Languages

Work 4 · Passage 22

Work 4 · Passage 22

Plato

Greek

ΣΩ. οὔτε δὴ κρείττω οὔτε ἰσούμενον ἑκὼν ἐραστὴς παιδικὰ ἀνέξεται, ἥττω δὲ καὶ ὑποδεέστερον ἀεὶ ἀπεργάζεται· ἥττων δὲ ἀμαθὴς σοφοῦ, δειλὸς ἀνδρείου, ἀδύνατος εἰπεῖν ῥητορικοῦ, βραδὺς ἀγχίνου. τοσούτων κακῶν καὶ ἔτι πλειόνων κατὰ τὴν διάνοιαν ἐραστὴν ἐρωμένῳ ἀνάγκη γιγνομένων τε καὶ φύσει ἐνόντων μὲν ἥδεσθαι, τὰ δὲ παρασκευάζειν, ἢ στέρεσθαι τοῦ παραυτίκα ἡδέος. εἶναι, καὶ πολλῶν μὲν ἄλλων συνουσιῶν ἀπείργοντα καὶ ὠφελίμων ὅθεν ἂν μάλιστʼ ἀνὴρ γίγνοιτο, μεγάλης αἴτιον εἶναι βλάβης, μεγίστης δὲ τῆς ὅθεν ἂν φρονιμώτατος εἴη. τοῦτο δὲ ἡ θεία φιλοσοφία τυγχάνει ὄν, ἧς ἐραστὴν παιδικὰ ἀνάγκη πόρρωθεν εἴργειν, περίφοβον ὄντα τοῦ καταφρονηθῆναι· τά τε ἄλλα μηχανᾶσθαι ὅπως ἂν ᾖ πάντα ἀγνοῶν καὶ πάντα ἀποβλέπων εἰς τὸν ἐραστήν, οἷος ὢν τῷ μὲν ἥδιστος, ἑαυτῷ δὲ βλαβερώτατος ἂν εἴη. τὰ μὲν οὖν κατὰ διάνοιαν ἐπίτροπός τε καὶ κοινωνὸς οὐδαμῇ λυσιτελὴς ἀνὴρ ἔχων ἔρωτα. τὴν δὲ τοῦ σώματος ἕξιν τε καὶ θεραπείαν οἵαν τε καὶ ὡς θεραπεύσει οὗ ἂν γένηται κύριος, ὃς ἡδὺ πρὸ ἀγαθοῦ ἠνάγκασται διώκειν, δεῖ μετὰ ταῦτα ἰδεῖν. ὀφθήσεται δὴ μαλθακόν τινα καὶ οὐ στερεὸν διώκων, οὐδʼ ἐν ἡλίῳ καθαρῷ τεθραμμένον ἀλλὰ ὑπὸ συμμιγεῖ σκιᾷ, πόνων μὲν ἀνδρείων καὶ ἱδρώτων ξηρῶν ἄπειρον, ἔμπειρον δὲ ἁπαλῆς καὶ ἀνάνδρου διαίτης, ἀλλοτρίοις χρώμασι καὶ κόσμοις χήτει οἰκείων κοσμούμενον, ὅσα τε ἄλλα τούτοις ἕπεται πάντα ἐπιτηδεύοντα, ἃ δῆλα καὶ οὐκ ἄξιον περαιτέρω προβαίνειν, ἀλλὰ ἓν κεφάλαιον ὁρισαμένους ἐπʼ ἄλλο ἰέναι· τὸ γὰρ τοιοῦτον σῶμα ἐν πολέμῳ τε καὶ ἄλλαις χρείαις ὅσαι μεγάλαι οἱ μὲν ἐχθροὶ θαρροῦσιν, οἱ δὲ φίλοι καὶ αὐτοὶ οἱ ἐρασταὶ φοβοῦνται. τοῦτο μὲν οὖν ὡς δῆλον ἐατέον, τὸ δʼ ἐφεξῆς ῥητέον, τίνα ἡμῖν ὠφελίαν ἢ τίνα βλάβην περὶ τὴν κτῆσιν ἡ τοῦ ἐρῶντος ὁμιλία τε καὶ ἐπιτροπεία παρέξεται.

Transliteration

SŌ. oute dē kreittō oute isoumenon hekōn erastēs paidika anexetai, hēttō de kai hypodeesteron aei apergazetai hēttōn de amathēs sophou, deilos andreiou, adynatos eipein rhētorikou, bradys anchinou. tosoutōn kakōn kai eti pleionōn kata tēn dianoian erastēn erōmenō anankē gignomenōn te kai physei enontōn men hēdesthai, ta de paraskeuazein, ē steresthai tou parautika hēdeos. einai, kai pollōn men allōn synousiōn apeirgonta kai ōphelimōn hothen an malistʼ anēr gignoito, megalēs aition einai blabēs, megistēs de tēs hothen an phronimōtatos eiē. touto de hē theia philosophia tynchanei on, hēs erastēn paidika anankē porrhōthen eirgein, periphobon onta tou kataphronēthēnai ta te alla mēchanasthai hopōs an ē panta agnoōn kai panta apoblepōn eis ton erastēn, hoios ōn tō men hēdistos, heautō de blaberōtatos an eiē. ta men oun kata dianoian epitropos te kai koinōnos oudamē lysitelēs anēr echōn erōta. tēn de tou sōmatos hexin te kai therapeian hoian te kai hōs therapeusei hou an genētai kyrios, hos hēdy pro agathou ēnankastai diōkein, dei meta tauta idein. ophthēsetai dē malthakon tina kai ou stereon diōkōn, oudʼ en hēliō katharō tethrammenon alla hypo symmigei skia, ponōn men andreiōn kai hidrōtōn xērōn apeiron, empeiron de hapalēs kai anandrou diaitēs, allotriois chrōmasi kai kosmois chētei oikeiōn kosmoumenon, hosa te alla toutois hepetai panta epitēdeuonta, ha dēla kai ouk axion peraiterō probainein, alla hen kephalaion horisamenous epʼ allo ienai to gar toiouton sōma en polemō te kai allais chreiais hosai megalai hoi men echthroi tharrhousin, hoi de philoi kai autoi hoi erastai phobountai. touto men oun hōs dēlon eateon, to dʼ ephexēs rhēteon, tina hēmin ōphelian ē tina blabēn peri tēn ktēsin hē tou erōntos homilia te kai epitropeia parexetai.

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 239; transliteration: greek-transliteration (build)

Share X Facebook