Languages

Work 4 · Passage 63

Work 4 · Passage 63

Plato

Greek

ΦΑΙ. τούτων δεῖ τῶν λόγων, ὦ Σώκρατες· ἀλλὰ δεῦρο αὐτοὺς παράγων ἐξέταζε τί καὶ πῶς λέγουσιν. ΣΩ. πάριτε δή, θρέμματα γενναῖα, καλλίπαιδά τε Φαῖδρον πείθετε ὡς ἐὰν μὴ ἱκανῶς φιλοσοφήσῃ, οὐδὲ ἱκανός ποτε λέγειν ἔσται περὶ οὐδενός. ἀποκρινέσθω δὴ ὁ Φαῖδρος. ΦΑΙ. ἐρωτᾶτε. ΣΩ. ἆρʼ οὖν οὐ τὸ μὲν ὅλον ἡ ῥητορικὴ ἂν εἴη τέχνη ψυχαγωγία τις διὰ λόγων, οὐ μόνον ἐν δικαστηρίοις καὶ ὅσοι ἄλλοι δημόσιοι σύλλογοι, ἀλλὰ καὶ ἐν ἰδίοις, ἡ αὐτὴ σμικρῶν τε καὶ μεγάλων πέρι, καὶ οὐδὲν ἐντιμότερον τό γε ὀρθὸν περὶ σπουδαῖα ἢ περὶ φαῦλα γιγνόμενον; ἢ πῶς σὺ ταῦτʼ ἀκήκοας; ΦΑΙ. οὐ μὰ τὸν Δίʼ οὐ παντάπασιν οὕτως, ἀλλὰ μάλιστα μέν πως περὶ τὰς δίκας λέγεταί τε καὶ γράφεται τέχνῃ, λέγεται δὲ καὶ περὶ δημηγορίας· ἐπὶ πλέον δὲ οὐκ ἀκήκοα. ΣΩ. ἀλλʼ ἦ τὰς Νέστορος καὶ Ὀδυσσέως τέχνας μόνον περὶ λόγων ἀκήκοας, ἃς ἐν Ἰλίῳ σχολάζοντες συνεγραψάτην, τῶν δὲ Παλαμήδους ἀνήκοος γέγονας; ΦΑΙ. καὶ ναὶ μὰ Δίʼ ἔγωγε τῶν Νέστορος, εἰ μὴ Γοργίαν Νέστορά τινα κατασκευάζεις, ἤ τινα Θρασύμαχόν τε καὶ Θεόδωρον Ὀδυσσέα. ΣΩ. ἴσως. ἀλλὰ γὰρ τούτους ἐῶμεν

Transliteration

PHAI. toutōn dei tōn logōn, ō Sōkrates alla deuro autous paragōn exetaze ti kai pōs legousin. SŌ. parite dē, thremmata gennaia, kallipaida te PHaidron peithete hōs ean mē hikanōs philosophēsē, oude hikanos pote legein estai peri oudenos. apokrinesthō dē ho PHaidros. PHAI. erōtate. SŌ. arʼ oun ou to men holon hē rhētorikē an eiē technē psychagōgia tis dia logōn, ou monon en dikastēriois kai hosoi alloi dēmosioi syllogoi, alla kai en idiois, hē autē smikrōn te kai megalōn peri, kai ouden entimoteron to ge orthon peri spoudaia ē peri phaula gignomenon; ē pōs sy tautʼ akēkoas; PHAI. ou ma ton Diʼ ou pantapasin houtōs, alla malista men pōs peri tas dikas legetai te kai graphetai technē, legetai de kai peri dēmēgorias epi pleon de ouk akēkoa. SŌ. allʼ ē tas Nestoros kai Odysseōs technas monon peri logōn akēkoas, has en Iliō scholazontes synegrapsatēn, tōn de Palamēdous anēkoos gegonas; PHAI. kai nai ma Diʼ egōge tōn Nestoros, ei mē Gorgian Nestora tina kataskeuazeis, ē tina THrasymachon te kai THeodōron Odyssea. SŌ. isōs. alla gar toutoys eōmen

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 261 part 1; transliteration: greek-transliteration (build)

Share X Facebook