Languages

Work 3 · Passage 94

Work 3 · Passage 94

Plato

Greek

ΦΑΙΔ. ἆρα μόνον τῶν ὄντων — τοῦτο γὰρ ἐρωτῶ — ἢ καὶ ἄλλο τι ὃ ἔστι μὲν οὐχ ὅπερ τὸ περιττόν, ὅμως δὲ δεῖ αὐτὸ μετὰ τοῦ ἑαυτοῦ ὀνόματος καὶ τοῦτο καλεῖν ἀεὶ διὰ τὸ οὕτω πεφυκέναι ὥστε τοῦ περιττοῦ μηδέποτε ἀπολείπεσθαι; λέγω δὲ αὐτὸ εἶναι οἷον καὶ ἡ τριὰς πέπονθε καὶ ἄλλα πολλά. σκόπει δὲ περὶ τῆς τριάδος. ἆρα οὐ δοκεῖ σοι τῷ τε αὑτῆς ὀνόματι ἀεὶ προσαγορευτέα εἶναι καὶ τῷ τοῦ περιττοῦ, ὄντος οὐχ ὅπερ τῆς τριάδος; ἀλλ’ ὅμως οὕτως πέφυκε καὶ ἡ τριὰς καὶ ἡ πεμπτὰς καὶ ὁ ἥμισυς τοῦ ἀριθμοῦ ἅπας, ὥστε οὐκ ὢν ὅπερ τὸ περιττὸν ἀεὶ ἕκαστος αὐτῶν ἐστι περιττός· καὶ αὖ τὰ δύο καὶ τέτταρα καὶ ἅπας ὁ ἕτερος αὖ στίχος τοῦ ἀριθμοῦ οὐκ ὢν ὅπερ τὸ ἄρτιον ὅμως ἕκαστος αὐτῶν ἄρτιός ἐστιν ἀεί· συγχωρεῖς ἢ οὔ; πῶς γὰρ οὔκ; ἔφη. ὃ τοίνυν, ἔφη, βούλομαι δηλῶσαι, ἄθρει. ἔστιν δὲ τόδε, ὅτι φαίνεται οὐ μόνον ἐκεῖνα τὰ ἐναντία ἄλληλα οὐ δεχόμενα, ἀλλὰ καὶ ὅσα οὐκ ὄντ’ ἀλλήλοις ἐναντία ἔχει ἀεὶ τἀναντία, οὐδὲ ταῦτα ἔοικε δεχομένοις ἐκείνην τὴν ἰδέαν ἣ ἂν τῇ ἐν αὐτοῖς οὔσῃ ἐναντία ᾖ, ἀλλ’ ἐπιούσης αὐτῆς ἤτοι ἀπολλύμενα ἢ ὑπεκχωροῦντα. ἢ οὐ φήσομεν τὰ τρία καὶ ἀπολεῖσθαι πρότερον καὶ ἄλλο ὁτιοῦν πείσεσθαι, πρὶν ὑπομεῖναι ἔτι τρία ὄντα ἄρτια γενέσθαι; πάνυ μὲν οὖν, ἔφη ὁ Κέβης . οὐδὲ μήν, ἦ δ’ ὅς, ἐναντίον γέ ἐστι δυὰς τριάδι. οὐ γὰρ οὖν. οὐκ ἄρα μόνον τὰ εἴδη τὰ ἐναντία οὐχ ὑπομένει ἐπιόντα ἄλληλα, ἀλλὰ καὶ ἄλλ’ ἄττα τὰ ἐναντία οὐχ ὑπομένει ἐπιόντα. ἀληθέστατα, ἔφη, λέγεις. βούλει οὖν, ἦ δ’ ὅς, ἐὰν οἷοί τ’ ὦμεν, ὁρισώμεθα ὁποῖα ταῦτά ἐστιν; πάνυ γε. ἆρ’ οὖν, ἔφη, ὦ Κέβης , τάδε εἴη ἄν, ἃ ὅτι ἂν κατάσχῃ μὴ μόνον ἀναγκάζει τὴν αὑτοῦ ἰδέαν αὐτὸ ἴσχειν, ἀλλὰ καὶ ἐναντίου αὐτῷ ἀεί τινος; πῶς λέγεις

Transliteration

PHAID. ara monon tōn ontōn — touto gar erōtō — ē kai allo ti ho esti men ouch hoper to peritton, homōs de dei auto meta tou heautou onomatos kai touto kalein aei dia to houtō pephykenai hōste tou perittou mēdepote apoleipesthai; legō de auto einai hoion kai hē trias peponthe kai alla polla. skopei de peri tēs triados. ara ou dokei soi tō te hautēs onomati aei prosagoreutea einai kai tō tou perittou, ontos ouch hoper tēs triados; all’ homōs houtōs pephyke kai hē trias kai hē pemptas kai ho hēmisys tou arithmou hapas, hōste ouk ōn hoper to peritton aei hekastos autōn esti perittos kai au ta dyo kai tettara kai hapas ho heteros au stichos tou arithmou ouk ōn hoper to artion homōs hekastos autōn artios estin aei synchōreis ē ou; pōs gar ouk; ephē. ho toinyn, ephē, boulomai dēlōsai, athrei. estin de tode, hoti phainetai ou monon ekeina ta enantia allēla ou dechomena, alla kai hosa ouk ont’ allēlois enantia echei aei tanantia, oude tauta eoike dechomenois ekeinēn tēn idean hē an tē en autois ousē enantia ē, all’ epiousēs autēs ētoi apollymena ē hypekchōrounta. ē ou phēsomen ta tria kai apoleisthai proteron kai allo hotioun peisesthai, prin hypomeinai eti tria onta artia genesthai; pany men oun, ephē ho Kebēs . oude mēn, ē d’ hos, enantion ge esti dyas triadi. ou gar oun. ouk ara monon ta eidē ta enantia ouch hypomenei epionta allēla, alla kai all’ atta ta enantia ouch hypomenei epionta. alēthestata, ephē, legeis. boulei oun, ē d’ hos, ean hoioi t’ ōmen, horisōmetha hopoia tauta estin; pany ge. ar’ oun, ephē, ō Kebēs , tade eiē an, ha hoti an kataschē mē monon anankazei tēn hautou idean auto ischein, alla kai enantiou autō aei tinos; pōs legeis

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 104 part 1; transliteration: greek-transliteration (build)

Share X Facebook