Languages

Work 3 · Passage 97

Work 3 · Passage 97

Plato

Greek

· οὐδ’ ᾧ ἂν ἀριθμῷ τί ἐγγένηται περιττὸς ἔσται, οὐκ ἐρῶ ᾧ ἂν περιττότης, ἀλλ’ ᾧ ἂν μονάς, καὶ τἆλλα οὕτως. ἀλλ’ ὅρα εἰ ἤδη ἱκανῶς οἶσθ’ ὅτι βούλομαι. ἀλλὰ πάνυ ἱκανῶς, ἔφη. ἀποκρίνου δή, ἦ δ’ ὅς, ᾧ ἂν τί ἐγγένηται σώματι ζῶν ἔσται; ὧι ἂν ψυχή, ἔφη. οὐκοῦν ἀεὶ τοῦτο οὕτως ἔχει; πῶς γὰρ οὐχί; ἦ δ’ ὅς. ψυχὴ ἄρα ὅτι ἂν αὐτὴ κατάσχῃ, ἀεὶ ἥκει ἐπ’ ἐκεῖνο φέρουσα ζωήν; ἥκει μέντοι, ἔφη. πότερον δ’ ἔστι τι ζωῇ ἐναντίον ἢ οὐδέν; ἔστιν, ἔφη. τί; θάνατος. οὐκοῦν ψυχὴ τὸ ἐναντίον ᾧ αὐτὴ ἐπιφέρει ἀεὶ οὐ μή ποτε δέξηται, ὡς ἐκ τῶν πρόσθεν ὡμολόγηται; καὶ μάλα σφόδρα, ἔφη ὁ Κέβης . τί οὖν; τὸ μὴ δεχόμενον τὴν τοῦ ἀρτίου ἰδέαν τί νυνδὴ ὠνομάζομεν; ἀνάρτιον, ἔφη. τὸ δὲ δίκαιον μὴ δεχόμενον καὶ ὃ ἂν μουσικὸν μὴ δέχηται; ἄμουσον, ἔφη, τὸ δὲ ἄδικον. εἶεν· ὃ δ’ ἂν θάνατον μὴ δέχηται τί καλοῦμεν; ἀθάνατον, ἔφη. οὐκοῦν ψυχὴ οὐ δέχεται θάνατον; οὔ. ἀθάνατον ἄρα ψυχή. ἀθάνατον. εἶεν, ἔφη· τοῦτο μὲν δὴ ἀποδεδεῖχθαι φῶμεν; ἢ πῶς δοκεῖ; καὶ μάλα γε ἱκανῶς, ὦ Σώκρατες .

Transliteration

oud’ hō an arithmō ti engenētai perittos estai, ouk erō hō an perittotēs, all’ hō an monas, kai talla houtōs. all’ hora ei ēdē hikanōs oisth’ hoti boulomai. alla pany hikanōs, ephē. apokrinou dē, ē d’ hos, hō an ti engenētai sōmati zōn estai; hōi an psychē, ephē. oukoyn aei touto houtōs echei; pōs gar ouchi; ē d’ hos. psychē ara hoti an autē kataschē, aei hēkei ep’ ekeino pherousa zōēn; hēkei mentoi, ephē. poteron d’ esti ti zōē enantion ē ouden; estin, ephē. ti; thanatos. oukoyn psychē to enantion hō autē epipherei aei ou mē pote dexētai, hōs ek tōn prosthen hōmologētai; kai mala sphodra, ephē ho Kebēs . ti oun; to mē dechomenon tēn tou artiou idean ti nyndē ōnomazomen; anartion, ephē. to de dikaion mē dechomenon kai ho an mousikon mē dechētai; amouson, ephē, to de adikon. eien ho d’ an thanaton mē dechētai ti kaloumen; athanaton, ephē. oukoyn psychē ou dechetai thanaton; ou. athanaton ara psychē. athanaton. eien, ephē touto men dē apodedeichthai phōmen; ē pōs dokei; kai mala ge hikanōs, ō Sōkrates .

Translation coming soon for this language.

Source edition (provenance)

perseus:tlg0059.tlg004.perseus-grc2; plato:phaedo; section 105 part 2; transliteration: greek-transliteration (build)

Share X Facebook