Languages

Work 4 · Passage 20

Work 4 · Passage 20

Plato

Greek

ΣΩ. δόξης μὲν οὖν ἐπὶ τὸ ἄριστον λόγῳ ἀγούσης καὶ κρατούσης τῷ κράτει σωφροσύνη ὄνομα· ἐπιθυμίας δὲ ἀλόγως ἑλκούσης ἐπὶ ἡδονὰς καὶ ἀρξάσης ἐν ἡμῖν τῇ ἀρχῇ ὕβρις ἐπωνομάσθη. ὕβρις δὲ δὴ πολυώνυμον —πολυμελὲς γὰρ καὶ πολυμερές—καὶ τούτων τῶν ἰδεῶν ἐκπρεπὴς ἣ ἂν τύχῃ γενομένη, τὴν αὑτῆς ἐπωνυμίαν ὀνομαζόμενον τὸν ἔχοντα παρέχεται, οὔτε τινὰ καλὴν οὔτʼ ἐπαξίαν κεκτῆσθαι. περὶ μὲν γὰρ ἐδωδὴν κρατοῦσα τοῦ λόγου τε τοῦ ἀρίστου καὶ τῶν ἄλλων ἐπιθυμιῶν ἐπιθυμία γαστριμαργία τε καὶ τὸν ἔχοντα ταὐτὸν τοῦτο κεκλημένον παρέξεται· περὶ δʼ αὖ μέθας τυραννεύσασα, τὸν κεκτημένον ταύτῃ ἄγουσα, δῆλον οὗ τεύξεται προσρήματος· καὶ τἆλλα δὴ τὰ τούτων ἀδελφὰ καὶ ἀδελφῶν ἐπιθυμιῶν ὀνόματα τῆς ἀεὶ δυναστευούσης ᾗ προσήκει καλεῖσθαι πρόδηλον. ἧς δʼ ἕνεκα πάντα τὰ πρόσθεν εἴρηται, σχεδὸν μὲν ἤδη φανερόν, λεχθὲν δὲ ἢ μὴ λεχθὲν πάντως σαφέστερον· ἡ γὰρ ἄνευ λόγου δόξης ἐπὶ τὸ ὀρθὸν ὁρμώσης κρατήσασα ἐπιθυμία πρὸς ἡδονὴν ἀχθεῖσα κάλλους, καὶ ὑπὸ αὖ τῶν ἑαυτῆς συγγενῶν ἐπιθυμιῶν ἐπὶ σωμάτων κάλλος ἐρρωμένως ῥωσθεῖσα νικήσασα ἀγωγῇ, ἀπʼ αὐτῆς τῆς ῥώμης ἐπωνυμίαν λαβοῦσα, ἔρως ἐκλήθη. ἀτάρ, ὦ φίλε Φαῖδρε, δοκῶ τι σοί, ὥσπερ ἐμαυτῷ, θεῖον πάθος πεπονθέναι; ΦΑΙ. πάνυ μὲν οὖν, ὦ Σώκρατες, παρὰ τὸ εἰωθὸς εὔροιά τίς σε εἴληφεν. ΣΩ. σιγῇ τοίνυν μου ἄκουε. τῷ ὄντι γὰρ θεῖος ἔοικεν ὁ τόπος εἶναι, ὥστε ἐὰν ἄρα πολλάκις νυμφόληπτος προϊόντος τοῦ λόγου γένωμαι, μὴ θαυμάσῃς· τὰ νῦν γὰρ οὐκέτι πόρρω διθυράμβων φθέγγομαι. ΦΑΙ. ἀληθέστατα λέγεις. ΣΩ. τούτων μέντοι σὺ αἴτιος. ἀλλὰ τὰ λοιπὰ ἄκουε· ἴσως γὰρ κἂν ἀποτράποιτο τὸ ἐπιόν. ταῦτα μὲν οὖν θεῷ μελήσει, ἡμῖν δὲ πρὸς τὸν παῖδα πάλιν τῷ λόγῳ ἰτέον.εἶεν, ὦ φέριστε

Transliteration

SŌ. doxēs men oun epi to ariston logō agousēs kai kratousēs tō kratei sōphrosynē onoma epithymias de alogōs helkousēs epi hēdonas kai arxasēs en hēmin tē archē hybris epōnomasthē. hybris de dē polyōnymon —polymeles gar kai polymeres—kai toutōn tōn ideōn ekprepēs hē an tychē genomenē, tēn hautēs epōnymian onomazomenon ton echonta parechetai, oute tina kalēn outʼ epaxian kektēsthai. peri men gar edōdēn kratousa tou logou te tou aristou kai tōn allōn epithymiōn epithymia gastrimargia te kai ton echonta tauton touto keklēmenon parexetai peri dʼ au methas tyranneusasa, ton kektēmenon tautē agousa, dēlon hou teuxetai prosrēmatos kai talla dē ta toutōn adelpha kai adelphōn epithymiōn onomata tēs aei dynasteuousēs hē prosēkei kaleisthai prodēlon. hēs dʼ heneka panta ta prosthen eirētai, schedon men ēdē phaneron, lechthen de ē mē lechthen pantōs saphesteron hē gar aneu logou doxēs epi to orthon hormōsēs kratēsasa epithymia pros hēdonēn achtheisa kallous, kai hypo au tōn heautēs syngenōn epithymiōn epi sōmatōn kallos errhōmenōs rhōstheisa nikēsasa agōgē, apʼ autēs tēs rhōmēs epōnymian labousa, erōs eklēthē. atar, ō phile PHaidre, dokō ti soi, hōsper emautō, theion pathos peponthenai; PHAI. pany men oun, ō Sōkrates, para to eiōthos euroia tis se eilēphen. SŌ. sigē toinyn mou akoue. tō onti gar theios eoiken ho topos einai, hōste ean ara pollakis nympholēptos proiontos tou logou genōmai, mē thaumasēs ta nyn gar ouketi porrhō dithyrambōn phthengomai. PHAI. alēthestata legeis. SŌ. toutōn mentoi sy aitios. alla ta loipa akoue isōs gar kan apotrapoito to epion. tauta men oun theō melēsei, hēmin de pros ton paida palin tō logō iteon.eien, ō pheriste

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 238 part 1; transliteration: greek-transliteration (build)

Share X Facebook