Work 4 · Passage 72
Plato
Greek
ΣΩ. τὸ πάλιν κατʼ εἴδη δύνασθαι διατέμνειν κατʼ ἄρθρα ᾗ πέφυκεν, καὶ μὴ ἐπιχειρεῖν καταγνύναι μέρος μηδέν, κακοῦ μαγείρου τρόπῳ χρώμενον· ἀλλʼ ὥσπερ ἄρτι τὼ λόγω τὸ μὲν ἄφρον τῆς διανοίας ἕν τι κοινῇ εἶδος ἐλαβέτην, ὥσπερ δὲ σώματος ἐξ ἑνὸς διπλᾶ καὶ ὁμώνυμα πέφυκε, σκαιά, τὰ δὲ δεξιὰ κληθέντα, οὕτω καὶ τὸ τῆς παρανοίας ὡς ἓν ἐν ἡμῖν πεφυκὸς εἶδος ἡγησαμένω τὼ λόγω, ὁ μὲν τὸ ἐπʼ ἀριστερὰ τεμνόμενος μέρος, πάλιν τοῦτο τέμνων οὐκ ἐπανῆκεν πρὶν ἐν αὐτοῖς ἐφευρὼν ὀνομαζόμενον σκαιόν τινα ἔρωτα ἐλοιδόρησεν μάλʼ ἐν δίκῃ, ὁ δʼ εἰς τὰ ἐν δεξιᾷ τῆς μανίας ἀγαγὼν ἡμᾶς, ὁμώνυμον μὲν ἐκείνῳ, θεῖον δʼ αὖ τινα ἔρωτα ἐφευρὼν καὶ προτεινάμενος ἐπῄνεσεν ὡς μεγίστων αἴτιον ἡμῖν ἀγαθῶν. ΦΑΙ. ἀληθέστατα λέγεις. ΣΩ. τούτων δὴ ἔγωγε αὐτός τε ἐραστής, ὦ Φαῖδρε, τῶν διαιρέσεων καὶ συναγωγῶν, ἵνα οἷός τε ὦ λέγειν τε καὶ φρονεῖν· ἐάν τέ τινʼ ἄλλον ἡγήσωμαι δυνατὸν εἰς ἓν καὶ ἐπὶ πολλὰ πεφυκόθʼ ὁρᾶν, τοῦτον διώκω κατόπισθε μετʼ ἴχνιον ὥστε θεοῖο. καὶ μέντοι καὶ τοὺς δυναμένους αὐτὸ δρᾶν εἰ μὲν ὀρθῶς ἢ μὴ προσαγορεύω, θεὸς οἶδε, καλῶ δὲ οὖν μέχρι τοῦδε διαλεκτικούς. τὰ δὲ νῦν παρὰ σοῦ τε καὶ Λυσίου μαθόντας εἰπὲ τί χρὴ καλεῖν· ἢ τοῦτο ἐκεῖνό ἐστιν ἡ λόγων τέχνη, ᾗ Θρασύμαχός τε καὶ οἱ ἄλλοι χρώμενοι σοφοὶ μὲν αὐτοὶ λέγειν γεγόνασιν, ἄλλους τε ποιοῦσιν, οἳ ἂν δωροφορεῖν αὐτοῖς ὡς βασιλεῦσιν ἐθέλωσιν; ΦΑΙ. βασιλικοὶ μὲν ἇνδρες, οὐ μὲν δὴ ἐπιστήμονές γε ὧν ἐρωτᾷς. ἀλλὰ τοῦτο μὲν τὸ εἶδος ὀρθῶς ἔμοιγε δοκεῖς καλεῖν, διαλεκτικὸν καλῶν
Transliteration
SŌ. to palin katʼ eidē dynasthai diatemnein katʼ arthra hē pephyken, kai mē epicheirein katagnynai meros mēden, kakou mageirou tropō chrōmenon allʼ hōsper arti tō logō to men aphron tēs dianoias hen ti koinē eidos elabetēn, hōsper de sōmatos ex henos dipla kai homōnyma pephyke, skaia, ta de dexia klēthenta, houtō kai to tēs paranoias hōs hen en hēmin pephykos eidos hēgēsamenō tō logō, ho men to epʼ aristera temnomenos meros, palin touto temnōn ouk epanēken prin en autois epheurōn onomazomenon skaion tina erōta eloidorēsen malʼ en dikē, ho dʼ eis ta en dexia tēs manias agagōn hēmas, homōnymon men ekeinō, theion dʼ au tina erōta epheurōn kai proteinamenos epēnesen hōs megistōn aition hēmin agathōn. PHAI. alēthestata legeis. SŌ. toutōn dē egōge autos te erastēs, ō PHaidre, tōn diaireseōn kai synagōgōn, hina hoios te ō legein te kai phronein ean te tinʼ allon hēgēsōmai dynaton eis hen kai epi polla pephykothʼ horan, touton diōkō katopisthe metʼ ichnion hōste theoio. kai mentoi kai tous dynamenous auto dran ei men orthōs ē mē prosagoreuō, theos oide, kalō de oun mechri toude dialektikous. ta de nyn para sou te kai Lysiou mathontas eipe ti chrē kalein ē touto ekeino estin hē logōn technē, hē THrasymachos te kai hoi alloi chrōmenoi sophoi men autoi legein gegonasin, allous te poiousin, hoi an dōrophorein autois hōs basileusin ethelōsin; PHAI. basilikoi men handres, ou men dē epistēmones ge hōn erōtas. alla touto men to eidos orthōs emoige dokeis kalein, dialektikon kalōn
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 266 part 1; transliteration: greek-transliteration (build)