Languages

Work 4 · Passage 64

Work 4 · Passage 64

Plato

Greek

· σὺ δʼ εἰπέ, ἐν δικαστηρίοις οἱ ἀντίδικοι τί δρῶσιν; οὐκ ἀντιλέγουσιν μέντοι; ἢ τί φήσομεν; ΦΑΙ. τοῦτʼ αὐτό. ΣΩ. περὶ τοῦ δικαίου τε καὶ ἀδίκου; ΦΑΙ. ναί. ΣΩ. οὐκοῦν ὁ τέχνῃ τοῦτο δρῶν ποιήσει φανῆναι τὸ αὐτὸ τοῖς αὐτοῖς τοτὲ μὲν δίκαιον, ὅταν δὲ βούληται, ἄδικον; ΦΑΙ. τί μήν; ΣΩ. καὶ ἐν δημηγορίᾳ δὴ τῇ πόλει δοκεῖν τὰ αὐτὰ τοτὲ μὲν ἀγαθά, τοτὲ δʼ αὖ τἀναντία; ΦΑΙ. οὕτως. ΣΩ. τὸν οὖν Ἐλεατικὸν Παλαμήδην λέγοντα οὐκ ἴσμεν τέχνῃ, ὥστε φαίνεσθαι τοῖς ἀκούουσι τὰ αὐτὰ ὅμοια καὶ ἀνόμοια, καὶ ἓν καὶ πολλά, μένοντά τε αὖ καὶ φερόμενα; ΦΑΙ. μάλα γε. ΣΩ. οὐκ ἄρα μόνον περὶ δικαστήριά τέ ἐστιν ἡ ἀντιλογικὴ καὶ περὶ δημηγορίαν, ἀλλʼ, ὡς ἔοικε, περὶ πάντα τὰ λεγόμενα μία τις τέχνη, εἴπερ ἔστιν, αὕτη ἂν εἴη, ᾗ τις οἷός τʼ ἔσται πᾶν παντὶ ὁμοιοῦν τῶν δυνατῶν καὶ οἷς δυνατόν, καὶ ἄλλου ὁμοιοῦντος καὶ ἀποκρυπτομένου εἰς φῶς ἄγειν. ΦΑΙ. πῶς δὴ τὸ τοιοῦτον λέγεις; ΣΩ. τῇδε δοκῶ ζητοῦσιν φανεῖσθαι. ἀπάτη πότερον ἐν πολὺ διαφέρουσι γίγνεται μᾶλλον ἢ ὀλίγον;

Transliteration

sy dʼ eipe, en dikastēriois hoi antidikoi ti drōsin; ouk antilegousin mentoi; ē ti phēsomen; PHAI. toutʼ auto. SŌ. peri tou dikaiou te kai adikou; PHAI. nai. SŌ. oukoyn ho technē touto drōn poiēsei phanēnai to auto tois autois tote men dikaion, hotan de boulētai, adikon; PHAI. ti mēn; SŌ. kai en dēmēgoria dē tē polei dokein ta auta tote men agatha, tote dʼ au tanantia; PHAI. houtōs. SŌ. ton oun Eleatikon Palamēdēn legonta ouk ismen technē, hōste phainesthai tois akouoysi ta auta homoia kai anomoia, kai hen kai polla, menonta te au kai pheromena; PHAI. mala ge. SŌ. ouk ara monon peri dikastēria te estin hē antilogikē kai peri dēmēgorian, allʼ, hōs eoike, peri panta ta legomena mia tis technē, eiper estin, hautē an eiē, hē tis hoios tʼ estai pan panti homoioun tōn dynatōn kai hois dynaton, kai allou homoiountos kai apokryptomenou eis phōs agein. PHAI. pōs dē to toiouton legeis; SŌ. tēde dokō zētousin phaneisthai. apatē poteron en poly diapherousi gignetai mallon ē oligon;

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 261 part 2; transliteration: greek-transliteration (build)

Share X Facebook