Work 4 · Passage 32
Plato
Greek
ΣΩ. τρίτη δὲ ἀπὸ Μουσῶν κατοκωχή τε καὶ μανία, λαβοῦσα ἁπαλὴν καὶ ἄβατον ψυχήν, ἐγείρουσα καὶ ἐκβακχεύουσα κατά τε ᾠδὰς καὶ κατὰ τὴν ἄλλην ποίησιν, μυρία τῶν παλαιῶν ἔργα κοσμοῦσα τοὺς ἐπιγιγνομένους παιδεύει· ὃς δʼ ἂν ἄνευ μανίας Μουσῶν ἐπὶ ποιητικὰς θύρας ἀφίκηται, πεισθεὶς ὡς ἄρα ἐκ τέχνης ἱκανὸς ποιητὴς ἐσόμενος, ἀτελὴς αὐτός τε καὶ ἡ ποίησις ὑπὸ τῆς τῶν μαινομένων ἡ τοῦ σωφρονοῦντος ἠφανίσθη. τοσαῦτα μέν σοι καὶ ἔτι πλείω ἔχω μανίας γιγνομένης ἀπὸ θεῶν λέγειν καλὰ ἔργα. ὥστε τοῦτό γε αὐτὸ μὴ φοβώμεθα, μηδέ τις ἡμᾶς λόγος θορυβείτω δεδιττόμενος ὡς πρὸ τοῦ κεκινημένου τὸν σώφρονα δεῖ προαιρεῖσθαι φίλον· ἀλλὰ τόδε πρὸς ἐκείνῳ δείξας φερέσθω τὰ νικητήρια, ὡς οὐκ ἐπʼ ὠφελίᾳ ὁ ἔρως τῷ ἐρῶντι καὶ τῷ ἐρωμένῳ ἐκ θεῶν ἐπιπέμπεται. ἡμῖν δὲ ἀποδεικτέον αὖ τοὐναντίον, ὡς ἐπʼ εὐτυχίᾳ τῇ μεγίστῃ παρὰ θεῶν ἡ τοιαύτη μανία δίδοται· ἡ δὲ δὴ ἀπόδειξις ἔσται δεινοῖς μὲν ἄπιστος, σοφοῖς δὲ πιστή. δεῖ οὖν πρῶτον ψυχῆς φύσεως πέρι θείας τε καὶ ἀνθρωπίνης ἰδόντα πάθη τε καὶ ἔργα τἀληθὲς νοῆσαι· ἀρχὴ δὲ ἀποδείξεως ἥδε. ψυχὴ πᾶσα ἀθάνατος. τὸ γὰρ ἀεικίνητον ἀθάνατον· τὸ δʼ ἄλλο κινοῦν καὶ ὑπʼ ἄλλου κινούμενον, παῦλαν ἔχον κινήσεως, παῦλαν ἔχει ζωῆς. μόνον δὴ τὸ αὑτὸ κινοῦν, ἅτε οὐκ ἀπολεῖπον ἑαυτό, οὔποτε λήγει κινούμενον, ἀλλὰ καὶ τοῖς ἄλλοις ὅσα κινεῖται τοῦτο πηγὴ καὶ ἀρχὴ κινήσεως. ἀρχὴ δὲ ἀγένητον. ἐξ ἀρχῆς γὰρ ἀνάγκη πᾶν τὸ γιγνόμενον γίγνεσθαι, αὐτὴν δὲ μηδʼ ἐξ ἑνός
Transliteration
SŌ. tritē de apo Mousōn katokōchē te kai mania, labousa hapalēn kai abaton psychēn, egeirousa kai ekbakcheuousa kata te ōdas kai kata tēn allēn poiēsin, myria tōn palaiōn erga kosmousa tous epigignomenous paideuei hos dʼ an aneu manias Mousōn epi poiētikas thyras aphikētai, peistheis hōs ara ek technēs hikanos poiētēs esomenos, atelēs autos te kai hē poiēsis hypo tēs tōn mainomenōn hē tou sōphronountos ēphanisthē. tosauta men soi kai eti pleiō echō manias gignomenēs apo theōn legein kala erga. hōste touto ge auto mē phobōmetha, mēde tis hēmas logos thorybeitō dedittomenos hōs pro tou kekinēmenou ton sōphrona dei proaireisthai philon alla tode pros ekeinō deixas pheresthō ta nikētēria, hōs ouk epʼ ōphelia ho erōs tō erōnti kai tō erōmenō ek theōn epipempetai. hēmin de apodeikteon au tounantion, hōs epʼ eutychia tē megistē para theōn hē toiautē mania didotai hē de dē apodeixis estai deinois men apistos, sophois de pistē. dei oun prōton psychēs physeōs peri theias te kai anthrōpinēs idonta pathē te kai erga talēthes noēsai archē de apodeixeōs hēde. psychē pasa athanatos. to gar aeikinēton athanaton to dʼ allo kinoun kai hypʼ allou kinoumenon, paulan echon kinēseōs, paulan echei zōēs. monon dē to hauto kinoun, hate ouk apoleipon heauto, oupote lēgei kinoumenon, alla kai tois allois hosa kineitai touto pēgē kai archē kinēseōs. archē de agenēton. ex archēs gar anankē pan to gignomenon gignesthai, autēn de mēdʼ ex henos
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 245 part 1; transliteration: greek-transliteration (build)