Work 3 · Passage 96
Plato
Greek
ΦΑΙΔ. ὃ τοίνυν ἔλεγον ὁρίσασθαι, ποῖα οὐκ ἐναντία τινὶ ὄντα ὅμως οὐ δέχεται αὐτό, τὸ ἐναντίον — οἷον νῦν ἡ τριὰς τῷ ἀρτίῳ οὐκ οὖσα ἐναντία οὐδέν τι μᾶλλον αὐτὸ δέχεται, τὸ γὰρ ἐναντίον ἀεὶ αὐτῷ ἐπιφέρει, καὶ ἡ δυὰς τῷ περιττῷ καὶ τὸ πῦρ τῷ ψυχρῷ καὶ ἄλλα πάμπολλα — ἀλλ’ ὅρα δὴ εἰ οὕτως ὁρίζῃ, μὴ μόνον τὸ ἐναντίον τὸ ἐναντίον μὴ δέχεσθαι, ἀλλὰ καὶ ἐκεῖνο, ὃ ἂν ἐπιφέρῃ τι ἐναντίον ἐκείνῳ, ἐφ’ ὅτι ἂν αὐτὸ ἴῃ, αὐτὸ τὸ ἐπιφέρον τὴν τοῦ ἐπιφερομένου ἐναντιότητα μηδέποτε δέξασθαι. πάλιν δὲ ἀναμιμνῄσκου· οὐ γὰρ χεῖρον πολλάκις ἀκούειν. τὰ πέντε τὴν τοῦ ἀρτίου οὐ δέξεται, οὐδὲ τὰ δέκα τὴν τοῦ περιττοῦ, τὸ διπλάσιον. τοῦτο μὲν οὖν καὶ αὐτὸ ἄλλῳ ἐναντίον, ὅμως δὲ τὴν τοῦ περιττοῦ οὐ δέξεται· οὐδὲ δὴ τὸ ἡμιόλιον οὐδὲ τἆλλα τὰ τοιαῦτα, τὸ ἥμισυ, τὴν τοῦ ὅλου, καὶ τριτημόριον αὖ καὶ πάντα τὰ τοιαῦτα, εἴπερ ἕπῃ τε καὶ συνδοκεῖ σοι οὕτως. πάνυ σφόδρα καὶ συνδοκεῖ, ἔφη, καὶ ἕπομαι. πάλιν δή μοι, ἔφη, ἐξ ἀρχῆς λέγε. καὶ μή μοι ὃ ἂν ἐρωτῶ ἀποκρίνου, ἀλλὰ μιμούμενος ἐμέ. λέγω δὴ παρ’ ἣν τὸ πρῶτον ἔλεγον ἀπόκρισιν, τὴν ἀσφαλῆ ἐκείνην, ἐκ τῶν νῦν λεγομένων ἄλλην ὁρῶν ἀσφάλειαν. εἰ γὰρ ἔροιό με ᾧ ἂν τί ἐν τῷ σώματι ἐγγένηται θερμὸν ἔσται, οὐ τὴν ἀσφαλῆ σοι ἐρῶ ἀπόκρισιν ἐκείνην τὴν ἀμαθῆ, ὅτι ᾧ ἂν θερμότης, ἀλλὰ κομψοτέραν ἐκ τῶν νῦν, ὅτι ᾧ ἂν πῦρ· οὐδὲ ἂν ἔρῃ ᾧ ἂν σώματι τί ἐγγένηται νοσήσει, οὐκ ἐρῶ ὅτι ᾧ ἂν νόσος, ἀλλ’ ᾧ ἂν πυρετός
Transliteration
PHAID. ho toinyn elegon horisasthai, poia ouk enantia tini onta homōs ou dechetai auto, to enantion — hoion nyn hē trias tō artiō ouk ousa enantia ouden ti mallon auto dechetai, to gar enantion aei autō epipherei, kai hē dyas tō perittō kai to pyr tō psychrō kai alla pampolla — all’ hora dē ei houtōs horizē, mē monon to enantion to enantion mē dechesthai, alla kai ekeino, ho an epipherē ti enantion ekeinō, eph’ hoti an auto iē, auto to epipheron tēn tou epipheromenou enantiotēta mēdepote dexasthai. palin de anamimnēskou ou gar cheiron pollakis akouein. ta pente tēn tou artiou ou dexetai, oude ta deka tēn tou perittou, to diplasion. touto men oun kai auto allō enantion, homōs de tēn tou perittou ou dexetai oude dē to hēmiolion oude talla ta toiauta, to hēmisy, tēn tou holou, kai tritēmorion au kai panta ta toiauta, eiper hepē te kai syndokei soi houtōs. pany sphodra kai syndokei, ephē, kai hepomai. palin dē moi, ephē, ex archēs lege. kai mē moi ho an erōtō apokrinou, alla mimoumenos eme. legō dē par’ hēn to prōton elegon apokrisin, tēn asphalē ekeinēn, ek tōn nyn legomenōn allēn horōn asphaleian. ei gar eroio me hō an ti en tō sōmati engenētai thermon estai, ou tēn asphalē soi erō apokrisin ekeinēn tēn amathē, hoti hō an thermotēs, alla kompsoteran ek tōn nyn, hoti hō an pyr oude an erē hō an sōmati ti engenētai nosēsei, ouk erō hoti hō an nosos, all’ hō an pyretos
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 105 part 1; transliteration: greek-transliteration (build)