Work 3 · Passage 65
Plato
Greek
· ὡς οὐκ ἔστιν, ἔφη, ὅτι ἄν τις μεῖζον τούτου κακὸν πάθοι ἢ λόγους μισήσας. γίγνεται δὲ ἐκ τοῦ αὐτοῦ τρόπου μισολογία τε καὶ μισανθρωπία. ἥ τε γὰρ μισανθρωπία ἐνδύεται ἐκ τοῦ σφόδρα τινὶ πιστεῦσαι ἄνευ τέχνης, καὶ ἡγήσασθαι παντάπασί γε ἀληθῆ εἶναι καὶ ὑγιῆ καὶ πιστὸν τὸν ἄνθρωπον, ἔπειτα ὀλίγον ὕστερον εὑρεῖν τοῦτον πονηρόν τε καὶ ἄπιστον, καὶ αὖθις ἕτερον· καὶ ὅταν τοῦτο πολλάκις πάθῃ τις καὶ ὑπὸ τούτων μάλιστα οὓς ἂν ἡγήσαιτο οἰκειοτάτους τε καὶ ἑταιροτάτους, τελευτῶν δὴ θαμὰ προσκρούων μισεῖ τε πάντας καὶ ἡγεῖται οὐδενὸς οὐδὲν ὑγιὲς εἶναι τὸ παράπαν. ἢ οὐκ ᾔσθησαι σύ πω τοῦτο γιγνόμενον; πάνυ γε, ἦν δ᾽ ἐγώ. οὐκοῦν, ἦ δ’ ὅς, αἰσχρόν, καὶ δῆλον ὅτι ἄνευ τέχνης τῆς περὶ τἀνθρώπεια ὁ τοιοῦτος χρῆσθαι ἐπεχείρει τοῖς ἀνθρώποις;
Transliteration
hōs ouk estin, ephē, hoti an tis meizon toutoy kakon pathoi ē logous misēsas. gignetai de ek tou autou tropou misologia te kai misanthrōpia. hē te gar misanthrōpia endyetai ek tou sphodra tini pisteusai aneu technēs, kai hēgēsasthai pantapasi ge alēthē einai kai hygiē kai piston ton anthrōpon, epeita oligon hysteron heurein touton ponēron te kai apiston, kai authis heteron kai hotan touto pollakis pathē tis kai hypo toutōn malista hous an hēgēsaito oikeiotatous te kai hetairotatous, teleutōn dē thama proskrouōn misei te pantas kai hēgeitai oudenos ouden hygies einai to parapan. ē ouk ēsthēsai sy pō touto gignomenon; pany ge, ēn d egō. oukoyn, ē d’ hos, aischron, kai dēlon hoti aneu technēs tēs peri tanthrōpeia ho toioutos chrēsthai epecheirei tois anthrōpois;
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 89 part 2; transliteration: greek-transliteration (build)