Work 3 · Passage 64
Plato
Greek
ΦΑΙΔ. καὶ μήν, ὦ Ἐχέκρατες , πολλάκις θαυμάσας Σωκράτη οὐ πώποτε μᾶλλον ἠγάσθην ἢ τότε παραγενόμενος. τὸ μὲν οὖν ἔχειν ὅτι λέγοι ἐκεῖνος ἴσως οὐδὲν ἄτοπον· ἀλλὰ ἔγωγε μάλιστα ἐθαύμασα αὐτοῦ πρῶτον μὲν τοῦτο, ὡς ἡδέως καὶ εὐμενῶς καὶ ἀγαμένως τῶν νεανίσκων τὸν λόγον ἀπεδέξατο, ἔπειτα ἡμῶν ὡς ὀξέως ᾔσθετο ὃ ᾽πεπόνθεμεν ὑπὸ τῶν λόγων, ἔπειτα ὡς εὖ ἡμᾶς ἰάσατο καὶ ὥσπερ πεφευγότας καὶ ἡττημένους ἀνεκαλέσατο καὶ προύτρεψεν πρὸς τὸ παρέπεσθαί τε καὶ συσκοπεῖν τὸν λόγον. ΕΧ. πῶς δή; ΦΑΙΔ. ἐγὼ ἐρῶ. ἔτυχον γὰρ ἐν δεξιᾷ αὐτοῦ καθήμενος παρὰ τὴν κλίνην ἐπὶ χαμαιζήλου τινός, ὁ δὲ ἐπὶ πολὺ ὑψηλοτέρου ἢ ἐγώ. καταψήσας οὖν μου τὴν κεφαλὴν καὶ συμπιέσας τὰς ἐπὶ τῷ αὐχένι τρίχας — εἰώθει γάρ, ὁπότε τύχοι, παίζειν μου εἰς τὰς τρίχας — Αὔριον δή, ἔφη, ἴσως, ὦ Φαίδων , τὰς καλὰς ταύτας κόμας ἀποκερῇ. ἔοικεν, ἦν δ᾽ ἐγώ, ὦ Σώκρατες . οὔκ, ἄν γε ἐμοὶ πείθῃ. ἀλλὰ τί; ἦν δ’ ἐγώ. τήμερον, ἔφη, κἀγὼ τὰς ἐμὰς καὶ σὺ ταύτας, ἐάνπερ γε ἡμῖν ὁ λόγος τελευτήσῃ καὶ μὴ δυνώμεθα αὐτὸν ἀναβιώσασθαι. καὶ ἔγωγ’ ἄν, εἰ σὺ εἴην καί με διαφεύγοι ὁ λόγος, ἔνορκον ἂν ποιησαίμην ὥσπερ Ἀργεῖοι , μὴ πρότερον κομήσειν, πρὶν ἂν νικήσω ἀναμαχόμενος τὸν Σιμμίου τε καὶ κέβητος λόγον. ἀλλ᾽, ἦν δ’ ἐγώ, πρὸς δύο λέγεται οὐδ’ ὁ Ἡρακλῆς οἷός τε εἶναι. ἀλλὰ καὶ ἐμέ, ἔφη, τὸν Ἰόλεων παρακάλει, ἕως ἔτι φῶς ἐστιν. παρακαλῶ τοίνυν, ἔφην, οὐχ ὡς Ἡρακλῆς , ἀλλ’ ὡς Ἰόλεως τὸν Ἡρακλῆ . οὐδὲν διοίσει, ἔφη. ἀλλὰ πρῶτον εὐλαβηθῶμέν τι πάθος μὴ πάθωμεν. τὸ ποῖον; ἦν δ’ ἐγώ. μὴ γενώμεθα, ἦ δ’ ὅς, μισόλογοι, ὥσπερ οἱ μισάνθρωποι γιγνόμενοι
Transliteration
PHAID. kai mēn, ō Echekrates , pollakis thaumasas Sōkratē ou pōpote mallon ēgasthēn ē tote paragenomenos. to men oun echein hoti legoi ekeinos isōs ouden atopon alla egōge malista ethaumasa autou prōton men touto, hōs hēdeōs kai eumenōs kai agamenōs tōn neaniskōn ton logon apedexato, epeita hēmōn hōs oxeōs ēstheto ho peponthemen hypo tōn logōn, epeita hōs eu hēmas iasato kai hōsper pepheugotas kai hēttēmenous anekalesato kai proutrepsen pros to parepesthai te kai syskopein ton logon. ECH. pōs dē; PHAID. egō erō. etychon gar en dexia autou kathēmenos para tēn klinēn epi chamaizēlou tinos, ho de epi poly hypsēloterou ē egō. katapsēsas oun mou tēn kephalēn kai sympiesas tas epi tō aucheni trichas — eiōthei gar, hopote tychoi, paizein mou eis tas trichas — Ayrion dē, ephē, isōs, ō PHaidōn , tas kalas tautas komas apokerē. eoiken, ēn d egō, ō Sōkrates . ouk, an ge emoi peithē. alla ti; ēn d’ egō. tēmeron, ephē, kagō tas emas kai sy tautas, eanper ge hēmin ho logos teleutēsē kai mē dynōmetha auton anabiōsasthai. kai egōg’ an, ei sy eiēn kai me diapheugoi ho logos, enorkon an poiēsaimēn hōsper Argeioi , mē proteron komēsein, prin an nikēsō anamachomenos ton Simmiou te kai kebētos logon. all , ēn d’ egō, pros dyo legetai oud’ ho hĒraklēs hoios te einai. alla kai eme, ephē, ton Ioleōn parakalei, heōs eti phōs estin. parakalō toinyn, ephēn, ouch hōs hĒraklēs , all’ hōs Ioleōs ton hĒraklē . ouden dioisei, ephē. alla prōton eulabēthōmen ti pathos mē pathōmen. to poion; ēn d’ egō. mē genōmetha, ē d’ hos, misologoi, hōsper hoi misanthrōpoi gignomenoi
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 89 part 1; transliteration: greek-transliteration (build)