ouk apolōlen ho anthrōpos all’ esti pou sōs, tekmērion de parechoito thoimation ho ēmpeicheto autos hyphēnamenos hoti esti sōn kai ouk apolōlen, kai ei tis apistoiē autō, anerōtōē poteron polychroniōteron esti to genos anthrōpou ē himatiou en chreia te ontos kai phoroumenoy, apokrinamenou dē hoti poly to tou anthrōpou, oioito apodedeichthai hoti pantos ara mallon ho ge anthrōpos sōs estin, epeidē to ge oligochroniōteron ouk apolōlen. to d’ oimai, ō Simmia , ouch houtōs echei skopei gar kai sy ha legō. pas an hypolaboi hoti euēthes legei ho touto legōn

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 87 part 1; transliteration: greek-transliteration (build)

Share X Facebook