Languages

Work 3 · Passage 93

Work 3 · Passage 93

Plato

Greek

· καίτοι οὔτι λέγω ὡς οὐ πολλά με ταράττει. συνωμολογήκαμεν ἄρα, ἦ δ’ ὅς, ἁπλῶς τοῦτο, μηδέποτε ἐναντίον ἑαυτῷ τὸ ἐναντίον ἔσεσθαι. παντάπασιν, ἔφη. ἔτι δή μοι καὶ τόδε σκέψαι, ἔφη, εἰ ἄρα συνομολογήσεις. θερμόν τι καλεῖς καὶ ψυχρόν; ἔγωγε. ἆρ’ ὅπερ χιόνα καὶ πῦρ; μὰ Δί᾽ οὐκ ἔγωγε. ἀλλ᾽ ἕτερόν τι πυρὸς τὸ θερμὸν καὶ ἕτερόν τι χιόνος τὸ ψυχρόν; ναί. ἀλλὰ τόδε γ᾽ οἶμαι δοκεῖ σοι, οὐδέποτε χιόνα γ’ οὖσαν δεξαμένην τὸ θερμόν, ὥσπερ ἐν τοῖς πρόσθεν ἐλέγομεν, ἔτι ἔσεσθαι ὅπερ ἦν, χιόνα καὶ θερμόν, ἀλλὰ προσιόντος τοῦ θερμοῦ ἢ ὑπεκχωρήσειν αὐτῷ ἢ ἀπολεῖσθαι. πάνυ γε. καὶ τὸ πῦρ γε αὖ προσιόντος τοῦ ψυχροῦ αὐτῷ ἢ ὑπεξιέναι ἢ ἀπολεῖσθαι, οὐ μέντοι ποτὲ τολμήσειν δεξάμενον τὴν ψυχρότητα ἔτι εἶναι ὅπερ ἦν, πῦρ καὶ ψυχρόν. ἀληθῆ, ἔφη, λέγεις. ἔστιν ἄρα, ἦ δ’ ὅς, περὶ ἔνια τῶν τοιούτων, ὥστε μὴ μόνον αὐτὸ τὸ εἶδος ἀξιοῦσθαι τοῦ αὑτοῦ ὀνόματος εἰς τὸν ἀεὶ χρόνον, ἀλλὰ καὶ ἄλλο τι ὃ ἔστι μὲν οὐκ ἐκεῖνο, ἔχει δὲ τὴν ἐκείνου μορφὴν ἀεί, ὅτανπερ ᾖ. ἔτι δὲ ἐν τῷδε ἴσως ἔσται σαφέστερον ὃ λέγω· τὸ γὰρ περιττὸν ἀεί που δεῖ τούτου τοῦ ὀνόματος τυγχάνειν ὅπερ νῦν λέγομεν· ἢ οὔ; πάνυ γε.

Transliteration

kaitoi outi legō hōs ou polla me tarattei. synōmologēkamen ara, ē d’ hos, haplōs touto, mēdepote enantion heautō to enantion esesthai. pantapasin, ephē. eti dē moi kai tode skepsai, ephē, ei ara synomologēseis. thermon ti kaleis kai psychron; egōge. ar’ hoper chiona kai pyr; ma Di ouk egōge. all heteron ti pyros to thermon kai heteron ti chionos to psychron; nai. alla tode g oimai dokei soi, oudepote chiona g’ ousan dexamenēn to thermon, hōsper en tois prosthen elegomen, eti esesthai hoper ēn, chiona kai thermon, alla prosiontos tou thermou ē hypekchōrēsein autō ē apoleisthai. pany ge. kai to pyr ge au prosiontos tou psychrou autō ē hypexienai ē apoleisthai, ou mentoi pote tolmēsein dexamenon tēn psychrotēta eti einai hoper ēn, pyr kai psychron. alēthē, ephē, legeis. estin ara, ē d’ hos, peri enia tōn toioutōn, hōste mē monon auto to eidos axiousthai tou hautou onomatos eis ton aei chronon, alla kai allo ti ho esti men ouk ekeino, echei de tēn ekeinou morphēn aei, hotanper ē. eti de en tōde isōs estai saphesteron ho legō to gar peritton aei pou dei toutoy tou onomatos tynchanein hoper nyn legomen ē ou; pany ge.

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 103 part 2; transliteration: greek-transliteration (build)

Share X Facebook