Languages

Work 4 · Passage 89

Work 4 · Passage 89

Plato

Greek

ΣΩ. τί δʼ; ἄλλον ὁρῶμεν λόγον τούτου ἀδελφὸν γνήσιον, τῷ τρόπῳ τε γίγνεται, καὶ ὅσῳ ἀμείνων καὶ δυνατώτερος τούτου φύεται; ΦΑΙ. τίνα τοῦτον καὶ πῶς λέγεις γιγνόμενον; ΣΩ. ὃς μετʼ ἐπιστήμης γράφεται ἐν τῇ τοῦ μανθάνοντος ψυχῇ, δυνατὸς μὲν ἀμῦναι ἑαυτῷ, ἐπιστήμων δὲ λέγειν τε καὶ σιγᾶν πρὸς οὓς δεῖ. ΦΑΙ. τὸν τοῦ εἰδότος λόγον λέγεις ζῶντα καὶ ἔμψυχον, οὗ ὁ γεγραμμένος εἴδωλον ἄν τι λέγοιτο δικαίως. ΣΩ. παντάπασι μὲν οὖν. τόδε δή μοι εἰπέ· ὁ νοῦν ἔχων γεωργός, ὧν σπερμάτων κήδοιτο καὶ ἔγκαρπα βούλοιτο γενέσθαι, πότερα σπουδῇ ἂν θέρους εἰς Ἀδώνιδος κήπους ἀρῶν χαίροι θεωρῶν καλοὺς ἐν ἡμέραισιν ὀκτὼ γιγνομένους, ἢ ταῦτα μὲν δὴ παιδιᾶς τε καὶ ἑορτῆς χάριν δρῴη ἄν, ὅτε καὶ ποιοῖ· ἐφʼ οἷς δὲ ἐσπούδακεν, τῇ γεωργικῇ χρώμενος ἂν τέχνῃ, σπείρας εἰς τὸ προσῆκον, ἀγαπῴη ἂν ἐν ὀγδόῳ μηνὶ ὅσα ἔσπειρεν τέλος λαβόντα; ΦΑΙ. οὕτω που, ὦ Σώκρατες, τὰ μὲν σπουδῇ, τὰ δὲ ὡς ἑτέρως ἂν ᾗ λέγεις ποιοῖ. ΣΩ. τὸν δὲ δικαίων τε καὶ καλῶν καὶ ἀγαθῶν ἐπιστήμας ἔχοντα τοῦ γεωργοῦ φῶμεν ἧττον νοῦν ἔχειν εἰς τὰ ἑαυτοῦ σπέρματα; ΦΑΙ. ἥκιστά γε. ΣΩ. οὐκ ἄρα σπουδῇ αὐτὰ ἐν ὕδατι γράψει μέλανι σπείρων διὰ καλάμου μετὰ λόγων ἀδυνάτων μὲν αὑτοῖς λόγῳ βοηθεῖν, ἀδυνάτων δὲ ἱκανῶς τἀληθῆ διδάξαι. ΦΑΙ. οὔκουν δὴ τό γʼ εἰκός. ΣΩ. οὐ γάρ· ἀλλὰ τοὺς μὲν ἐν γράμμασι κήπους, ὡς ἔοικε, παιδιᾶς χάριν σπερεῖ τε καὶ γράψει, ὅταν γράφῃ, ἑαυτῷ τε ὑπομνήματα θησαυριζόμενος, εἰς τὸ λήθης γῆρας ἐὰν ἵκηται , καὶ παντὶ τῷ ταὐτὸν ἴχνος μετιόντι, ἡσθήσεταί τε αὐτοὺς θεωρῶν φυομένους ἁπαλούς· ὅταν δὲ ἄλλοι παιδιαῖς ἄλλαις χρῶνται, συμποσίοις τε ἄρδοντες αὑτοὺς ἑτέροις τε ὅσα τούτων ἀδελφά, τότʼ ἐκεῖνος, ὡς ἔοικεν, ἀντὶ τούτων οἷς λέγω παίζων διάξει. ΦΑΙ. παγκάλην λέγεις παρὰ φαύλην παιδιάν, ὦ Σώκρατες, τοῦ ἐν λόγοις δυναμένου παίζειν, δικαιοσύνης τε καὶ ἄλλων ὧν λέγεις πέρι μυθολογοῦντα.

Transliteration

SŌ. ti dʼ; allon horōmen logon toutoy adelphon gnēsion, tō tropō te gignetai, kai hosō ameinōn kai dynatōteros toutoy phyetai; PHAI. tina touton kai pōs legeis gignomenon; SŌ. hos metʼ epistēmēs graphetai en tē tou manthanontos psychē, dynatos men amynai heautō, epistēmōn de legein te kai sigan pros hous dei. PHAI. ton tou eidotos logon legeis zōnta kai empsychon, hou ho gegrammenos eidōlon an ti legoito dikaiōs. SŌ. pantapasi men oun. tode dē moi eipe ho noun echōn geōrgos, hōn spermatōn kēdoito kai enkarpa bouloito genesthai, potera spoudē an therous eis Adōnidos kēpous arōn chairoi theōrōn kalous en hēmeraisin oktō gignomenous, ē tauta men dē paidias te kai heortēs charin drōē an, hote kai poioi ephʼ hois de espoudaken, tē geōrgikē chrōmenos an technē, speiras eis to prosēkon, agapōē an en ogdoō mēni hosa espeiren telos labonta; PHAI. houtō pou, ō Sōkrates, ta men spoudē, ta de hōs heterōs an hē legeis poioi. SŌ. ton de dikaiōn te kai kalōn kai agathōn epistēmas echonta tou geōrgou phōmen hētton noun echein eis ta heautou spermata; PHAI. hēkista ge. SŌ. ouk ara spoudē auta en hydati grapsei melani speirōn dia kalamou meta logōn adynatōn men hautois logō boēthein, adynatōn de hikanōs talēthē didaxai. PHAI. oukoyn dē to gʼ eikos. SŌ. ou gar alla tous men en grammasi kēpous, hōs eoike, paidias charin sperei te kai grapsei, hotan graphē, heautō te hypomnēmata thēsaurizomenos, eis to lēthēs gēras ean hikētai , kai panti tō tauton ichnos metionti, hēsthēsetai te autous theōrōn phyomenous hapalous hotan de alloi paidiais allais chrōntai, symposiois te ardontes hautous heterois te hosa toutōn adelpha, totʼ ekeinos, hōs eoiken, anti toutōn hois legō paizōn diaxei. PHAI. pankalēn legeis para phaulēn paidian, ō Sōkrates, tou en logois dynamenou paizein, dikaiosynēs te kai allōn hōn legeis peri mythologounta.

Translation coming soon for this language.

Source edition (provenance)

perseus:tlg0059.tlg012.perseus-grc2; plato:phaedrus; section 276; transliteration: greek-transliteration (build)

Share X Facebook