Languages

Work 5 · Passage 10

Work 5 · Passage 10

Plato

Greek

ΣΩ. τί ποτε οὖν τοῦτο οὗ τοῦτο ὄνομά ἐστιν, τὸ σχῆμα; πειρῶ λέγειν. εἰ οὖν τῷ ἐρωτῶντι οὕτως ἢ περὶ σχήματος ἢ χρώματος εἶπες ὅτι ἀλλʼ οὐδὲ μανθάνω ἔγωγε ὅτι βούλει, ὦ ἄνθρωπε, οὐδὲ οἶδα ὅτι λέγεις, ἴσως ἂν ἐθαύμασε καὶ εἶπεν· οὐ μανθάνεις ὅτι ζητῶ τὸ ἐπὶ πᾶσιν τούτοις ταὐτόν; ἢ οὐδὲ ἐπὶ τούτοις, ὦ Μένων, ἔχοις ἂν εἰπεῖν, εἴ τίς σε ἐρωτῴη· τί ἐστιν ἐπὶ τῷ στρογγύλῳ καὶ εὐθεῖ καὶ ἐπὶ τοῖς ἄλλοις, ἃ δὴ σχήματα καλεῖς, ταὐτὸν ἐπὶ πᾶσιν; πειρῶ εἰπεῖν, ἵνα καὶ γένηταί σοι μελέτη πρὸς τὴν περὶ τῆς ἀρετῆς ἀπόκρισιν. ΜΕΝ. μή, ἀλλὰ σύ, ὦ Σώκρατες, εἰπέ. ΣΩ. βούλει σοι χαρίσωμαι; ΜΕΝ. πάνυ γε. ΣΩ. ἐθελήσεις οὖν καὶ σὺ ἐμοὶ εἰπεῖν περὶ τῆς ἀρετῆς; ΜΕΝ. ἔγωγε. ΣΩ. προθυμητέον τοίνυν· ἄξιον γάρ. ΜΕΝ. πάνυ μὲν οὖν. ΣΩ. φέρε δή, πειρώμεθά σοι εἰπεῖν τί ἐστιν σχῆμα. σκόπει οὖν εἰ τόδε ἀποδέχῃ αὐτὸ εἶναι· ἔστω γὰρ δὴ ἡμῖν τοῦτο σχῆμα, ὃ μόνον τῶν ὄντων τυγχάνει χρώματι ἀεὶ ἑπόμενον. ἱκανῶς σοι, ἢ ἄλλως πως ζητεῖς; ἐγὼ γὰρ κἂν οὕτως ἀγαπῴην εἴ μοι ἀρετὴν εἴποις. ΜΕΝ. ἀλλὰ τοῦτό γε εὔηθες, ὦ Σώκρατες. ΣΩ. πῶς λέγεις; ΜΕΝ. ὅτι σχῆμά πού ἐστιν κατὰ τὸν σὸν λόγον ὃ ἀεὶ χρόᾳ ἕπεται. εἶεν· εἰ δὲ δὴ τὴν χρόαν τις μὴ φαίη εἰδέναι, ἀλλὰ ὡσαύτως ἀποροῖ ὥσπερ περὶ τοῦ σχήματος, τί ἂν οἴει σοι ἀποκεκρίσθαι; ΣΩ. τἀληθῆ ἔγωγε· καὶ εἰ μέν γε τῶν σοφῶν τις εἴη καὶ ἐριστικῶν τε καὶ ἀγωνιστικῶν ὁ ἐρόμενος, εἴποιμʼ ἂν αὐτῷ ὅτι ἐμοὶ μὲν εἴρηται· εἰ δὲ μὴ ὀρθῶς λέγω, σὸν ἔργον λαμβάνειν λόγον καὶ ἐλέγχειν. εἰ δὲ ὥσπερ ἐγώ τε καὶ σὺ νυνὶ φίλοι ὄντες βούλοιντο ἀλλήλοις διαλέγεσθαι, δεῖ δὴ πρᾳότερόν πως καὶ διαλεκτικώτερον ἀποκρίνεσθαι. ἔστι δὲ ἴσως τὸ διαλεκτικώτερον μὴ μόνον τἀληθῆ ἀποκρίνεσθαι, ἀλλὰ καὶ διʼ ἐκείνων ὧν ἂν προσομολογῇ εἰδέναι ὁ ἐρωτώμενος. πειράσομαι δὴ καὶ ἐγώ σοι οὕτως εἰπεῖν. λέγε γάρ μοι· τελευτὴν καλεῖς τι; τοιόνδε λέγω οἷον πέρας καὶ ἔσχατον—πάντα ταῦτα ταὐτόν τι λέγω

Transliteration

SŌ. ti pote oun touto hou touto onoma estin, to schēma; peirō legein. ei oun tō erōtōnti houtōs ē peri schēmatos ē chrōmatos eipes hoti allʼ oude manthanō egōge hoti boulei, ō anthrōpe, oude oida hoti legeis, isōs an ethaumase kai eipen ou manthaneis hoti zētō to epi pasin toutois tauton; ē oude epi toutois, ō Menōn, echois an eipein, ei tis se erōtōē ti estin epi tō strongylō kai euthei kai epi tois allois, ha dē schēmata kaleis, tauton epi pasin; peirō eipein, hina kai genētai soi meletē pros tēn peri tēs aretēs apokrisin. MEN. mē, alla sy, ō Sōkrates, eipe. SŌ. boulei soi charisōmai; MEN. pany ge. SŌ. ethelēseis oun kai sy emoi eipein peri tēs aretēs; MEN. egōge. SŌ. prothymēteon toinyn axion gar. MEN. pany men oun. SŌ. phere dē, peirōmetha soi eipein ti estin schēma. skopei oun ei tode apodechē auto einai estō gar dē hēmin touto schēma, ho monon tōn ontōn tynchanei chrōmati aei hepomenon. hikanōs soi, ē allōs pōs zēteis; egō gar kan houtōs agapōēn ei moi aretēn eipois. MEN. alla touto ge euēthes, ō Sōkrates. SŌ. pōs legeis; MEN. hoti schēma pou estin kata ton son logon ho aei chroa hepetai. eien ei de dē tēn chroan tis mē phaiē eidenai, alla hōsautōs aporoi hōsper peri tou schēmatos, ti an oiei soi apokekristhai; SŌ. talēthē egōge kai ei men ge tōn sophōn tis eiē kai eristikōn te kai agōnistikōn ho eromenos, eipoimʼ an autō hoti emoi men eirētai ei de mē orthōs legō, son ergon lambanein logon kai elenchein. ei de hōsper egō te kai sy nyni philoi ontes boulointo allēlois dialegesthai, dei dē praoteron pōs kai dialektikōteron apokrinesthai. esti de isōs to dialektikōteron mē monon talēthē apokrinesthai, alla kai diʼ ekeinōn hōn an prosomologē eidenai ho erōtōmenos. peirasomai dē kai egō soi houtōs eipein. lege gar moi teleutēn kaleis ti; toionde legō hoion peras kai eschaton—panta tauta tauton ti legō

Translation coming soon for this language.

Source edition (provenance)

perseus:tlg0059.tlg024.perseus-grc2; plato:meno; section 75 part 1; transliteration: greek-transliteration (build)

Share X Facebook