Work 4 · Passage 33
Plato
Greek
· εἰ γὰρ ἔκ του ἀρχὴ γίγνοιτο, οὐκ ἂν ἔτι ἀρχὴ γίγνοιτο. ἐπειδὴ δὲ ἀγένητόν ἐστιν, καὶ ἀδιάφθορον αὐτὸ ἀνάγκη εἶναι. ἀρχῆς γὰρ δὴ ἀπολομένης οὔτε αὐτή ποτε ἔκ του οὔτε ἄλλο ἐξ ἐκείνης γενήσεται, εἴπερ ἐξ ἀρχῆς δεῖ τὰ πάντα γίγνεσθαι. οὕτω δὴ κινήσεως μὲν ἀρχὴ τὸ αὐτὸ αὑτὸ κινοῦν. τοῦτο δὲ οὔτʼ ἀπόλλυσθαι οὔτε γίγνεσθαι δυνατόν, ἢ πάντα τε οὐρανὸν πᾶσάν τε γῆν εἰς ἓν συμπεσοῦσαν στῆναι καὶ μήποτε αὖθις ἔχειν ὅθεν κινηθέντα γενήσεται. ἀθανάτου δὲ πεφασμένου τοῦ ὑφʼ ἑαυτοῦ κινουμένου, ψυχῆς οὐσίαν τε καὶ λόγον τοῦτον αὐτόν τις λέγων οὐκ αἰσχυνεῖται.
Transliteration
ei gar ek tou archē gignoito, ouk an eti archē gignoito. epeidē de agenēton estin, kai adiaphthoron auto anankē einai. archēs gar dē apolomenēs oute autē pote ek tou oute allo ex ekeinēs genēsetai, eiper ex archēs dei ta panta gignesthai. houtō dē kinēseōs men archē to auto hauto kinoun. touto de outʼ apollysthai oute gignesthai dynaton, ē panta te ouranon pasan te gēn eis hen sympesousan stēnai kai mēpote authis echein hothen kinēthenta genēsetai. athanatou de pephasmenou tou hyphʼ heautou kinoumenoy, psychēs ousian te kai logon touton auton tis legōn ouk aischyneitai.
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 245 part 2; transliteration: greek-transliteration (build)