Languages

Work 3 · Passage 84

Work 3 · Passage 84

Plato

Greek

ΦΑΙΔ. ἀλλ’ αἴτια μὲν τὰ τοιαῦτα καλεῖν λίαν ἄτοπον· εἰ δέ τις λέγοι ὅτι ἄνευ τοῦ τὰ τοιαῦτα ἔχειν καὶ ὀστᾶ καὶ νεῦρα καὶ ὅσα ἄλλα ἔχω οὐκ ἂν οἷός τ’ ἦ ποιεῖν τὰ δόξαντά μοι, ἀληθῆ ἂν λέγοι· ὡς μέντοι διὰ ταῦτα ποιῶ ἃ ποιῶ, καὶ ταῦτα νῷ πράττων, ἀλλ’ οὐ τῇ τοῦ βελτίστου αἱρέσει, πολλὴ ἂν καὶ μακρὰ ῥᾳθυμία εἴη τοῦ λόγου. τὸ γὰρ μὴ διελέσθαι οἷόν τ’ εἶναι ὅτι ἄλλο μέν τί ἐστι τὸ αἴτιον τῷ ὄντι, ἄλλο δὲ ἐκεῖνο ἄνευ οὗ τὸ αἴτιον οὐκ ἄν ποτ’ εἴη αἴτιον· ὃ δή μοι φαίνονται ψηλαφῶντες οἱ πολλοὶ ὥσπερ ἐν σκότει, ἀλλοτρίῳ ὀνόματι προσχρώμενοι, ὡς αἴτιον αὐτὸ προσαγορεύειν. διὸ δὴ καὶ ὁ μέν τις δίνην περιτιθεὶς τῇ γῇ ὑπὸ τοῦ οὐρανοῦ μένειν δὴ ποιεῖ τὴν γῆν, ὁ δὲ ὥσπερ καρδόπῳ πλατείᾳ βάθρον τὸν ἀέρα ὑπερείδει· τὴν δὲ τοῦ ὡς οἷόν τε βέλτιστα αὐτὰ τεθῆναι δύναμιν οὕτω νῦν κεῖσθαι, ταύτην οὔτε ζητοῦσιν οὔτε τινὰ οἴονται δαιμονίαν ἰσχὺν ἔχειν, ἀλλὰ ἡγοῦνται τούτου Ἄτλαντα ἄν ποτε ἰσχυρότερον καὶ ἀθανατώτερον καὶ μᾶλλον ἅπαντα συνέχοντα ἐξευρεῖν, καὶ ὡς ἀληθῶς τὸ ἀγαθὸν καὶ δέον συνδεῖν καὶ συνέχειν οὐδὲν οἴονται. ἐγὼ μὲν οὖν τῆς τοιαύτης αἰτίας ὅπῃ ποτὲ ἔχει μαθητὴς ὁτουοῦν ἥδιστ’ ἂν γενοίμην· ἐπειδὴ δὲ ταύτης ἐστερήθην καὶ οὔτ᾽ αὐτὸς εὑρεῖν οὔτε παρ’ ἄλλου μαθεῖν οἷός τε ἐγενόμην, τὸν δεύτερον πλοῦν ἐπὶ τὴν τῆς αἰτίας ζήτησιν ᾗ πεπραγμάτευμαι βούλει σοι, ἔφη, ἐπίδειξιν ποιήσωμαι, ὦ Κέβης ; ὑπερφυῶς μὲν οὖν, ἔφη, ὡς βούλομαι. ἔδοξε τοίνυν μοι, ἦ δ’ ὅς, μετὰ ταῦτα, ἐπειδὴ ἀπειρήκη τὰ ὄντα σκοπῶν, δεῖν εὐλαβηθῆναι μὴ πάθοιμι ὅπερ οἱ τὸν ἥλιον ἐκλείποντα θεωροῦντες καὶ σκοπούμενοι πάσχουσιν

Transliteration

PHAID. all’ aitia men ta toiauta kalein lian atopon ei de tis legoi hoti aneu tou ta toiauta echein kai osta kai neura kai hosa alla echō ouk an hoios t’ ē poiein ta doxanta moi, alēthē an legoi hōs mentoi dia tauta poiō ha poiō, kai tauta nō prattōn, all’ ou tē tou beltistou hairesei, pollē an kai makra rhathymia eiē tou logou. to gar mē dielesthai hoion t’ einai hoti allo men ti esti to aition tō onti, allo de ekeino aneu hou to aition ouk an pot’ eiē aition ho dē moi phainontai psēlaphōntes hoi polloi hōsper en skotei, allotriō onomati proschrōmenoi, hōs aition auto prosagoreuein. dio dē kai ho men tis dinēn perititheis tē gē hypo tou ouranoy menein dē poiei tēn gēn, ho de hōsper kardopō plateia bathron ton aera hypereidei tēn de tou hōs hoion te beltista auta tethēnai dynamin houtō nyn keisthai, tautēn oute zētousin oute tina oiontai daimonian ischyn echein, alla hēgountai toutoy Atlanta an pote ischyroteron kai athanatōteron kai mallon hapanta synechonta exeurein, kai hōs alēthōs to agathon kai deon syndein kai synechein ouden oiontai. egō men oun tēs toiautēs aitias hopē pote echei mathētēs hotouoyn hēdist’ an genoimēn epeidē de tautēs esterēthēn kai out autos heurein oute par’ allou mathein hoios te egenomēn, ton deuteron ploun epi tēn tēs aitias zētēsin hē pepragmateumai boulei soi, ephē, epideixin poiēsōmai, ō Kebēs ; hyperphyōs men oun, ephē, hōs boulomai. edoxe toinyn moi, ē d’ hos, meta tauta, epeidē apeirēkē ta onta skopōn, dein eulabēthēnai mē pathoimi hoper hoi ton hēlion ekleiponta theōrountes kai skopoumenoi paschousin

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 99 part 1; transliteration: greek-transliteration (build)

Share X Facebook