Work 4 · Passage 45
Plato
Greek
ΣΩ. ὅθεν δὴ ἑκοῦσα εἶναι οὐκ ἀπολείπεται, οὐδέ τινα τοῦ καλοῦ περὶ πλείονος ποιεῖται, ἀλλὰ μητέρων τε καὶ ἀδελφῶν καὶ ἑταίρων πάντων λέλησται, καὶ οὐσίας διʼ ἀμέλειαν ἀπολλυμένης παρʼ οὐδὲν τίθεται, νομίμων δὲ καὶ εὐσχημόνων, οἷς πρὸ τοῦ ἐκαλλωπίζετο, πάντων καταφρονήσασα δουλεύειν ἑτοίμη καὶ κοιμᾶσθαι ὅπου ἂν ἐᾷ τις ἐγγυτάτω τοῦ πόθου· πρὸς γὰρ τῷ σέβεσθαι τὸν τὸ κάλλος ἔχοντα ἰατρὸν ηὕρηκε μόνον τῶν μεγίστων πόνων. τοῦτο δὲ τὸ πάθος, ὦ παῖ καλέ, πρὸς ὃν δή μοι ὁ λόγος, ἄνθρωποι μὲν ἔρωτα ὀνομάζουσιν, θεοὶ δὲ ὃ καλοῦσιν ἀκούσας εἰκότως διὰ νεότητα γελάσῃ. λέγουσι δὲ οἶμαί τινες Ὁμηριδῶν ἐκ τῶν ἀποθέτων ἐπῶν δύο ἔπη εἰς τὸν ἔρωτα, ὧν τὸ ἕτερον ὑβριστικὸν πάνυ καὶ οὐ σφόδρα τι ἔμμετρον· ὑμνοῦσι δὲ ὧδε— τὸν δʼ ἤτοι θνητοὶ μὲν ἔρωτα καλοῦσι ποτηνόν, ἀθάνατοι δὲ Πτέρωτα, διὰ πτεροφύτορʼ ἀνάγκην. Homeridae τούτοις δὴ ἔξεστι μὲν πείθεσθαι, ἔξεστιν δὲ μή· ὅμως δὲ ἥ γε αἰτία καὶ τὸ πάθος τῶν ἐρώντων τοῦτο ἐκεῖνο τυγχάνει ὄν. τῶν μὲν οὖν Διὸς ὀπαδῶν ὁ ληφθεὶς ἐμβριθέστερον δύναται φέρειν τὸ τοῦ πτερωνύμου ἄχθος· ὅσοι δὲ Ἄρεώς τε θεραπευταὶ καὶ μετʼ ἐκείνου περιεπόλουν, ὅταν ὑπʼ Ἔρωτος ἁλῶσι καί τι οἰηθῶσιν ἀδικεῖσθαι ὑπὸ τοῦ ἐρωμένου, φονικοὶ καὶ ἕτοιμοι καθιερεύειν αὑτούς τε καὶ τὰ παιδικά. καὶ οὕτω καθʼ ἕκαστον θεόν, οὗ ἕκαστος ἦν χορευτής, ἐκεῖνον τιμῶν τε καὶ μιμούμενος εἰς τὸ δυνατὸν ζῇ, ἕως ἂν ᾖ ἀδιάφθορος καὶ τὴν τῇδε πρώτην γένεσιν βιοτεύῃ, καὶ τούτῳ τῷ τρόπῳ πρός τε τοὺς ἐρωμένους καὶ τοὺς ἄλλους ὁμιλεῖ τε καὶ προσφέρεται. τόν τε οὖν ἔρωτα τῶν καλῶν πρὸς τρόπου ἐκλέγεται ἕκαστος, καὶ ὡς θεὸν αὐτὸν ἐκεῖνον ὄντα ἑαυτῷ οἷον ἄγαλμα τεκταίνεταί τε καὶ κατακοσμεῖ, ὡς τιμήσων τε καὶ ὀργιάσων. οἱ μὲν δὴ οὖν Διὸς δῖόν τινα εἶναι ζητοῦσι τὴν ψυχὴν τὸν ὑφʼ αὑτῶν ἐρώμενον
Transliteration
SŌ. hothen dē hekousa einai ouk apoleipetai, oude tina tou kalou peri pleionos poieitai, alla mēterōn te kai adelphōn kai hetairōn pantōn lelēstai, kai ousias diʼ ameleian apollymenēs parʼ ouden tithetai, nomimōn de kai euschēmonōn, hois pro tou ekallōpizeto, pantōn kataphronēsasa douleuein hetoimē kai koimasthai hopou an ea tis engytatō tou pothou pros gar tō sebesthai ton to kallos echonta iatron hēurēke monon tōn megistōn ponōn. touto de to pathos, ō pai kale, pros hon dē moi ho logos, anthrōpoi men erōta onomazousin, theoi de ho kalousin akousas eikotōs dia neotēta gelasē. legousi de oimai tines hOmēridōn ek tōn apothetōn epōn dyo epē eis ton erōta, hōn to heteron hybristikon pany kai ou sphodra ti emmetron hymnousi de hōde— ton dʼ ētoi thnētoi men erōta kalousi potēnon, athanatoi de Pterōta, dia pterophytorʼ anankēn. Homeridae toutois dē exesti men peithesthai, exestin de mē homōs de hē ge aitia kai to pathos tōn erōntōn touto ekeino tynchanei on. tōn men oun Dios opadōn ho lēphtheis embrithesteron dynatai pherein to tou pterōnymou achthos hosoi de Areōs te therapeutai kai metʼ ekeinou periepoloun, hotan hypʼ Erōtos halōsi kai ti oiēthōsin adikeisthai hypo tou erōmenou, phonikoi kai hetoimoi kathiereuein hautous te kai ta paidika. kai houtō kathʼ hekaston theon, hou hekastos ēn choreutēs, ekeinon timōn te kai mimoumenos eis to dynaton zē, heōs an ē adiaphthoros kai tēn tēde prōtēn genesin bioteuē, kai toutō tō tropō pros te tous erōmenous kai tous allous homilei te kai prospheretai. ton te oun erōta tōn kalōn pros tropou eklegetai hekastos, kai hōs theon auton ekeinon onta heautō hoion agalma tektainetai te kai katakosmei, hōs timēsōn te kai orgiasōn. hoi men dē oun Dios dion tina einai zētousi tēn psychēn ton hyphʼ hautōn erōmenon
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 252 part 1; transliteration: greek-transliteration (build)