Work 3 · Passage 90
Plato
Greek
ΦΑΙΔ. ἀληθέστατα, ἔφη, λέγεις, ὅ τε Σιμμίας ἅμα καὶ ὁ Κέβης . ΕΧ. νὴ Δία , ὦ Φαίδων , εἰκότως γε· θαυμαστῶς γάρ μοι δοκεῖ ὡς ἐναργῶς τῷ καὶ σμικρὸν νοῦν ἔχοντι εἰπεῖν ἐκεῖνος ταῦτα. ΦΑΙΔ. πάνυ μὲν οὖν, ὦ Ἐχέκρατες , καὶ πᾶσι τοῖς παροῦσιν ἔδοξεν. ΕΧ. καὶ γὰρ ἡμῖν τοῖς ἀποῦσι, νῦν δὲ ἀκούουσιν. ἀλλὰ τίνα δὴ ἦν τὰ μετὰ ταῦτα λεχθέντα; ΦΑΙΔ. ὡς μὲν ἐγὼ οἶμαι, ἐπεὶ αὐτῷ ταῦτα συνεχωρήθη, καὶ ὡμολογεῖτο εἶναί τι ἕκαστον τῶν εἰδῶν καὶ τούτων τἆλλα μεταλαμβάνοντα αὐτῶν τούτων τὴν ἐπωνυμίαν ἴσχειν, τὸ δὴ μετὰ ταῦτα ἠρώτα, εἰ δή, ἦ δ’ ὅς, ταῦτα οὕτως λέγεις, ἆρ’ οὐχ, ὅταν Σιμμίαν Σωκράτους φῇς μείζω εἶναι, Φαίδωνος δὲ ἐλάττω, λέγεις τότ’ εἶναι ἐν τῷ Σιμμίᾳ ἀμφότερα, καὶ μέγεθος καὶ σμικρότητα; ἔγωγε. ἀλλὰ γάρ, ἦ δ’ ὅς, ὁμολογεῖς τὸ τὸν Σιμμίαν ὑπερέχειν Σωκράτους οὐχ ὡς τοῖς ῥήμασι λέγεται οὕτω καὶ τὸ ἀληθὲς ἔχειν; οὐ γάρ που πεφυκέναι Σιμμίαν ὑπερέχειν τούτῳ, τῷ Σιμμίαν εἶναι, ἀλλὰ τῷ μεγέθει ὃ τυγχάνει ἔχων
Transliteration
PHAID. alēthestata, ephē, legeis, ho te Simmias hama kai ho Kebēs . ECH. nē Dia , ō PHaidōn , eikotōs ge thaumastōs gar moi dokei hōs enargōs tō kai smikron noun echonti eipein ekeinos tauta. PHAID. pany men oun, ō Echekrates , kai pasi tois parousin edoxen. ECH. kai gar hēmin tois apousi, nyn de akouoysin. alla tina dē ēn ta meta tauta lechthenta; PHAID. hōs men egō oimai, epei autō tauta synechōrēthē, kai hōmologeito einai ti hekaston tōn eidōn kai toutōn talla metalambanonta autōn toutōn tēn epōnymian ischein, to dē meta tauta ērōta, ei dē, ē d’ hos, tauta houtōs legeis, ar’ ouch, hotan Simmian Sōkratous phēs meizō einai, PHaidōnos de elattō, legeis tot’ einai en tō Simmia amphotera, kai megethos kai smikrotēta; egōge. alla gar, ē d’ hos, homologeis to ton Simmian hyperechein Sōkratous ouch hōs tois rhēmasi legetai houtō kai to alēthes echein; ou gar pou pephykenai Simmian hyperechein toutō, tō Simmian einai, alla tō megethei ho tynchanei echōn
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 102 part 1; transliteration: greek-transliteration (build)