Work 3 · Passage 98
Plato
Greek
ΦΑΙΔ. τί οὖν, ἦ δ’ ὅς, ὦ Κέβης ; εἰ τῷ ἀναρτίῳ ἀναγκαῖον ἦν ἀνωλέθρῳ εἶναι, ἄλλο τι τὰ τρία ἢ ἀνώλεθρα ἂν ἦν; πῶς γὰρ οὔ; οὐκοῦν εἰ καὶ τὸ ἄθερμον ἀναγκαῖον ἦν ἀνώλεθρον εἶναι, ὁπότε τις ἐπὶ χιόνα θερμὸν ἐπάγοι, ὑπεξῄει ἂν ἡ χιὼν οὖσα σῶς καὶ ἄτηκτος; οὐ γὰρ ἂν ἀπώλετό γε, οὐδ’ αὖ ὑπομένουσα ἐδέξατο ἂν τὴν θερμότητα. ἀληθῆ, ἔφη, λέγεις. ὣς δ’ αὔτως οἶμαι κἂν εἰ τὸ ἄψυκτον ἀνώλεθρον ἦν, ὁπότε ἐπὶ τὸ πῦρ ψυχρόν τι ἐπῄει, οὔποτ’ ἂν ἀπεσβέννυτο οὐδ’ ἀπώλλυτο, ἀλλὰ σῶν ἂν ἀπελθὸν ᾤχετο. ἀνάγκη, ἔφη. οὐκοῦν καὶ ὧδε, ἔφη, ἀνάγκη περὶ τοῦ ἀθανάτου εἰπεῖν; εἰ μὲν τὸ ἀθάνατον καὶ ἀνώλεθρόν ἐστιν, ἀδύνατον ψυχῇ, ὅταν θάνατος ἐπ’ αὐτὴν ἴῃ, ἀπόλλυσθαι· θάνατον μὲν γὰρ δὴ ἐκ τῶν προειρημένων οὐ δέξεται οὐδ’ ἔσται τεθνηκυῖα, ὥσπερ τὰ τρία οὐκ ἔσται, ἔφαμεν, ἄρτιον, οὐδέ γ’ αὖ τὸ περιττόν, οὐδὲ δὴ πῦρ ψυχρόν, οὐδέ γε ἡ ἐν τῷ πυρὶ θερμότης. ἀλλὰ τί κωλύει, φαίη ἄν τις, ἄρτιον μὲν τὸ περιττὸν μὴ γίγνεσθαι ἐπιόντος τοῦ ἀρτίου, ὥσπερ ὡμολόγηται, ἀπολομένου δὲ αὐτοῦ ἀντ’ ἐκείνου ἄρτιον γεγονέναι; τῷ ταῦτα λέγοντι οὐκ ἂν ἔχοιμεν διαμαχέσασθαι ὅτι οὐκ ἀπόλλυται· τὸ γὰρ ἀνάρτιον οὐκ ἀνώλεθρόν ἐστιν· ἐπεὶ εἰ τοῦτο ὡμολόγητο ἡμῖν, ῥᾳδίως ἂν διεμαχόμεθα ὅτι ἐπελθόντος τοῦ ἀρτίου τὸ περιττὸν καὶ τὰ τρία οἴχεται ἀπιόντα· καὶ περὶ πυρὸς καὶ θερμοῦ καὶ τῶν ἄλλων οὕτως ἂν διεμαχόμεθα. ἢ οὔ; πάνυ μὲν οὖν. οὐκοῦν καὶ νῦν περὶ τοῦ ἀθανάτου, εἰ μὲν ἡμῖν ὁμολογεῖται καὶ ἀνώλεθρον εἶναι, ψυχὴ ἂν εἴη πρὸς τῷ ἀθάνατος εἶναι καὶ ἀνώλεθρος· εἰ δὲ μή, ἄλλου ἂν δέοι λόγου. ἀλλ’ οὐδὲν δεῖ, ἔφη, τούτου γε ἕνεκα
Transliteration
PHAID. ti oun, ē d’ hos, ō Kebēs ; ei tō anartiō anankaion ēn anōlethrō einai, allo ti ta tria ē anōlethra an ēn; pōs gar ou; oukoyn ei kai to athermon anankaion ēn anōlethron einai, hopote tis epi chiona thermon epagoi, hypexēei an hē chiōn ousa sōs kai atēktos; ou gar an apōleto ge, oud’ au hypomenousa edexato an tēn thermotēta. alēthē, ephē, legeis. hōs d’ autōs oimai kan ei to apsykton anōlethron ēn, hopote epi to pyr psychron ti epēei, oupot’ an apesbennyto oud’ apōllyto, alla sōn an apelthon ōcheto. anankē, ephē. oukoyn kai hōde, ephē, anankē peri tou athanatou eipein; ei men to athanaton kai anōlethron estin, adynaton psychē, hotan thanatos ep’ autēn iē, apollysthai thanaton men gar dē ek tōn proeirēmenōn ou dexetai oud’ estai tethnēkuia, hōsper ta tria ouk estai, ephamen, artion, oude g’ au to peritton, oude dē pyr psychron, oude ge hē en tō pyri thermotēs. alla ti kōlyei, phaiē an tis, artion men to peritton mē gignesthai epiontos tou artiou, hōsper hōmologētai, apolomenou de autou ant’ ekeinou artion gegonenai; tō tauta legonti ouk an echoimen diamachesasthai hoti ouk apollytai to gar anartion ouk anōlethron estin epei ei touto hōmologēto hēmin, rhadiōs an diemachometha hoti epelthontos tou artiou to peritton kai ta tria oichetai apionta kai peri pyros kai thermou kai tōn allōn houtōs an diemachometha. ē ou; pany men oun. oukoyn kai nyn peri tou athanatou, ei men hēmin homologeitai kai anōlethron einai, psychē an eiē pros tō athanatos einai kai anōlethros ei de mē, allou an deoi logou. all’ ouden dei, ephē, toutoy ge heneka
Translation coming soon for this language.
Source edition (provenance)
perseus:tlg0059.tlg004.perseus-grc2; plato:phaedo; section 106 part 1; transliteration: greek-transliteration (build)