Work 5 · Passage 9
Plato
Greek
· πότερον τὸ λευκὸν χρῶμά ἐστιν ἢ χρῶμά τι; εἶπες ἂν ὅτι χρῶμά τι, διότι καὶ ἄλλα τυγχάνει ὄντα; ΜΕΝ. ἔγωγε. ΣΩ. καὶ εἴ γέ σε ἐκέλευε λέγειν ἄλλα χρώματα, ἔλεγες ἂν ἄλλα, ἃ οὐδὲν ἧττον τυγχάνει ὄντα χρώματα τοῦ λευκοῦ; ΜΕΝ. ναί. ΣΩ. εἰ οὖν ὥσπερ ἐγὼ μετῄει τὸν λόγον, καὶ ἔλεγεν ὅτι ἀεὶ εἰς πολλὰ ἀφικνούμεθα, ἀλλὰ μή μοι οὕτως, ἀλλʼ ἐπειδὴ τὰ πολλὰ ταῦτα ἑνί τινι προσαγορεύεις ὀνόματι, καὶ φῂς οὐδὲν αὐτῶν ὅτι οὐ σχῆμα εἶναι, καὶ ταῦτα καὶ ἐναντία ὄντα ἀλλήλοις, ὅτι ἐστὶν τοῦτο ὃ οὐδὲν ἧττον κατέχει τὸ στρογγύλον ἢ τὸ εὐθύ, ὃ δὴ ὀνομάζεις σχῆμα καὶ οὐδὲν μᾶλλον φῂς τὸ στρογγύλον σχῆμα εἶναι ἢ τὸ εὐθύ; ἢ οὐχ οὕτω λέγεις; ΜΕΝ. ἔγωγε. ΣΩ. ἆρʼ οὖν, ὅταν οὕτω λέγῃς, τότε οὐδὲν μᾶλλον φῂς τὸ στρογγύλον εἶναι στρογγύλον ἢ εὐθύ, οὐδὲ τὸ εὐθὺ εὐθὺ ἢ στρογγύλον; ΜΕΝ. οὐ δήπου, ὦ Σώκρατες. ΣΩ. ἀλλὰ μὴν σχῆμά γε οὐδὲν μᾶλλον φῂς εἶναι τὸ στρογγύλον τοῦ εὐθέος, οὐδὲ τὸ ἕτερον τοῦ ἑτέρου. ΜΕΝ. ἀληθῆ λέγεις.
Transliteration
poteron to leukon chrōma estin ē chrōma ti; eipes an hoti chrōma ti, dioti kai alla tynchanei onta; MEN. egōge. SŌ. kai ei ge se ekeleue legein alla chrōmata, eleges an alla, ha ouden hētton tynchanei onta chrōmata tou leukou; MEN. nai. SŌ. ei oun hōsper egō metēei ton logon, kai elegen hoti aei eis polla aphiknoumetha, alla mē moi houtōs, allʼ epeidē ta polla tauta heni tini prosagoreueis onomati, kai phēs ouden autōn hoti ou schēma einai, kai tauta kai enantia onta allēlois, hoti estin touto ho ouden hētton katechei to strongylon ē to euthy, ho dē onomazeis schēma kai ouden mallon phēs to strongylon schēma einai ē to euthy; ē ouch houtō legeis; MEN. egōge. SŌ. arʼ oun, hotan houtō legēs, tote ouden mallon phēs to strongylon einai strongylon ē euthy, oude to euthy euthy ē strongylon; MEN. ou dēpou, ō Sōkrates. SŌ. alla mēn schēma ge ouden mallon phēs einai to strongylon tou eutheos, oude to heteron tou heterou. MEN. alēthē legeis.
Translation coming soon for this language.
Source edition (provenance)
perseus:tlg0059.tlg024.perseus-grc2; plato:meno; section 74 part 2; transliteration: greek-transliteration (build)