Work 4 · Passage 78
Plato
Greek
ΣΩ. πᾶσαι ὅσαι μεγάλαι τῶν τεχνῶν προσδέονται ἀδολεσχίας καὶ μετεωρολογίας φύσεως πέρι· τὸ γὰρ ὑψηλόνουν τοῦτο καὶ πάντῃ τελεσιουργὸν ἔοικεν ἐντεῦθέν ποθεν εἰσιέναι. ὃ καὶ Περικλῆς πρὸς τῷ εὐφυὴς εἶναι ἐκτήσατο· προσπεσὼν γὰρ οἶμαι τοιούτῳ ὄντι Ἀναξαγόρᾳ, μετεωρολογίας ἐμπλησθεὶς καὶ ἐπὶ φύσιν νοῦ τε καὶ διανοίας ἀφικόμενος, ὧν δὴ πέρι τὸν πολὺν λόγον ἐποιεῖτο Ἀναξαγόρας, ἐντεῦθεν εἵλκυσεν ἐπὶ τὴν τῶν λόγων τέχνην τὸ πρόσφορον αὐτῇ. ΦΑΙ. πῶς τοῦτο λέγεις; ΣΩ. ὁ αὐτός που τρόπος τέχνης ἰατρικῆς ὅσπερ καὶ ῥητορικῆς. ΦΑΙ. πῶς δή; ΣΩ. ἐν ἀμφοτέραις δεῖ διελέσθαι φύσιν, σώματος μὲν ἐν τῇ ἑτέρᾳ, ψυχῆς δὲ ἐν τῇ ἑτέρᾳ, εἰ μέλλεις, μὴ τριβῇ μόνον καὶ ἐμπειρίᾳ ἀλλὰ τέχνῃ, τῷ μὲν φάρμακα καὶ τροφὴν προσφέρων ὑγίειαν καὶ ῥώμην ἐμποιήσειν, τῇ δὲ λόγους τε καὶ ἐπιτηδεύσεις νομίμους πειθὼ ἣν ἂν βούλῃ καὶ ἀρετὴν παραδώσειν. ΦΑΙ. τὸ γοῦν εἰκός, ὦ Σώκρατες, οὕτως. ΣΩ. ψυχῆς οὖν φύσιν ἀξίως λόγου κατανοῆσαι οἴει δυνατὸν εἶναι ἄνευ τῆς τοῦ ὅλου φύσεως; ΦΑΙ. εἰ μὲν Ἱπποκράτει γε τῷ τῶν Ἀσκληπιαδῶν δεῖ τι πιθέσθαι, οὐδὲ περὶ σώματος ἄνευ τῆς μεθόδου ταύτης. ΣΩ. καλῶς γάρ, ὦ ἑταῖρε, λέγει· χρὴ μέντοι πρὸς τῷ Ἱπποκράτει τὸν λόγον ἐξετάζοντα σκοπεῖν εἰ συμφωνεῖ. ΦΑΙ. φημί. ΣΩ. τὸ τοίνυν περὶ φύσεως σκόπει τί ποτε λέγει Ἱπποκράτης τε καὶ ὁ ἀληθὴς λόγος. ἆρʼ οὐχ ὧδε δεῖ διανοεῖσθαι περὶ ὁτουοῦν φύσεως
Transliteration
SŌ. pasai hosai megalai tōn technōn prosdeontai adoleschias kai meteōrologias physeōs peri to gar hypsēlonoun touto kai pantē telesiourgon eoiken enteuthen pothen eisienai. ho kai Periklēs pros tō euphyēs einai ektēsato prospesōn gar oimai toioutō onti Anaxagora, meteōrologias emplēstheis kai epi physin nou te kai dianoias aphikomenos, hōn dē peri ton polyn logon epoieito Anaxagoras, enteuthen heilkysen epi tēn tōn logōn technēn to prosphoron autē. PHAI. pōs touto legeis; SŌ. ho autos pou tropos technēs iatrikēs hosper kai rhētorikēs. PHAI. pōs dē; SŌ. en amphoterais dei dielesthai physin, sōmatos men en tē hetera, psychēs de en tē hetera, ei melleis, mē tribē monon kai empeiria alla technē, tō men pharmaka kai trophēn prospherōn hygieian kai rhōmēn empoiēsein, tē de logous te kai epitēdeuseis nomimous peithō hēn an boulē kai aretēn paradōsein. PHAI. to goun eikos, ō Sōkrates, houtōs. SŌ. psychēs oun physin axiōs logou katanoēsai oiei dynaton einai aneu tēs tou holou physeōs; PHAI. ei men hIppokratei ge tō tōn Asklēpiadōn dei ti pithesthai, oude peri sōmatos aneu tēs methodou tautēs. SŌ. kalōs gar, ō hetaire, legei chrē mentoi pros tō hIppokratei ton logon exetazonta skopein ei symphōnei. PHAI. phēmi. SŌ. to toinyn peri physeōs skopei ti pote legei hIppokratēs te kai ho alēthēs logos. arʼ ouch hōde dei dianoeisthai peri hotouoyn physeōs
Translation coming soon for this language.
Source edition (provenance)
perseus:tlg0059.tlg012.perseus-grc2; plato:phaedrus; section 270 part 1; transliteration: greek-transliteration (build)