Work 3 · Passage 72
Plato
Greek
ΦΑΙΔ. δοκεῖ σοι ἁρμονίᾳ ἢ ἄλλῃ τινὶ συνθέσει προσήκειν ἄλλως πως ἔχειν ἢ ὡς ἂν ἐκεῖνα ἔχῃ ἐξ ὧν ἂν συγκέηται; οὐδαμῶς. οὐδὲ μὴν ποιεῖν τι, ὡς ἐγᾦμαι, οὐδέ τι πάσχειν ἄλλο παρ’ ἃ ἂν ἐκεῖνα ἢ ποιῇ ἢ πάσχῃ; συνέφη. οὐκ ἄρα ἡγεῖσθαί γε προσήκει ἁρμονίαν τούτων ἐξ ὧν ἂν συντεθῇ, ἀλλ᾽ ἕπεσθαι. συνεδόκει. πολλοῦ ἄρα δεῖ ἐναντία γε ἁρμονία κινηθῆναι ἂν ἢ φθέγξασθαι ἤ τι ἄλλο ἐναντιωθῆναι τοῖς αὑτῆς μέρεσιν. πολλοῦ μέντοι, ἔφη. τί δέ; οὐχ οὕτως ἁρμονία πέφυκεν εἶναι ἑκάστη ἁρμονία ὡς ἂν ἁρμοσθῇ; οὐ μανθάνω, ἔφη. ἢ οὐχί, ἦ δ’ ὅς, ἂν μὲν μᾶλλον ἁρμοσθῇ καὶ ἐπὶ πλέον, εἴπερ ἐνδέχεται τοῦτο γίγνεσθαι, μᾶλλόν τε ἂν ἁρμονία εἴη καὶ πλείων, εἰ δ’ ἧττόν τε καὶ ἐπ’ ἔλαττον, ἥττων τε καὶ ἐλάττων; πάνυ γε. ἦ οὖν ἔστι τοῦτο περὶ ψυχήν, ὥστε καὶ κατὰ τὸ σμικρότατον μᾶλλον ἑτέραν ἑτέρας ψυχῆς ἐπὶ πλέον καὶ μᾶλλον ἢ ἐπ’ ἔλαττον καὶ ἧττον αὐτὸ τοῦτο εἶναι, ψυχήν; οὐδ’ ὁπωστιοῦν, ἔφη. φέρε δή, ἔφη, πρὸς Διός · λέγεται ψυχὴ ἡ μὲν νοῦν τε ἔχειν καὶ ἀρετὴν καὶ εἶναι ἀγαθή, ἡ δὲ ἄνοιάν τε καὶ μοχθηρίαν καὶ εἶναι κακή; καὶ ταῦτα ἀληθῶς λέγεται; ἀληθῶς μέντοι. τῶν οὖν θεμένων ψυχὴν ἁρμονίαν εἶναι τί τις φήσει ταῦτα ὄντα εἶναι ἐν ταῖς ψυχαῖς, τήν τε ἀρετὴν καὶ τὴν κακίαν; πότερον ἁρμονίαν αὖ τινα ἄλλην καὶ ἀναρμοστίαν; καὶ τὴν μὲν ἡρμόσθαι, τὴν ἀγαθήν, καὶ ἔχειν ἐν αὑτῇ ἁρμονίᾳ οὔσῃ ἄλλην ἁρμονίαν, τὴν δὲ ἀνάρμοστον αὐτήν τε εἶναι καὶ οὐκ ἔχειν ἐν αὑτῇ ἄλλην; οὐκ ἔχω ἔγωγ᾽, ἔφη ὁ Σιμμίας , εἰπεῖν· δῆλον δ’ ὅτι τοιαῦτ’ ἄττ’ ἂν λέγοι ὁ ἐκεῖνο ὑποθέμενος. ἀλλὰ προωμολόγηται, ἔφη, μηδὲν μᾶλλον μηδ’ ἧττον ἑτέραν ἑτέρας ψυχὴν ψυχῆς εἶναι· τοῦτο δ’ ἔστι τὸ ὁμολόγημα, μηδὲν μᾶλλον μηδ’ ἐπὶ πλέον μηδ’ ἧττον μηδ’ ἐπ’ ἔλαττον ἑτέραν ἑτέρας ἁρμονίαν ἁρμονίας εἶναι. ἦ γάρ; πάνυ γε. τὴν δέ γε μηδὲν μᾶλλον μηδὲ ἧττον ἁρμονίαν οὖσαν μήτε μᾶλλον μήτε ἧττον ἡρμόσθαι
Transliteration
PHAID. dokei soi harmonia ē allē tini synthesei prosēkein allōs pōs echein ē hōs an ekeina echē ex hōn an synkeētai; oudamōs. oude mēn poiein ti, hōs egōmai, oude ti paschein allo par’ ha an ekeina ē poiē ē paschē; synephē. ouk ara hēgeisthai ge prosēkei harmonian toutōn ex hōn an syntethē, all hepesthai. synedokei. pollou ara dei enantia ge harmonia kinēthēnai an ē phthenxasthai ē ti allo enantiōthēnai tois hautēs meresin. pollou mentoi, ephē. ti de; ouch houtōs harmonia pephyken einai hekastē harmonia hōs an harmosthē; ou manthanō, ephē. ē ouchi, ē d’ hos, an men mallon harmosthē kai epi pleon, eiper endechetai touto gignesthai, mallon te an harmonia eiē kai pleiōn, ei d’ hētton te kai ep’ elatton, hēttōn te kai elattōn; pany ge. ē oun esti touto peri psychēn, hōste kai kata to smikrotaton mallon heteran heteras psychēs epi pleon kai mallon ē ep’ elatton kai hētton auto touto einai, psychēn; oud’ hopōstioun, ephē. phere dē, ephē, pros Dios legetai psychē hē men noun te echein kai aretēn kai einai agathē, hē de anoian te kai mochthērian kai einai kakē; kai tauta alēthōs legetai; alēthōs mentoi. tōn oun themenōn psychēn harmonian einai ti tis phēsei tauta onta einai en tais psychais, tēn te aretēn kai tēn kakian; poteron harmonian au tina allēn kai anarmostian; kai tēn men hērmosthai, tēn agathēn, kai echein en hautē harmonia ousē allēn harmonian, tēn de anarmoston autēn te einai kai ouk echein en hautē allēn; ouk echō egōg , ephē ho Simmias , eipein dēlon d’ hoti toiaut’ att’ an legoi ho ekeino hypothemenos. alla proōmologētai, ephē, mēden mallon mēd’ hētton heteran heteras psychēn psychēs einai touto d’ esti to homologēma, mēden mallon mēd’ epi pleon mēd’ hētton mēd’ ep’ elatton heteran heteras harmonian harmonias einai. ē gar; pany ge. tēn de ge mēden mallon mēde hētton harmonian ousan mēte mallon mēte hētton hērmosthai
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 93 part 1; transliteration: greek-transliteration (build)