Languages

Work 4 · Passage 65

Work 4 · Passage 65

Plato

Greek

ΦΑΙ. ἐν τοῖς ὀλίγον. ΣΩ. ἀλλά γε δὴ κατὰ σμικρὸν μεταβαίνων μᾶλλον λήσεις ἐλθὼν ἐπὶ τὸ ἐναντίον ἢ κατὰ μέγα. ΦΑΙ. πῶς δʼ οὔ; ΣΩ. δεῖ ἄρα τὸν μέλλοντα ἀπατήσειν μὲν ἄλλον, αὐτὸν δὲ μὴ ἀπατήσεσθαι, τὴν ὁμοιότητα τῶν ὄντων καὶ ἀνομοιότητα ἀκριβῶς διειδέναι. ΦΑΙ. ἀνάγκη μὲν οὖν. ΣΩ. ἦ οὖν οἷός τε ἔσται, ἀλήθειαν ἀγνοῶν ἑκάστου, τὴν τοῦ ἀγνοουμένου ὁμοιότητα σμικράν τε καὶ μεγάλην ἐν τοῖς ἄλλοις διαγιγνώσκειν; ΦΑΙ. ἀδύνατον. ΣΩ. οὐκοῦν τοῖς παρὰ τὰ ὄντα δοξάζουσι καὶ ἀπατωμένοις δῆλον ὡς τὸ πάθος τοῦτο διʼ ὁμοιοτήτων τινῶν εἰσερρύη. ΦΑΙ. γίγνεται γοῦν οὕτως. ΣΩ. ἔστιν οὖν ὅπως τεχνικὸς ἔσται μεταβιβάζειν κατὰ σμικρὸν διὰ τῶν ὁμοιοτήτων ἀπὸ τοῦ ὄντος ἑκάστοτε ἐπὶ τοὐναντίον ἀπάγων, ἢ αὐτὸς τοῦτο διαφεύγειν, ὁ μὴ ἐγνωρικὼς ὃ ἔστιν ἕκαστον τῶν ὄντων; ΦΑΙ. οὐ μή ποτε. ΣΩ. λόγων ἄρα τέχνην, ὦ ἑταῖρε, ὁ τὴν ἀλήθειαν μὴ εἰδώς, δόξας δὲ τεθηρευκώς, γελοίαν τινά, ὡς ἔοικε, καὶ ἄτεχνον παρέξεται. ΦΑΙ. κινδυνεύει. ΣΩ. βούλει οὖν ἐν τῷ Λυσίου λόγῳ ὃν φέρεις, καὶ ἐν οἷς ἡμεῖς εἴπομεν ἰδεῖν τι ὧν φαμεν ἀτέχνων τε καὶ ἐντέχνων εἶναι; ΦΑΙ. πάντων γέ που μάλιστα, ὡς νῦν γε ψιλῶς πως λέγομεν, οὐκ ἔχοντες ἱκανὰ παραδείγματα. ΣΩ. καὶ μὴν κατὰ τύχην γέ τινα, ὡς ἔοικεν, ἐρρηθήτην τὼ λόγω ἔχοντέ τι παράδειγμα, ὡς ἂν ὁ εἰδὼς τὸ ἀληθὲς προσπαίζων ἐν λόγοις παράγοι τοὺς ἀκούοντας. καὶ ἔγωγε, ὦ Φαῖδρε, αἰτιῶμαι τοὺς ἐντοπίους θεούς· ἴσως δὲ καὶ οἱ τῶν Μουσῶν προφῆται οἱ ὑπὲρ κεφαλῆς ᾠδοὶ ἐπιπεπνευκότες ἂν ἡμῖν εἶεν τοῦτο τὸ γέρας· οὐ γάρ που ἔγωγε τέχνης τινὸς τοῦ λέγειν μέτοχος. ΦΑΙ. ἔστω ὡς λέγεις

Transliteration

PHAI. en tois oligon. SŌ. alla ge dē kata smikron metabainōn mallon lēseis elthōn epi to enantion ē kata mega. PHAI. pōs dʼ ou; SŌ. dei ara ton mellonta apatēsein men allon, auton de mē apatēsesthai, tēn homoiotēta tōn ontōn kai anomoiotēta akribōs dieidenai. PHAI. anankē men oun. SŌ. ē oun hoios te estai, alētheian agnoōn hekastou, tēn tou agnooumenoy homoiotēta smikran te kai megalēn en tois allois diagignōskein; PHAI. adynaton. SŌ. oukoyn tois para ta onta doxazousi kai apatōmenois dēlon hōs to pathos touto diʼ homoiotētōn tinōn eiserrhyē. PHAI. gignetai goun houtōs. SŌ. estin oun hopōs technikos estai metabibazein kata smikron dia tōn homoiotētōn apo tou ontos hekastote epi tounantion apagōn, ē autos touto diapheugein, ho mē egnōrikōs ho estin hekaston tōn ontōn; PHAI. ou mē pote. SŌ. logōn ara technēn, ō hetaire, ho tēn alētheian mē eidōs, doxas de tethēreukōs, geloian tina, hōs eoike, kai atechnon parexetai. PHAI. kindyneuei. SŌ. boulei oun en tō Lysiou logō hon phereis, kai en hois hēmeis eipomen idein ti hōn phamen atechnōn te kai entechnōn einai; PHAI. pantōn ge pou malista, hōs nyn ge psilōs pōs legomen, ouk echontes hikana paradeigmata. SŌ. kai mēn kata tychēn ge tina, hōs eoiken, errhēthētēn tō logō echonte ti paradeigma, hōs an ho eidōs to alēthes prospaizōn en logois paragoi tous akouontas. kai egōge, ō PHaidre, aitiōmai tous entopious theous isōs de kai hoi tōn Mousōn prophētai hoi hyper kephalēs ōdoi epipepneukotes an hēmin eien touto to geras ou gar pou egōge technēs tinos tou legein metochos. PHAI. estō hōs legeis

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 262 part 1; transliteration: greek-transliteration (build)

Share X Facebook