Work 3 · Passage 8
Plato
Greek
ΦΑΙΔ. καὶ ἐγὼ ἔν γε τῷ πρόσθεν χρόνῳ ὅπερ ἔπραττον τοῦτο ὑπελάμβανον αὐτό μοι παρακελεύεσθαί τε καὶ ἐπικελεύειν, ὥσπερ οἱ τοῖς θέουσι διακελευόμενοι, καὶ ἐμοὶ οὕτω τὸ ἐνύπνιον ὅπερ ἔπραττον τοῦτο ἐπικελεύειν, μουσικὴν ποιεῖν, ὡς φιλοσοφίας μὲν οὔσης μεγίστης μουσικῆς, ἐμοῦ δὲ τοῦτο πράττοντος. νῦν δ’ ἐπειδὴ ἥ τε δίκη ἐγένετο καὶ ἡ τοῦ θεοῦ ἑορτὴ διεκώλυέ με ἀποθνῄσκειν, ἔδοξε χρῆναι, εἰ ἄρα πολλάκις μοι προστάττοι τὸ ἐνύπνιον ταύτην τὴν δημώδη μουσικὴν ποιεῖν, μὴ ἀπειθῆσαι αὐτῷ ἀλλὰ ποιεῖν· ἀσφαλέστερον γὰρ εἶναι μὴ ἀπιέναι πρὶν ἀφοσιώσασθαι ποιήσαντα ποιήματα πιθόμενον τῷ ἐνυπνίῳ. οὕτω δὴ πρῶτον μὲν εἰς τὸν θεὸν ἐποίησα οὗ ἦν ἡ παροῦσα θυσία· μετὰ δὲ τὸν θεόν, ἐννοήσας ὅτι τὸν ποιητὴν δέοι, εἴπερ μέλλοι ποιητὴς εἶναι, ποιεῖν μύθους ἀλλ’ οὐ λόγους, καὶ αὐτὸς οὐκ ἦ μυθολογικός, διὰ ταῦτα δὴ οὓς προχείρους εἶχον μύθους καὶ ἠπιστάμην τοὺς Αἰσώπου , τούτων ἐποίησα οἷς πρώτοις ἐνέτυχον. ταῦτα οὖν, ὦ Κέβης , Εὐήνῳ φράζε, καὶ ἐρρῶσθαι καί, ἂν σωφρονῇ, ἐμὲ διώκειν ὡς τάχιστα. ἄπειμι δέ, ὡς ἔοικε, τήμερον· κελεύουσι γὰρ Ἀθηναῖοι . καὶ ὁ Σιμμίας , οἷον παρακελεύῃ, ἔφη, τοῦτο, ὦ Σώκρατες , Εὐήνῳ . πολλὰ γὰρ ἤδη ἐντετύχηκα τῷ ἀνδρί· σχεδὸν οὖν ἐξ ὧν ἐγὼ ᾔσθημαι οὐδ’ ὁπωστιοῦν σοι ἑκὼν εἶναι πείσεται. τί δέ; ἦ δ’ ὅς, οὐ φιλόσοφος Εὔηνος ; ἔμοιγε δοκεῖ, ἔφη ὁ Σιμμίας . ἐθελήσει τοίνυν καὶ Εὔηνος καὶ πᾶς ὅτῳ ἀξίως τούτου τοῦ πράγματος μέτεστιν. οὐ μέντοι ἴσως βιάσεται αὑτόν· οὐ γάρ φασι θεμιτὸν εἶναι. καὶ ἅμα λέγων ταῦτα καθῆκε τὰ σκέλη ἐπὶ τὴν γῆν, καὶ καθεζόμενος οὕτως ἤδη τὰ λοιπὰ διελέγετο. ἤρετο οὖν αὐτὸν ὁ Κέβης
Transliteration
PHAID. kai egō en ge tō prosthen chronō hoper epratton touto hypelambanon auto moi parakeleuesthai te kai epikeleuein, hōsper hoi tois theousi diakeleuomenoi, kai emoi houtō to enypnion hoper epratton touto epikeleuein, mousikēn poiein, hōs philosophias men ousēs megistēs mousikēs, emou de touto prattontos. nyn d’ epeidē hē te dikē egeneto kai hē tou theou heortē diekōlye me apothnēskein, edoxe chrēnai, ei ara pollakis moi prostattoi to enypnion tautēn tēn dēmōdē mousikēn poiein, mē apeithēsai autō alla poiein asphalesteron gar einai mē apienai prin aphosiōsasthai poiēsanta poiēmata pithomenon tō enypniō. houtō dē prōton men eis ton theon epoiēsa hou ēn hē parousa thysia meta de ton theon, ennoēsas hoti ton poiētēn deoi, eiper melloi poiētēs einai, poiein mythous all’ ou logous, kai autos ouk ē mythologikos, dia tauta dē hous procheirous eichon mythous kai ēpistamēn tous Aisōpou , toutōn epoiēsa hois prōtois enetychon. tauta oun, ō Kebēs , Eyēnō phraze, kai errhōsthai kai, an sōphronē, eme diōkein hōs tachista. apeimi de, hōs eoike, tēmeron keleuousi gar Athēnaioi . kai ho Simmias , hoion parakeleuē, ephē, touto, ō Sōkrates , Eyēnō . polla gar ēdē entetychēka tō andri schedon oun ex hōn egō ēsthēmai oud’ hopōstioun soi hekōn einai peisetai. ti de; ē d’ hos, ou philosophos Eyēnos ; emoige dokei, ephē ho Simmias . ethelēsei toinyn kai Eyēnos kai pas hotō axiōs toutoy tou pragmatos metestin. ou mentoi isōs biasetai hauton ou gar phasi themiton einai. kai hama legōn tauta kathēke ta skelē epi tēn gēn, kai kathezomenos houtōs ēdē ta loipa dielegeto. ēreto oun auton ho Kebēs
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 61 part 1; transliteration: greek-transliteration (build)