Work 3 · Passage 83
Plato
Greek
· καὶ αὖ περὶ τοῦ διαλέγεσθαι ὑμῖν ἑτέρας τοιαύτας αἰτίας λέγοι, φωνάς τε καὶ ἀέρας καὶ ἀκοὰς καὶ ἄλλα μυρία τοιαῦτα αἰτιώμενος, ἀμελήσας τὰς ὡς ἀληθῶς αἰτίας λέγειν, ὅτι, ἐπειδὴ Ἀθηναίοις ἔδοξε βέλτιον εἶναι ἐμοῦ καταψηφίσασθαι, διὰ ταῦτα δὴ καὶ ἐμοὶ βέλτιον αὖ δέδοκται ἐνθάδε καθῆσθαι, καὶ δικαιότερον παραμένοντα ὑπέχειν τὴν δίκην ἣν ἂν κελεύσωσιν· ἐπεὶ νὴ τὸν κύνα, ὡς ἐγᾦμαι, πάλαι ἂν ταῦτα τὰ νεῦρα καὶ τὰ ὀστᾶ ἢ περὶ Μέγαρα ἢ Βοιωτοὺς ἦν, ὑπὸ δόξης φερόμενα τοῦ βελτίστου, εἰ μὴ δικαιότερον ᾤμην καὶ κάλλιον εἶναι πρὸ τοῦ φεύγειν τε καὶ ἀποδιδράσκειν ὑπέχειν τῇ πόλει δίκην ἥντιν’ ἂν τάττῃ.
Transliteration
kai au peri tou dialegesthai hymin heteras toiautas aitias legoi, phōnas te kai aeras kai akoas kai alla myria toiauta aitiōmenos, amelēsas tas hōs alēthōs aitias legein, hoti, epeidē Athēnaiois edoxe beltion einai emou katapsēphisasthai, dia tauta dē kai emoi beltion au dedoktai enthade kathēsthai, kai dikaioteron paramenonta hypechein tēn dikēn hēn an keleusōsin epei nē ton kyna, hōs egōmai, palai an tauta ta neura kai ta osta ē peri Megara ē Boiōtous ēn, hypo doxēs pheromena tou beltistou, ei mē dikaioteron ōmēn kai kallion einai pro tou pheugein te kai apodidraskein hypechein tē polei dikēn hēntin’ an tattē.
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 98 part 2; transliteration: greek-transliteration (build)