Work 3 · Passage 71
Plato
Greek
· ἐγὼ δὲ τοῖς διὰ τῶν εἰκότων τὰς ἀποδείξεις ποιουμένοις λόγοις σύνοιδα οὖσιν ἀλαζόσιν, καὶ ἄν τις αὐτοὺς μὴ φυλάττηται, εὖ μάλα ἐξαπατῶσι, καὶ ἐν γεωμετρίᾳ καὶ ἐν τοῖς ἄλλοις ἅπασιν. ὁ δὲ περὶ τῆς ἀναμνήσεως καὶ μαθήσεως λόγος δι’ ὑποθέσεως ἀξίας ἀποδέξασθαι εἴρηται. ἐρρήθη γάρ που οὕτως ἡμῶν εἶναι ἡ ψυχὴ καὶ πρὶν εἰς σῶμα ἀφικέσθαι, ὥσπερ αὐτῆς ἐστιν ἡ οὐσία ἔχουσα τὴν ἐπωνυμίαν τὴν τοῦ ὃ ἔστιν ἐγὼ δὲ ταύτην, ὡς ἐμαυτὸν πείθω, ἱκανῶς τε καὶ ὀρθῶς ἀποδέδεγμαι. ἀνάγκη οὖν μοι, ὡς ἔοικε, διὰ ταῦτα μήτε ἐμαυτοῦ μήτε ἄλλου ἀποδέχεσθαι λέγοντος ὡς ψυχή ἐστιν ἁρμονία. τί δέ, ἦ δ’ ὅς, ὦ Σιμμία , τῇδε;
Transliteration
egō de tois dia tōn eikotōn tas apodeixeis poioumenois logois synoida ousin alazosin, kai an tis autous mē phylattētai, eu mala exapatōsi, kai en geōmetria kai en tois allois hapasin. ho de peri tēs anamnēseōs kai mathēseōs logos di’ hypotheseōs axias apodexasthai eirētai. errhēthē gar pou houtōs hēmōn einai hē psychē kai prin eis sōma aphikesthai, hōsper autēs estin hē ousia echousa tēn epōnymian tēn tou ho estin egō de tautēn, hōs emauton peithō, hikanōs te kai orthōs apodedegmai. anankē oun moi, hōs eoike, dia tauta mēte emautou mēte allou apodechesthai legontos hōs psychē estin harmonia. ti de, ē d’ hos, ō Simmia , tēde;
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 92 part 2; transliteration: greek-transliteration (build)