Languages

Work 3 · Passage 82

Work 3 · Passage 82

Plato

Greek

ΦΑΙΔ. καὶ δὴ καὶ περὶ ἡλίου οὕτω παρεσκευάσμην ὡσαύτως πευσόμενος, καὶ σελήνης καὶ τῶν ἄλλων ἄστρων, τάχους τε πέρι πρὸς ἄλληλα καὶ τροπῶν καὶ τῶν ἄλλων παθημάτων, πῇ ποτε ταῦτ’ ἄμεινόν ἐστιν ἕκαστον καὶ ποιεῖν καὶ πάσχειν ἃ πάσχει. οὐ γὰρ ἄν ποτε αὐτὸν ᾤμην, φάσκοντά γε ὑπὸ νοῦ αὐτὰ κεκοσμῆσθαι, ἄλλην τινὰ αὐτοῖς αἰτίαν ἐπενεγκεῖν ἢ ὅτι βέλτιστον αὐτὰ οὕτως ἔχειν ἐστὶν ὥσπερ ἔχει· ἑκάστῳ οὖν αὐτῶν ἀποδιδόντα τὴν αἰτίαν καὶ κοινῇ πᾶσι τὸ ἑκάστῳ βέλτιστον ᾤμην καὶ τὸ κοινὸν πᾶσιν ἐπεκδιηγήσεσθαι ἀγαθόν· καὶ οὐκ ἂν ἀπεδόμην πολλοῦ τὰς ἐλπίδας, ἀλλὰ πάνυ σπουδῇ λαβὼν τὰς βίβλους ὡς τάχιστα οἷός τ’ ἦ ἀνεγίγνωσκον, ἵν’ ὡς τάχιστα εἰδείην τὸ βέλτιστον καὶ τὸ χεῖρον. ἀπὸ δὴ θαυμαστῆς ἐλπίδος, ὦ ἑταῖρε, ᾠχόμην φερόμενος, ἐπειδὴ προϊὼν καὶ ἀναγιγνώσκων ὁρῶ ἄνδρα τῷ μὲν νῷ οὐδὲν χρώμενον οὐδέ τινας αἰτίας ἐπαιτιώμενον εἰς τὸ διακοσμεῖν τὰ πράγματα, ἀέρας δὲ καὶ αἰθέρας καὶ ὕδατα αἰτιώμενον καὶ ἄλλα πολλὰ καὶ ἄτοπα. καί μοι ἔδοξεν ὁμοιότατον πεπονθέναι ὥσπερ ἂν εἴ τις λέγων ὅτι Σωκράτης πάντα ὅσα πράττει νῷ πράττει, κἄπειτα ἐπιχειρήσας λέγειν τὰς αἰτίας ἑκάστων ὧν πράττω, λέγοι πρῶτον μὲν ὅτι διὰ ταῦτα νῦν ἐνθάδε κάθημαι, ὅτι σύγκειταί μου τὸ σῶμα ἐξ ὀστῶν καὶ νεύρων, καὶ τὰ μὲν ὀστᾶ ἐστιν στερεὰ καὶ διαφυὰς ἔχει χωρὶς ἀπ’ ἀλλήλων, τὰ δὲ νεῦρα οἷα ἐπιτείνεσθαι καὶ ἀνίεσθαι, περιαμπέχοντα τὰ ὀστᾶ μετὰ τῶν σαρκῶν καὶ δέρματος ὃ συνέχει αὐτά· αἰωρουμένων οὖν τῶν ὀστῶν ἐν ταῖς αὑτῶν συμβολαῖς χαλῶντα καὶ συντείνοντα τὰ νεῦρα κάμπτεσθαί που ποιεῖ οἷόν τ’ εἶναι ἐμὲ νῦν τὰ μέλη, καὶ διὰ ταύτην τὴν αἰτίαν συγκαμφθεὶς ἐνθάδε κάθημαι

Transliteration

PHAID. kai dē kai peri hēliou houtō pareskeuasmēn hōsautōs peusomenos, kai selēnēs kai tōn allōn astrōn, tachous te peri pros allēla kai tropōn kai tōn allōn pathēmatōn, pē pote taut’ ameinon estin hekaston kai poiein kai paschein ha paschei. ou gar an pote auton ōmēn, phaskonta ge hypo nou auta kekosmēsthai, allēn tina autois aitian epenenkein ē hoti beltiston auta houtōs echein estin hōsper echei hekastō oun autōn apodidonta tēn aitian kai koinē pasi to hekastō beltiston ōmēn kai to koinon pasin epekdiēgēsesthai agathon kai ouk an apedomēn pollou tas elpidas, alla pany spoudē labōn tas biblous hōs tachista hoios t’ ē anegignōskon, hin’ hōs tachista eideiēn to beltiston kai to cheiron. apo dē thaumastēs elpidos, ō hetaire, ōchomēn pheromenos, epeidē proiōn kai anagignōskōn horō andra tō men nō ouden chrōmenon oude tinas aitias epaitiōmenon eis to diakosmein ta pragmata, aeras de kai aitheras kai hydata aitiōmenon kai alla polla kai atopa. kai moi edoxen homoiotaton peponthenai hōsper an ei tis legōn hoti Sōkratēs panta hosa prattei nō prattei, kapeita epicheirēsas legein tas aitias hekastōn hōn prattō, legoi prōton men hoti dia tauta nyn enthade kathēmai, hoti synkeitai mou to sōma ex ostōn kai neurōn, kai ta men osta estin sterea kai diaphyas echei chōris ap’ allēlōn, ta de neura hoia epiteinesthai kai aniesthai, periampechonta ta osta meta tōn sarkōn kai dermatos ho synechei auta aiōroumenōn oun tōn ostōn en tais hautōn symbolais chalōnta kai synteinonta ta neura kamptesthai pou poiei hoion t’ einai eme nyn ta melē, kai dia tautēn tēn aitian synkamphtheis enthade kathēmai

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 98 part 1; transliteration: greek-transliteration (build)

Share X Facebook