Work 3 · Passage 61
Plato
Greek
· ὁ γὰρ ὑφάντης οὗτος πολλὰ κατατρίψας τοιαῦτα ἱμάτια καὶ ὑφηνάμενος ἐκείνων μὲν ὕστερος ἀπόλωλεν πολλῶν ὄντων, τοῦ δὲ τελευταίου οἶμαι πρότερος, καὶ οὐδέν τι μᾶλλον τούτου ἕνεκα ἄνθρωπός ἐστιν ἱματίου φαυλότερον οὐδ’ ἀσθενέστερον. τὴν αὐτὴν δὲ ταύτην οἶμαι εἰκόνα δέξαιτ’ ἂν ψυχὴ πρὸς σῶμα, καί τις λέγων αὐτὰ ταῦτα περὶ αὐτῶν μέτρι’ ἄν μοι φαίνοιτο λέγειν, ὡς ἡ μὲν ψυχὴ πολυχρόνιόν ἐστι, τὸ δὲ σῶμα ἀσθενέστερον καὶ ὀλιγοχρονιώτερον· ἀλλὰ γὰρ ἂν φαίη ἑκάστην τῶν ψυχῶν πολλὰ σώματα κατατρίβειν, ἄλλως τε κἂν πολλὰ ἔτη βιῷ — εἰ γὰρ ῥέοι τὸ σῶμα καὶ ἀπολλύοιτο ἔτι ζῶντος τοῦ ἀνθρώπου, ἀλλ’ ἡ ψυχὴ ἀεὶ τὸ κατατριβόμενον ἀνυφαίνοι — ἀναγκαῖον μεντἂν εἴη, ὁπότε ἀπολλύοιτο ἡ ψυχή, τὸ τελευταῖον ὕφασμα τυχεῖν αὐτὴν ἔχουσαν καὶ τούτου μόνου προτέραν ἀπόλλυσθαι, ἀπολομένης δὲ τῆς ψυχῆς τότ’ ἤδη τὴν φύσιν τῆς ἀσθενείας ἐπιδεικνύοι τὸ σῶμα καὶ ταχὺ σαπὲν διοίχοιτο.
Transliteration
ho gar hyphantēs houtos polla katatripsas toiauta himatia kai hyphēnamenos ekeinōn men hysteros apolōlen pollōn ontōn, tou de teleutaiou oimai proteros, kai ouden ti mallon toutoy heneka anthrōpos estin himatiou phauloteron oud’ asthenesteron. tēn autēn de tautēn oimai eikona dexait’ an psychē pros sōma, kai tis legōn auta tauta peri autōn metri’ an moi phainoito legein, hōs hē men psychē polychronion esti, to de sōma asthenesteron kai oligochroniōteron alla gar an phaiē hekastēn tōn psychōn polla sōmata katatribein, allōs te kan polla etē biō — ei gar rheoi to sōma kai apollyoito eti zōntos tou anthrōpou, all’ hē psychē aei to katatribomenon anyphainoi — anankaion mentan eiē, hopote apollyoito hē psychē, to teleutaion hyphasma tychein autēn echousan kai toutoy monou proteran apollysthai, apolomenēs de tēs psychēs tot’ ēdē tēn physin tēs astheneias epideiknyoi to sōma kai tachy sapen dioichoito.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 87 part 2; transliteration: greek-transliteration (build)