Work 4 · Passage 28
Plato
Greek
ΣΩ. εἰ δʼ ἔστιν, ὥσπερ οὖν ἔστι, θεὸς ἤ τι θεῖον ὁ Ἔρως, οὐδὲν ἂν κακὸν εἴη, τὼ δὲ λόγω τὼ νυνδὴ περὶ αὐτοῦ εἰπέτην ὡς τοιούτου ὄντος· ταύτῃ τε οὖν ἡμαρτανέτην περὶ τὸν ἔρωτα, ἔτι τε ἡ εὐήθεια αὐτοῖν πάνυ ἀστεία, τὸ μηδὲν ὑγιὲς λέγοντε μηδὲ ἀληθὲς σεμνύνεσθαι ὡς τὶ ὄντε, εἰ ἄρα ἀνθρωπίσκους τινὰς ἐξαπατήσαντε εὐδοκιμήσετον ἐν αὐτοῖς. ἐμοὶ μὲν οὖν, ὦ φίλε, καθήρασθαι ἀνάγκη· ἔστιν δὲ τοῖς ἁμαρτάνουσι περὶ μυθολογίαν καθαρμὸς ἀρχαῖος, ὃν Ὅμηρος μὲν οὐκ ᾔσθετο, Στησίχορος δέ. τῶν γὰρ ὀμμάτων στερηθεὶς διὰ τὴν Ἑλένης κακηγορίαν οὐκ ἠγνόησεν ὥσπερ Ὅμηρος, ἀλλʼ ἅτε μουσικὸς ὢν ἔγνω τὴν αἰτίαν, καὶ ποιεῖ εὐθὺς— οὐκ ἔστʼ ἔτυμος λόγος οὗτος, οὐδʼ ἔβας ἐν νηυσὶν εὐσέλμοις, οὐδʼ ἵκεο Πέργαμα Τροίας· Stesichorus Frag. 32 Bergk καὶ ποιήσας δὴ πᾶσαν τὴν καλουμένην Παλινῳδίαν παραχρῆμα ἀνέβλεψεν. ἐγὼ οὖν σοφώτερος ἐκείνων γενήσομαι κατʼ αὐτό γε τοῦτο· πρὶν γάρ τι παθεῖν διὰ τὴν τοῦ Ἔρωτος κακηγορίαν πειράσομαι αὐτῷ ἀποδοῦναι τὴν παλινῳδίαν, γυμνῇ τῇ κεφαλῇ καὶ οὐχ ὥσπερ τότε ὑπʼ αἰσχύνης ἐγκεκαλυμμένος. ΦΑΙ. τουτωνί, ὦ Σώκρατες, οὐκ ἔστιν ἅττʼ ἂν ἐμοὶ εἶπες ἡδίω. ΣΩ. καὶ γάρ, ὠγαθὲ Φαῖδρε, ἐννοεῖς ὡς ἀναιδῶς εἴρησθον τὼ λόγω, οὗτός τε καὶ ὁ ἐκ τοῦ βιβλίου ῥηθείς. εἰ γὰρ ἀκούων τις τύχοι ἡμῶν γεννάδας καὶ πρᾷος τὸ ἦθος, ἑτέρου δὲ τοιούτου ἐρῶν ἢ καὶ πρότερόν ποτε ἐρασθείς, λεγόντων ὡς διὰ σμικρὰ μεγάλας ἔχθρας οἱ ἐρασταὶ ἀναιροῦνται καὶ ἔχουσι πρὸς τὰ παιδικὰ φθονερῶς τε καὶ βλαβερῶς, πῶς οὐκ ἂν οἴει αὐτὸν ἡγεῖσθαι ἀκούειν ἐν ναύταις που τεθραμμένων καὶ οὐδένα ἐλεύθερον ἔρωτα ἑωρακότων, πολλοῦ δʼ ἂν δεῖν ἡμῖν ὁμολογεῖν ἃ ψέγομεν τὸν ἔρωτα; ΦΑΙ. ἴσως νὴ Δίʼ, ὦ Σώκρατες. ΣΩ. τοῦτόν γε τοίνυν ἔγωγε αἰσχυνόμενος, καὶ αὐτὸν τὸν ἔρωτα δεδιώς, ἐπιθυμῶ ποτίμῳ λόγῳ οἷον ἁλμυρὰν ἀκοὴν ἀποκλύσασθαι
Transliteration
SŌ. ei dʼ estin, hōsper oun esti, theos ē ti theion ho Erōs, ouden an kakon eiē, tō de logō tō nyndē peri autou eipetēn hōs toioutoy ontos tautē te oun hēmartanetēn peri ton erōta, eti te hē euētheia autoin pany asteia, to mēden hygies legonte mēde alēthes semnynesthai hōs ti onte, ei ara anthrōpiskous tinas exapatēsante eudokimēseton en autois. emoi men oun, ō phile, kathērasthai anankē estin de tois hamartanousi peri mythologian katharmos archaios, hon hOmēros men ouk ēstheto, Stēsichoros de. tōn gar ommatōn sterētheis dia tēn hElenēs kakēgorian ouk ēgnoēsen hōsper hOmēros, allʼ hate mousikos ōn egnō tēn aitian, kai poiei euthys— ouk estʼ etymos logos houtos, oudʼ ebas en nēusin euselmois, oudʼ hikeo Pergama Troias Stesichorus Frag. 32 Bergk kai poiēsas dē pasan tēn kaloumenēn Palinōdian parachrēma aneblepsen. egō oun sophōteros ekeinōn genēsomai katʼ auto ge touto prin gar ti pathein dia tēn tou Erōtos kakēgorian peirasomai autō apodounai tēn palinōdian, gymnē tē kephalē kai ouch hōsper tote hypʼ aischynēs enkekalymmenos. PHAI. toutōni, ō Sōkrates, ouk estin hattʼ an emoi eipes hēdiō. SŌ. kai gar, ōgathe PHaidre, ennoeis hōs anaidōs eirēsthon tō logō, houtos te kai ho ek tou bibliou rhētheis. ei gar akouōn tis tychoi hēmōn gennadas kai praos to ēthos, heterou de toioutoy erōn ē kai proteron pote erastheis, legontōn hōs dia smikra megalas echthras hoi erastai anairountai kai echousi pros ta paidika phthonerōs te kai blaberōs, pōs ouk an oiei auton hēgeisthai akouein en nautais pou tethrammenōn kai oudena eleutheron erōta heōrakotōn, pollou dʼ an dein hēmin homologein ha psegomen ton erōta; PHAI. isōs nē Diʼ, ō Sōkrates. SŌ. touton ge toinyn egōge aischynomenos, kai auton ton erōta dediōs, epithymō potimō logō hoion halmyran akoēn apoklysasthai
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 243 part 1; transliteration: greek-transliteration (build)