Languages

Work 4 · Passage 2

Work 4 · Passage 2

Plato

Greek

ΦΑΙ. πῶς λέγεις, ὦ βέλτιστε Σώκρατες; οἴει με, ἃ Λυσίας ἐν πολλῷ χρόνῳ κατὰ σχολὴν συνέθηκε, δεινότατος ὢν τῶν νῦν γράφειν, ταῦτα ἰδιώτην ὄντα ἀπομνημονεύσειν ἀξίως ἐκείνου; πολλοῦ γε δέω· καίτοι ἐβουλόμην γʼ ἂν μᾶλλον ἤ μοι πολὺ χρυσίον γενέσθαι. ΣΩ. ὦ Φαῖδρε, εἰ ἐγὼ Φαῖδρον ἀγνοῶ, καὶ ἐμαυτοῦ ἐπιλέλησμαι. ἀλλὰ γὰρ οὐδέτερά ἐστι τούτων· εὖ οἶδα ὅτι Λυσίου λόγον ἀκούων ἐκεῖνος οὐ μόνον ἅπαξ ἤκουσεν, ἀλλὰ πολλάκις ἐπαναλαμβάνων ἐκέλευέν οἱ λέγειν, ὁ δὲ ἐπείθετο προθύμως. τῷ δὲ οὐδὲ ταῦτα ἦν ἱκανά, ἀλλὰ τελευτῶν παραλαβὼν τὸ βιβλίον ἃ μάλιστα ἐπεθύμει ἐπεσκόπει, καὶ τοῦτο δρῶν ἐξ ἑωθινοῦ καθήμενος ἀπειπὼν εἰς περίπατον ᾔει, ὡς μὲν ἐγὼ οἶμαι, νὴ τὸν κύνα, ἐξεπιστάμενος τὸν λόγον, εἰ μὴ πάνυ τι ἦν μακρός. ἐπορεύετο δʼ ἐκτὸς τείχους ἵνα μελετῴη. ἀπαντήσας δὲ τῷ νοσοῦντι περὶ λόγων ἀκοήν, ἰδὼν μέν, ἰδών, ἥσθη ὅτι ἕξοι τὸν συγκορυβαντιῶντα, καὶ προάγειν ἐκέλευε. δεομένου δὲ λέγειν τοῦ τῶν λόγων ἐραστοῦ, ἐθρύπτετο ὡς δὴ οὐκ ἐπιθυμῶν λέγειν· τελευτῶν δὲ ἔμελλε καὶ εἰ μή τις ἑκὼν ἀκούοι βίᾳ ἐρεῖν. σὺ οὖν, ὦ Φαῖδρε, αὐτοῦ δεήθητι ὅπερ τάχα πάντως ποιήσει νῦν ἤδη ποιεῖν. ΦΑΙ. ἐμοὶ ὡς ἀληθῶς πολὺ κράτιστόν ἐστιν οὕτως ὅπως δύναμαι λέγειν, ὥς μοι δοκεῖς σὺ οὐδαμῶς με ἀφήσειν πρὶν ἂν εἴπω ἁμῶς γέ πως. ΣΩ. πάνυ γάρ σοι ἀληθῆ δοκῶ. ΦΑΙ. οὑτωσὶ τοίνυν ποιήσω. τῷ ὄντι γάρ, ὦ Σώκρατες, παντὸς μᾶλλον τά γε ῥήματα οὐκ ἐξέμαθον· τὴν μέντοι διάνοιαν σχεδὸν ἁπάντων, οἷς ἔφη διαφέρειν τὰ τοῦ ἐρῶντος ἢ τὰ τοῦ μή, ἐν κεφαλαίοις ἕκαστον ἐφεξῆς δίειμι, ἀρξάμενος ἀπὸ τοῦ πρώτου. ΣΩ. δείξας γε πρῶτον, ὦ φιλότης, τί ἄρα ἐν τῇ ἀριστερᾷ ἔχεις ὑπὸ τῷ ἱματίῳ

Transliteration

PHAI. pōs legeis, ō beltiste Sōkrates; oiei me, ha Lysias en pollō chronō kata scholēn synethēke, deinotatos ōn tōn nyn graphein, tauta idiōtēn onta apomnēmoneusein axiōs ekeinou; pollou ge deō kaitoi eboulomēn gʼ an mallon ē moi poly chrysion genesthai. SŌ. ō PHaidre, ei egō PHaidron agnoō, kai emautou epilelēsmai. alla gar oudetera esti toutōn eu oida hoti Lysiou logon akouōn ekeinos ou monon hapax ēkousen, alla pollakis epanalambanōn ekeleuen hoi legein, ho de epeitheto prothymōs. tō de oude tauta ēn hikana, alla teleutōn paralabōn to biblion ha malista epethymei epeskopei, kai touto drōn ex heōthinou kathēmenos apeipōn eis peripaton ēei, hōs men egō oimai, nē ton kyna, exepistamenos ton logon, ei mē pany ti ēn makros. eporeueto dʼ ektos teichous hina meletōē. apantēsas de tō nosounti peri logōn akoēn, idōn men, idōn, hēsthē hoti hexoi ton synkorybantiōnta, kai proagein ekeleue. deomenou de legein tou tōn logōn erastou, ethrypteto hōs dē ouk epithymōn legein teleutōn de emelle kai ei mē tis hekōn akouoi bia erein. sy oun, ō PHaidre, autou deēthēti hoper tacha pantōs poiēsei nyn ēdē poiein. PHAI. emoi hōs alēthōs poly kratiston estin houtōs hopōs dynamai legein, hōs moi dokeis sy oudamōs me aphēsein prin an eipō hamōs ge pōs. SŌ. pany gar soi alēthē dokō. PHAI. houtōsi toinyn poiēsō. tō onti gar, ō Sōkrates, pantos mallon ta ge rhēmata ouk exemathon tēn mentoi dianoian schedon hapantōn, hois ephē diapherein ta tou erōntos ē ta tou mē, en kephalaiois hekaston ephexēs dieimi, arxamenos apo tou prōtou. SŌ. deixas ge prōton, ō philotēs, ti ara en tē aristera echeis hypo tō himatiō

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 228 part 1; transliteration: greek-transliteration (build)

Share X Facebook