Work 4 · Passage 44
Plato
Greek
· ὅταν δὲ χωρὶς γένηται καὶ αὐχμήσῃ, τὰ τῶν διεξόδων στόματα ᾗ τὸ πτερὸν ὁρμᾷ, συναυαινόμενα μύσαντα ἀποκλῄει τὴν βλάστην τοῦ πτεροῦ, ἡ δʼ ἐντὸς μετὰ τοῦ ἱμέρου ἀποκεκλῃμένη, πηδῶσα οἷον τὰ σφύζοντα, τῇ διεξόδῳ ἐγχρίει ἑκάστη τῇ καθʼ αὑτήν, ὥστε πᾶσα κεντουμένη κύκλῳ ἡ ψυχὴ οἰστρᾷ καὶ ὀδυνᾶται, μνήμην δʼ αὖ ἔχουσα τοῦ καλοῦ γέγηθεν. ἐκ δὲ ἀμφοτέρων μεμειγμένων ἀδημονεῖ τε τῇ ἀτοπίᾳ τοῦ πάθους καὶ ἀποροῦσα λυττᾷ, καὶ ἐμμανὴς οὖσα οὔτε νυκτὸς δύναται καθεύδειν οὔτε μεθʼ ἡμέραν οὗ ἂν ᾖ μένειν, θεῖ δὲ ποθοῦσα ὅπου ἂν οἴηται ὄψεσθαι τὸν ἔχοντα τὸ κάλλος· ἰδοῦσα δὲ καὶ ἐποχετευσαμένη ἵμερον ἔλυσε μὲν τὰ τότε συμπεφραγμένα, ἀναπνοὴν δὲ λαβοῦσα κέντρων τε καὶ ὠδίνων ἔληξεν, ἡδονὴν δʼ αὖ ταύτην γλυκυτάτην ἐν τῷ παρόντι καρποῦται.
Transliteration
hotan de chōris genētai kai auchmēsē, ta tōn diexodōn stomata hē to pteron horma, synauainomena mysanta apoklēei tēn blastēn tou pterou, hē dʼ entos meta tou himerou apokeklēmenē, pēdōsa hoion ta sphyzonta, tē diexodō enchriei hekastē tē kathʼ hautēn, hōste pasa kentoumenē kyklō hē psychē oistra kai odynatai, mnēmēn dʼ au echousa tou kalou gegēthen. ek de amphoterōn memeigmenōn adēmonei te tē atopia tou pathous kai aporousa lytta, kai emmanēs ousa oute nyktos dynatai katheudein oute methʼ hēmeran hou an ē menein, thei de pothousa hopou an oiētai opsesthai ton echonta to kallos idousa de kai epocheteusamenē himeron elyse men ta tote sympephragmena, anapnoēn de labousa kentrōn te kai ōdinōn elēxen, hēdonēn dʼ au tautēn glykytatēn en tō paronti karpoutai.
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 251 part 2; transliteration: greek-transliteration (build)